تويت
رد: قلبي مات / مضحكه للغايه و مؤثرة جدا /
بنات لقيت البارتات الثانية بس ماعرف انزلها للمنتدى ابغىالطريقه
بنات لقيت البارتات الثانية بس ماعرف انزلها للمنتدى ابغىالطريقه
-
-
رد: قلبي مات / مضحكه للغايه و مؤثرة جدا /
تعمليلها نسخ ولصق في الرد هنا
ويعطيك العافيهتعليق
-
رد: قلبي مات / مضحكه للغايه و مؤثرة جدا /
عذرا على التأخر
بس كنت مسافرة والنت خربان
وإن شاء الله في أقرب وقت أكملهاتعليق
-
رد: قلبي مات / مضحكه للغايه و مؤثرة جدا /
يعطيك العافيه
ننتظركتعليق
-
رد: قلبي مات / مضحكه للغايه و مؤثرة جدا /
يعطيكم الف عافيه على المرور ^^..
\
/
وهذا بارت ..
أذن العصر ..
ودخل أبو ريان البيت وتوجهه لغرفة رائد .....
وشاف أم ريان قاعده تقرا عليه ..
أبو ريان : ممكن أعرف أنتي ليه قاعده هنا
أم ريان : قاعده عند ولدي .. وما راح أخليك تلمسه ..
أبو ريان : لا تحديني أسوي شي أنتي بتندمين عليه ..
أم ريان : سو اللي تبي .. بس لا تضرب رائد ..
أبو ريان ( يناظرها بغضب ) : ............
رائد ( وعى وقال بصوت رايح ) : أمي روحي لا تخلي أبوي يغضب عليك ..
أم ريان فرحت لأن رائد صحى ..
أم ريان : هلا حبيبي أنت صحيت الحمد لله والشكر لك يا ربي ... يا قلبي بسم الله عليك .. لا تخاف أبوك ما يقدر يلمسك وأنا موجوده ..
رائد ما يقدر يتكلم .. لأن جسمه كأنه متكسر ويعوره بالحيل ..
أبو ريان : صليت ؟؟
أم ريان : شلون تبيه يصلي ويقوم وأنت مكسر ضلوعه ..
أبو ريان : هدى ! أنا أكلم رائد !!
رائد ( يفك أمه ) : روحي أنا بخير
أم ريان : لا يا ولدي قلبي ما يطاوعني أخليك لحالك ..
رائد : أمي علشان أبوي لا يغضب عليك .. مابي يصير لك شي بسببي ..
أم ريان : رائد لا ! أنا يضربني عادي ! لو يبغى خله يذبحني !! بس ما يلمسك أنت ..
رائد حس بتعب فظييييع وسكت .. وطالع أبوه بحزن ...
أبو ريان : ما ودك تصلي ..
رائد ( بصعوبه يتكلم ) : م م اقدر
أبو ريان : يعني تبيني أعلمك شلون ؟؟ » ( وأتجه له وكان بيمسكه )
بس أم ريان مسكته : والله ما تلمسه هذا أنا حلفت .. وأن لمسته والله راح تشوف مني تعامل ثاني معك ...
أبو ريان : وان شاء الصلاة يتركها ؟
أم ريان : أنا بساعده .. بس أنت روح .. خليت رائد يعيش في رعب بسببك !!
أبو ريان طلع ...
أم ريان حاولت تساعد رائد اللي ما قدر حتى يوقف على رجله ..
بس أعانه ربه ..
عند الأعمام اللي لاهين ما يدرون وش صاير في بيت أخوهم .. !
سلطان : خويلد أمس رائد مكلمني وقايل أنه بيجي يتغدى .. وما جا ألحين الساعه 2 ؟؟
خالد : أولا وش أسمي الأصلي ؟
سلطان : لاحول هاه خالد بس جاوبني ..
خالد : والله مادري ليش أعلم الغيب أنا ؟
فهد : لا صدق أتصل برائد ومقفل ! وريان مثله ! ومحمد ما يرد !
سلطان : الله يستر لا يكون صاير شي كايد ..
خالد : فال الله ولا فالك يا خوي
فهد : كل غايب وعذره معه ..
سلطان : ياخي قلبي ناغزني ! أحس في شي صاير ..
خالد : يا خوي والله خليتني أشك ..
فهد : بتصل بمحمد وأن شاء الله يرد ..
سلطان : رد لنا خبر وطمنا !
فهد : ان شاء الله
فهد يتصل ويتصل على محمد ألين رد ..
فهد : السلام عليكم ..
أبو ريان : وعليكم السلام .. هلا فهد شلونك ؟
فهد : والله تمام أنتم علومكم أخباركم ؟
أبو ريان : ..........
فهد : محمد وين رحت ؟
أبو ريان : لا معك معك .. هاه شخبار الوالد والوالده وخالد وسلطان ان شاء الله بخير ؟؟
فهد : الحمد لله بخير .. شخبار رائد وريان ؟
أبو ريان : بخير ..
فهد : وش فيهم مقفلين جوالاتهم ؟
أبو ريان : وش عرفني !
فهد : وش فيك مالك نفس تتكلم ! ورائد أمس مكلمنا وقال أنه بيجي يتغدى ! وألحين الساعه ثنتين .. ولا جا ليه ؟
أبو ريان : أنا مانعه !
فهد ( مصدوم ) : ليييه ؟؟
أبو ريان : تعالو بكرا العصر لبيتنا .. وبقولكم ليه !
فهد ( انقبض قلبه ) : في شي صاير ؟
أبو ريان : إذا جيتو بتعرفون ..
فهد : شي كايد ؟؟؟
أبو ريان : تراك لجيتني !! إذا جيتو بتعرفون خلاص يكفي زن !!!
فهد : السموحه منك بس أقلقتني !
أبو ريان : يالله ما أطول عليك ..
فهد : مع السلامه وسلم عالجميع ..
أبو ريان : الله يسلمك .. ويبلغ ان شاء الله ..
من بكرا العصر ..
سلطان ( معصب ) : محمد !! وش هالعقليه عندك ؟؟ لهالدرجه تشك في ولدك ؟ وتصدق الناس الكذابه ؟؟؟
أبو ريان : سلطان قصر صوتك على اللي أكبر منك ..
سلطان : قولي ليش تشك في رائد كذا ليش ؟
أبو ريان : نزل سمعتي للأرض .. صرت شبه مهيون عند الناس !!
خالد : طيب ليش ما سألته يمكن يعترف ! وأنا أعرف رائد في الأشياء مثل هذي يكون صريح ويتكلم من جد ويعترف ..
أبو ريان : وهو أنكر الشي هذا !
سلطان : يعني أكيد رائد بريئ ؟
( فجأه تغيرت ملامح سلطان ) وقال : لا يكون سويت فيه شي ؟!
أبو ريان : .............
سلطان : رد علي ! أكلم جدار ؟!!!
أبو ريان : أي .. ضربته !
سلطان + خالد + فهد : ايش ؟
أبو ريان : مثل ما سمعتو ..
سلطان ( بعصبيه + صوت عالي ) : الله ياخذك وياخذ أشكالك .. يا إمعه ! تصدق كلام الناس !! لا وما لقيت تصدق غير أبو سالم هالنذل الخسيس !!
أبو ريان : سلطان أحترم نفسك !!!
سلطان ما عبره .. مشى بخطوات سريعه لغرفة رائد .. ولحقه فهد .. وبعده خالد ..
فتح الباب على عجل ....
سلطان : رائد ؟
رائد كان قاعد عند " البلكونه " وسرحان ... بعد ما ناداه سلطان ألتفت بحركه سريعه ... ( لأنه صار يخاف من أي صوت بسبب أبوه )
سلطان : رائد .. ( شهق لما شاف وجه رائد .. كيف متأثر من الضرب ومبين عليه الهلك والتعب الشديد ! )
رائد : سلطان ؟!؟! ( وقام رائد بسرعه وحظن سلطان بشوق ، وبأستغاثه .. وكل شي .. )
سلطان : مستحيل أصدق اللي يقولونه .. أكيد ما سويت هالشي هذا .. أنا متأكد .. أخوي وأكثر من أخوي وأعرفك زين ..
رائد : والله أني ما سويت شي والله .. أرجوك يا سلطان لا تصدقهم وتروح وتخليني لحالي ..
سلطان : لا لا تخاف ( وبتردد ) ضربك بقوة ؟
رائد ( أبتعد عن سلطان ) : كسرني ..
سلطان ( بتسرع وبقهر ) : النذل الخسيس البايخ !! يصدق كلام الناس ويكذبك ويظلمك .. بالله أي أبو هذا ؟
رائد : سلطان لا تقول على أبوي كذا !!
........ : وتدافع عن أبوك رغم كل اللي سواه فيك ؟ هذا العشم والله أنك أصيل يا ولد أخوي ..
ألتفت رائد لمصدر الصوت وشافه .. خالد ..
رائد : خالد ؟ أرجوك يا خالد لا تصدقهم ! أنا مظلوم .. وربي يشهد علي !
خالد : رائد مهما كان الأنسان مو معصوم عن الغلط .. وكل ابن ادم خطاء ..
رائد : افهم من كلامك أنك مكذبني ؟
خالد : لا يا قلبي .. في رابع المستحيلات أني أصدق مثل هالكلام .... وفي مين ؟ ولد أخوي رائد حبيبي ... لا ما أصدق ..
رائد أرتاح وابتسم ابتسامه غصبا عنه ..
فهد كان متابع هالفصل كله بدون أي كلمه ..
رائد ( بنظرات تعبانه ) : فهد أنت مصدقهم ؟
فهد : أكيد لا ! والسالفه أحسها شوي حساسه ..
رائد نزل راسه .. وش يقول ؟ ما عنده كلام أو أحد يثبت له براءته !
خالد أتجه لرائد ومسك ذقنه ورفع راسه ..
وقال بإبتسامه : كلنا معك يالغالي لا يضيق صدرك ..
قام رائد : مشكورين .. والله يحفظكم ..
ريان : هلا باللي جانا ..
خالد : أهلين هلا وغلا ريان شلونك ؟
ريان : بخير .. ( ويشوف رائد ) هاه حبيبي شلونك ألحين ان شاء الله أحسن ؟
رائد : الحمد لله ..
فهد : إذا تبي ترتاح عادي أطردنا ما فيها شي مسموح لك ( يحاول يلطف الجو شوي )
رائد : البيت بيتكم ..
ريان أشر عليهم يطلعون وطلعو ألا سلطان اللي بقى مع رائد ..
سلطان : تبي شي ؟ محتاج شي ؟
رائد : أبي شي واحد بس !
سلطان : يالله امر وش هو ؟
رائد : أبي أبوي يعفو عني ويسامحني .. ومابي شي من الدنيا غير هالشي هذا ؟ وهو أمنيتي وأتمنى أنها تتحقق ..
سلطان : الله يحقق لك مرادك .. وأصبر وأنا أخوك .. الصبر زين .. وإذا كنت متأكد من براءتك .. خلاص لا تشيل هم .. أنت واثق من نفسك ..
رائد : الله المستعان ..
سلطان : الله يعينك ..
___________
طبعا أبو سالم رجل من أعظم الحقاد .. وكان يحقد رائد والوسط اللي يعيش فيه .. من سعاده وغنى .. وخصوصا الراحة النفسية ! وأبو سالم فقير على قد حاله .. ومادري ليه من بد العالم حاقد على رائد بالذات »» ( يا عمري عمره والله ينرحم )
طبعا أهو ما قال الكلام لأبو ريان ألا لأنه تقريبا أنتقام لولده وبسبب الغيره من رائد » ( تخيلو رجال بطول وعرض يغار ؟! ) » اللهم إنا نحمدك ونشكرك على نعمة العقل !!!
_______________
رائد اليوم اللي بعده خلاص ماتحمل .. يحس روحه بتطلع من التعب والمرض .. ونفسيته بالمره تعبانه ومأثره فيه بكثييير !
طلع من غرفته على أمل أن أبوه ما يشوفه ويحصل ريان علشان يساعده ..
ولحسن حظه كان أبوه نايم .. وتسحب لغرفة ريان ..
وفتح الباب .. وشاف ريان يكتب ومندمج ..
رائد ( بصعوبه ) : ريان تعال بموت ..
ريان ( رفع راسه وأنصعق من شكل رائد !! كان وجهه أسود على أحمر على أزرق .. وتحت عيونه أسود .. وشعره مبهدل .. وحالته حاله ) : رائد ؟؟
رائد ( يأشر له علشان يجي يساعده ! ما قدر يتكلم ! أنربط لسانه ) : ...........
ريان ركض لرائد .... ويومه وصل عنده .. رائد طاح عالأرض ..
ريان ( صرخ ) : رائد !!!
رائد : ريان أحس قلبي بينفجر .. وفقد وعيه ...
ريان علشان ما يحس أبوه .. وقام وسحب رائد .. ونزله مع مصعد البيت " اللفت " .. وركبه السياره .. وطار طيران للمستشفى ...
دخلو رائد لمعالجته ... وريان قعد ينتظر بخوف ..
وفكر يتصل في أبوه ..
ريان : هلا أبوي ؟
أبو ريان : هلا ريان ؟ وش عندك ؟
ريان : أأ أ أ أبوي .. رائد بالمستشفى الأن ..
أبو ريان ( فز من مكانه ) : وش فيه ؟!
ريان : مادري .. توني جايبه ..
أبو ريان : طيب أنا جاي .. سلام
.............
أبو ريان كان في الليله الماضيه داخل على رائد .. وبعد ما قرب عنده .. سمع رائد يتكلم ... واستغرب ! فتح الأنوار ! وشاف رائد غرقان في نومته .. بس ! ! !
كان يتكلم !
رائد : أنا مظلوم يابوي .. ليه تضربني ؟ والله مظلوم » ( حزت في خاطر أبو ريان هالكلمات اللي يقولها .. كان يقولها وهو نايم ! )
من بعدها خف غضبه شوي .. وحس أنه بريئ .. بس وش اللي بيقنعه ؟!
دخل المستشفى .. وشاف ريان ..
أبو ريان : هاه وش علومه ؟
ريان : مادري ..
وطلع الدكتور ..
أبو ريان : وش فيه يا دكتور ؟
الدكتور ( متوتر ) : ..............
د. ياسر ( بحزن ) : يا خوي رائد تعب ودخل العنايه المركزه .. وحالته خطيره ..
أبو ريان : ليه دخل العنايه وش صابه ؟!
د. ياسر : اللي يزيد من تعبه هو نفسيته التعبانه ... وإذا أستمر على هالحال ما راح يتعافى بسرعه !
أبو ريان : طيب أنت ضامن أنه بيعيش ؟
د. ياسر : الله أعلم يا خوي ........ يالله أستأذنك بروح أتابع حالته ..
أبو ريان : روح بحفظ الله ..
تضايق محمد للي صار لرائد .. رغم الغضب اللي شايله عليه بقلبه .. ألا أن فيه ذرات حب له ..
جا ريان ! وعرف وش صار لرائد وضاق صدره بالحييييييل ! يحس أنه أهو سبب دخول رائد العنايه ..
سلطان أنهبل بعد ما عرف .. وحط اللوم كله على محمد ..
طلع رائد من العناية بعد ما قعد فيها يومين ..
ريان : هاه شخبارك ألحين ؟
رائد : بخير
ريان : ما تبي شي ؟
رائد : لأ
ريان : براحتك ..
تعليق
-
رد: قلبي مات / مضحكه للغايه و مؤثرة جدا /
عدى يوم ......... واليوم اللي بعده ..
رائد كان عطشان يبي مويه ..
وكان عنده أبوه .. لكن بعيد ..
رائد مد إيده للكاس .. وبدون قصد ....... طاح الكاس وانكسر ..
أبو ريان كان سرحان .. وأفزعه صوت الكاس وفز من مكانه ..
أبو ريان ( بصوت عالي ) : حسبي الله عليك من ولد !! زين كذا خرعتني ؟ ما تنتبه ؟!؟! أعمى ولا وش تصير ؟
رائد : والله بدون قصد والله ..
أبو ريان : يعني ما شفته ؟ أعمى ؟
رائد : ............
أبو ريان : أوفففف منك ! وش الله باليني بولد مثلك ...... ( وطلع )
رائد : والله مو قصدي ليه يظلمني ؟ ليتني أموت وأفتك من عيشتي هذي ...
ونزل من السرير .. وقعد على ركبته .. يجمع القزاز المكسر ..
دخل ريان .. وشاف رائد وانصدم !
وراح له وسحبه مع إيده وقفه ..
ريان : رائد أنت مهبول ؟؟ وش قاعد تسوي ..
رائد ( ببراءة ) : طاح الكاس وانكسر .. وبجمع القزاز المكسور ..
ريان : ليش تجمعه ؟ العامل يجي ينظفه ! أنت أرجع سريرك بسرعه ..
رائد : ان شاء الله .. بس ممكن أعرف أنت لين متى بتكلمني بهالجفاف ؟؟
ريان : رائد قفل الموضوع .. وارجع سريرك ..
ريان كان بيطلع .. بس رائد مسكه ..
ألتفت ريان بعصبيه !! لكنه هدى وأستغرب ... !!! لأنه شاف دموع رائد ..
وتصنم .. !
قعد رائد على طرف السرير .. وبعده ماسك ريان ..
ريان : تبي شي ؟
رائد : أي أبي ..
ريان : يالله امر وش تبي ؟
رائد : أبيك أنت ..
ريان : ........... هذا أنا موجود ..
رائد نط على ريان وحظنه بقوة وقعد يصييييح ..
ريان ( أستغرب ! ) : رائد وش فيك ؟ يعورك شي ؟ محتاج شي ؟
رائد : أنا ما راح أكون بخير ألا إذا عاملتني مثل قبل يا ريان .. أرجوك لا تروح عني .. أقعد عندي .. أنا أبيك ... أبيك تعاملني مثل أول ..
ريان : ما أبي أقعد بطلع .. أتركني ..
رائد : لا ريان أبي حظنك أبي أشبع منك .. أرجوك لا تتركني ..
ريان : أنا قاعد لك يعني قاعد لك .. وين بروح يعني ؟
رائد : لا خلني كذا أنا مرتاح .. أبشبع منك قبل أموت ..
ريان ( أنتفض ) : بعيد الشر ! رائد وش هالكلام ؟ لا تعيده مره ثانيه ..
رائد : لا ريان أبشرك .. أحس أن موتي قريب .. وراح ترتاحون مني .. أفرح يا ريان .. أنا راح أموت وتفتكون مني ..
ريان : رائد لا تقول كذا !!! لا تفاول على نفسك .. بالعكس أنا أبيك ..
رائد : ...............
ريان : رائد ..
رائد : ...............
ريان ( يرفع راس رائد ) : رائد ..
رائد ( يبتسم ) : .............
ريان : وش تبتسم عليه ؟
رائد : لأني بموت قريب .. وبرتاح من العذاب ..
ودفن راسه بصدر أخوه ..
ريان ( صرخ ) : رائد لا تعيد كلامك خلاص روعتني !! الله يطول بعمرك ..
رائد : مسامحني طيب ؟
ريان : ليه تسأل ؟
رائد : علشان إذا مت .. أموت بشوية راحه ...... ما أموت وأبوي واخوي غضبانين علي ..
ريان ( انتفض ) : رائد لا تذكر الموت على لسانك مره ثانيه .. لا تخوفني ..
رائد ( رجع لسريره ) : .........
وانسدح فيه ونظرات الفرح في عيونه واضحه ..
طلع ريان من عنده .. ورجع لبيتهم وهو يفكر برائد !
لأن كلامه دق الرعب في قلبه ..
في نفس الوقت ...
في مكتب ( الدكتور ياسر ) ...
د. ياسر : لا أسمح لي ما أقدر !
أبو ريان : صرت ولي أمره على غفله ؟
د. ياسر : حرام عليك ! الولد ما كمل أسبوع مسوي عمليه ! وتوه طالع من العنايه .. انا ماني مسؤول إذا صابه شي ! أرحم حاله ! كيف يطلع وهو ما كمل علاجه ! ناوي تذبحه ؟
أبو ريان : ولدي وأنا حر فيه !! أنت مالك شغل ..
د. ياسر : انا لله وانا اليه راجعون .. أسمح لي ما أقدر ..
أبو ريان ( بصوت عالي ) : تقدر غصبا عنك ..
د. ياسر : لا حول ولا قوة الا بالله .. مصمم على قرارك ؟
ابو ريان : أكيد ..
د. ياسر : بس بشرط !
أبو ريان ( بطفش ) : وشو بعد ؟
د. ياسر : يكمل اليوم هذا .. وبكرا العصر تاخذه ..
أبو ريان ( بتفكير ) : .... خلاص موافق ..
دخل أبو ريان على رائد ..
أبو ريان : جهز حالك .. بكرا العصر بتطلع من هنا ..
رائد أستغرب ! لأن الدكتور يقول بتقعد أسبوعين ..
رائد : غريبه ! الدكتور يقول أسبوعين بقعد أنا ..
أبو ريان : أي ما غلطت .. بس أنا بطلعك ..
رائد فتح عيونه على وسعها ..
( يعني ناوي علي ؟ )
رائد : براحتك ..
في الليل الساعه 8 أبو ريان طلع ..
دخل الدكتور ياسر على رائد ..
رائد : هلا والله ..
د. ياسر : هلا فيك .... رائد ..
رائد : هلا ؟
د. ياسر ( منزل راسه ) : أنا اسف يا خوي ..
رائد : وش عليه التأسف ؟
د. ياسر : رائد .. أبوك أصر علي أني أخليه يوقع على خروجك ..
رائد : بس ؟
د. ياسر : صدقني منعته .. بس هو الله يهديه راسه يابس ..
رائد : أي عادي وش فيها ..
د. ياسر ( مستغرب ) : وشو وش فيها ! أقولك بتطلع من المستشفى وأنت ما أكتمل علاجك ! وهذا خطر لصحتك ..
رائد : أيييه عادي .. تعودت على الالام .. والجروح .. والتعذيب .. والضرب .. ما عاد تفرق عندي ..
ويمكن خروجي فيها خيره لي !
د. ياسر : وش قصدك ؟
رائد : يعني يمكن أبوي يذبحني ! أو يضربني لين أموت .. وهذا اللي أتمناه أنا ..
د. ياسر : أي موت .. وش تخربط أنت ؟ الله يطول بعمرك .. أبوك ما راح يذبحك ان شاء الله ..
رائد ( يضحك بسخريه ) : وليش مطلعني من المستشفى وأنا لسى مسوي العملية ؟ أكيد ناويها علي ..
د. ياسر : لا يا خوي ان شاء الله ..
بعد هدوء ..
د. ياسر ( بتردد ) : أقول رائد .. أنا وبدون قصد صدقني .... سمعت أبوك واحد ثاني يتكلمون فيك .. ويقولون كلام .. الصراحه ما ينقال .. وكانو يقولون ..........
( سرد د. ياسر على رائد كلامهم )
رائد ( منصدم ) : .............
د. ياسر : أنا عارف أنك بتنصدم .. بس صدقني أنا ما صدقتهم أبد ! ومستحيل أصدقهم .. واحد بصفات حسنه وزي عمرك مستحيل يسوي هالحركات ..
رائد : ........... والله ما سويت شي أنا بريئ وربي بريئ ..
د. ياسر : أدري يا خوي .. وأنا مصدقك .. بس أهتم بنفسك .. لأن نفسيتك تعبانه شوي ..
رائد : كل اللي قاعد يصير .. ولا تبيني أتعب وأتضايق ؟
د. ياسر : من حقك يا رائد .. بس حاول قد ما تقدر تهتم شوي من صحتك ... لأني والله العالم أني خايف عليك ..
رائد : ان شاء الله .... ومشكور ..
د. ياسر : العفو .. والله يعينك .. ويساعدك ان شاء الله .. لا تنسى ! ربك كريم يا خوك ..
رائد : ونعم بالله .. أنت ألحين جاي تفتح جروحي ولا أيش ؟
د. ياسر : أنا اسف .. بس حبيت أتطمن عليك .. وأوصيك بنفسك .. يالله ما أطول عليك .. مع السلامه
وطلع الدكتور ياسر من عنده ..
ورائد نسى السالفة وفكر بسلطان ( وينه ؟ من يومين ما شفته .. ! )
دخل ريان ..
رائد ( يبتسم ) : هلا ..
ريان : أهلين .. كيف حالك ؟
رائد ( بفرح ) : والله تمام بشوفتك ..
ريان ( يبتسم ) : ...........
رائد : ريان سلطان وينه ليه ما جا من يومين ؟
ريان : سلطان جا أمس وقبله .. وكله يحصلك نايم ..
واليوم .......... ( وسكت )
رائد : وش فيه يا ريان ؟؟؟؟
ريان : جا وأبوي منعه يدخل عليك ..
رائد ( بحزن ) : حتى سلطان بتحرموني منه ؟ أنا قلت لكم تجازوني باللي تبون ... بس لا تحرموني من أحبابي ..
ريان نزل راسه ..
تعليق
-
رد: قلبي مات / مضحكه للغايه و مؤثرة جدا /
من بكرا العصر ..
أبو ريان : يالله بسرعه تجهز ..
رائد : أنا جاهز ..
أبو ريان : طيب بسرعه ..
رائد كان بيطلع .. بس وقفه الدكتور ياسر ..
د. ياسر : رائد لا أوصيك .. أهتم بنفسك .. وصحتك .. وحاول تطمني عليك ..
رائد : ان شاء الله ......
وأعتقد أنك ما راح تشوفني مره ثانيه ..
د. ياسر : لا يا خوي ان شاء الله أشوفك بأتم صحه وعافيه ..
رائد : ان شاء الله ... يالله مع السلامه ..
د. ياسر : الله يحفظك ..
طلع رائد ورجع البيت ..
والدكتور ياسر أستأذن من عمله .. لأنه يحس بضيقه علشان رائد ..
في بيت أبو ريان ..
دخل رائد غرفته .. وعلى طول راح للسرير .. وانسدح ونام ..
أذن المغرب ..
ودخل ريان على رائد ..
ريان : رائد ..
رائد ( فتح عيونه ) : ............
ريان : قوم الصلاة ..
رائد : ان شاء الله ..
ريان : تبي شي ؟
رائد : لأ ..
طلع ريان ..
ورائد قام يصلي .. وبعدها رجع لسريره .... وقعد يفكر في الحال اللي عايش فيه ..
وغلب النوم عليه ونام ..
أذن العشاء ..
ودخل أبو ريان على رائد ..
أبو ريان : يالله الصلاة .. ما مليت من النوم ؟
رائد : طيب ان شاء الله ..
وطلع أبو ريان ..
وقام وصلى .. ورجع لسريره .. ورمى بجسمه المنهمك عالسرير .. ونام ..
الساعه 10 دخل ريان عليه ..
ريان : رائد تبي عشا ؟
رائد ( بتعب ) : أيش ؟
ريان : ما تبي شي تاكله ؟ من جيت ما كلت شي !
رائد : لا مابي ما أشتهي والله ..
ريان : ما تحس بالجوع ؟
رائد : ألا ... بس لو باكل برجع ..
ريان : ....... ليه فيك حراره ؟
رائد : لا ..
ريان : ........... أجل أبطلع ..
وطلع ريان ..
ورجع رائد ينوم .. لكن بعد ما بلل المخده بالدموع ..
أذن الفجر ..
دخل عليه أبو ريان ..
أبو ريان : بسرعه قوم صلاة الفجر ..
رائد كان تعبان ومرهق ومنهك وما حس بصوت أبوه ..
أبو ريان ( بصوت عالي ) : رائد
رائد فز من مكانه من صوت أبوه .. وجته كحه قويه من الروعه .. وأحمر وجهه ..
أبو ريان ( يطالع بخوف ) : .........
خفت الكحه عليه .. وناظر أبوه وقال : أبوي صلاة الفجر ؟
أبو ريان : أي بسرعه قوم ..
رائد : ان شاء الله بقوم ..
صلى ونفس الحاله رجع ونام .. لأن من التعب ما يقدر يقاوم ويتحمل ..
أذن الظهر ..
وجا ريان له ..
ريان : رائد ..
رائد ( فتح عيونه ) : ...........
ريان : قوم يالله .. ما كفاك النوم اللي نمته أمس ؟
رائد : أنتم مطلعيني من المستشفى بدري وانا لسى ما كملت علاجي .. وحتى جرح العمليه ما ألتأم .. وتعبان ومريض وحالتي لله .... كل هذا وحاقرني على نومة الراحه اللي أنا محتاجها ؟!
ريان : .............
رائد : وين أمي ؟ ما شفتها من جيت !
ريان : أبوي مانعها تدخل عليك .. وأصلا قبل ما يطلع هو من البيت يقفل باب غرفتك ..
رائد ( عيونه غرقانه دموع ) : ليه تحرموني من أمي ؟ أنا وش سويت لكم ؟ أنا بعدي صغير يا ريان ومريض .. والله محتاج لأمي والله محتاج لها .. أبي حنانها حرام عليكم والله حرام .. خلوني أتهنى فيها قبل أموت .. ما دامني ما كملت علاجي فأمي هي اللي بتكمله لي ... ريان والله مابي شي منكم .. بس أبي أمي بس .. ( وغطى وجهه بإيده ) دخيلكم أبي أمي .. ريان أبيها والله أبيها .. جيبها لي تكفى
ريان : ............
رائد : ريان تكفى لا تقول ما أقدر أرجوك يا ريان ..
ريان : ان شاء الله ما يصير خاطرك ألا طيب ..
رائد ( أرتاح ) : الله يجزاك خير ..
ريان طلع ..
وبعد ما طلع أبو ريان راح ريان وفتح غرفة رائد بمفتاح ثاني أحتياط ..
ونادى أمه ..
رائد كان بينزل من السرير بس ما قدر ..
جت أم ريان ودخلت بسرعه على رائد ..
وأخذته وضمته بقوة ..
رائد : امي أخيرا شفتك .. ساعديني الله يخليك ..
ام ريان : ولا يهمك حبيبي أنا عندك لا تخاف .. وش تبي ؟
رائد : أبيك أنتي ..
وضمته أكثر .. ودموعها سيول ..
قعدت حاظنته تقريبا نص ساعه !
رفعت راسه .. وشافته نايم ..
كانت بتحطه بس تمسك فيها أكثر .. وصرخ : لا لا تروحين لا
أم ريان : ان شاء الله بسم الله عليك ..
وتمسح على راسه وصدره وتقرا عليه ..
وجا ريان مسرع ..
ريان : امي أبوي جا أطلعي بسرعه قبل لا يشوفك !
أم ريان سدحت رائد ..
وبعد ما تطمنت على أنه نايم .. طلعت .. وما ودها تطلع ..تعليق
-
رد: قلبي مات / مضحكه للغايه و مؤثرة جدا /
الساعه 10 الليل .. دخل ريان عليه ..
رائد كان مولع الأنوار وقاعد في سريره ومسند راسه ..
ريان : رائد بكلمك شوي ..
رائد : حياك الله ..
وأشر له على سرير .. علشان يقعد جنبه ..
ريان جا وقعد جنبه ..
ريان : ما فيك النوم ؟
رائد : شوي دايخ ..
ريان : صحيح كلام أبو سالم ؟
رائد : ريان يكفي .. لا تكلمني في هالموضوع .. كيف تشك فيني ؟ وأنت عارفني وعايش معي بنفس البيت ؟
ريان : رائد قول الصدق ..
رائد ( نزلت دموعه ) : والله ما أكذب يا ريان حرام عليييك لا تعذبني أكثر ..... كافي اللي جاني منك ومن أبوي ..
ريان : رائد لا تكذب !
رائد : لييييه أكذب ؟؟ مالي رب ؟ إذا أنتم ما تعرفون ... ربي يعرف .. وربي يشهد على برائتي ..
ريان : خلاص بطلع ..
مر يوم كامل ..
نفس الشي ..
ريان ما عاد يروح لرائد ..
وكذلك أم ريان .. طبعا لأن محمد مانعها ..
وأبو ريان في كل وقت صلاة يجي يصحيه ..
وعلى لحم بطنه .. ما أكل شي من طلع من المستشفى ..
ومر اليوم الثاني ...
وريان مشتاق لرائد .. يبي يروح له .. بس كبريائه يمنعه ..
لكن كسر كل الحواجز وقرر يروح له ..
فتح غرفته .. نص العصر ..
وما حصله .......... خاف .. !
وشاف البلكونه مفتوحه ! واستغرب ..
وراح ودخل فيها ..
وشاف رائد قاعد عالكرسي وسرحان .. ودموعه تسيل بهدوء ..
ريان : رائد ؟
رائد ألتفت له ..
ريان خاف بعد ما شاف وجه أخوه كيف متعذب ..
وجهه ذبلان وهلكان .. وخدوده محمره .. وعيونه رايحه من الصياح ..
وأنصعق !! لما شاف رائد لابس بدله حر .... وهم بعز البرد ..
ريان ( يقرب ) : رائد وش هاللبس ؟؟؟ ناوي تذبح عمرك ؟ قوم بدل ملابسك ..
رائد قام من الكرسي .. وابتعد ..
رائد : من متى صرت تهتم فيني ؟ توك تتذكر أن لك أخو ؟؟ أنا من أمس وأنا هنا .. وعاجبني المكان .. واللبس بعد .. ولا تتدخل فيني لو سمحت .. هذي حياتي وأنا حر فيها ..
ريان : روح بدل ..
رائد : ليه ؟
ريان : وشو ليه ! تبي تذبح نفسك !
رائد ( بنظرات أستغراب ) : يهمك أمري ؟ ...... أنا مابي شي .. بس أبي .................. أموت .. ( قالها وهو رافع راسه )
راح ريان وسحب رائد علشان يدخله داخل ..
رائد : نعم وش تبي أتركني ..
ريان : بس ولا كلمه ! بتقتل نفسك الظاهر ..
رائد ( يبعده ) : أتركني مالك شغل فيني أتركني ..
ريان كان أقوى من رائد وجره ودخله غصب .. أصلا رائد ما فيه جهد .. ما يقدر يوقف ريان .. يحس طاقته تبخرت ..
رائد : حرام اللي تسونه فيني والله حرام ..
ريان : أنت جاني على نفسك ..
رائد ( أنفجرت دموعه ) : .........
ريان : هذا سلاحك !! الصياح وبس ؟
رائد : و والل ه ما س سوي ت شي .. حس فيني !!
ريان : نفسي أصدقك ... بس ما أقدر ..
رائد : والله راح تندم ..
ريان : ممكن أعرف ليه تسوي كذا بنفسك ؟
رائد ( رد بهدوء لأنه تعبان وما يقدر يقاوم ) : أنتم السبب .. أنتم اللي خليتوني أسوي كذا .. ما كنت متوقع أبدا انك تصدق كلامهم .. أنت اخر واحد أتوقعه يصدق هالكلام .. وكلام مين ؟؟ ابو سالم الكريه ؟ أنت تعرفه زين كيف تصدقه كيف ؟؟؟
ريان ( حز في خاطره ) : ..............
رائد ( سكت فجأه ) : أيه زياد زياد صديقي ..
ريان : وش فيه ؟
رائد : زياد كان طالع معي بنفس اليوم .. روح أتصل عليه وأسأله روح كلمه .. وصدقني أني ما أتفقت أنا معه والله ما أكذب روح أسأله روح ..
ريان : بشوف ..... ( وطلع جواله ) كم رقمه ؟
رائد : ******* 050
وطلع ريان من عنده ...
ريان : ألو ..
زياد ( بصوت رايح ) : نعم من ؟
ريان : أنت زياد ؟
زياد : أي أنا زياد من أنت ؟
ريان : أنا أخو رائد ... ريان
زياد ( فز من مكانه ) : رائد .. وينه ؟
ريان : أنا أتصلت أبقابلك .. وين ألقاك ؟
زياد : خلاص حدد المكان وانا أجيك ألحين لو بغيت ..
ريان : خلاص تعال لل ( ...... ) الأن ..
زياد : ان شاء الله ..
طلع ريان في دخول سلطان ..
وكان معصب حده ..
دخل البيت ..
أبو ريان : سلطان حياك ربي ..
سلطان ( معصب ) : الله لا يحييك ان شاء الله .. وش هاللي سويته في رائد ؟! ما عندك أحساس ؟ ما عندك ضمير ؟ وش هالقساوه اللي حلت عليك !
أبو ريان : جاي لبيتي تقولي هالكلام .. ؟
سلطان : أي علشان أقولك هالكلام ! يا نذل ! توصل بك المواصيل أنك تطلع رائد من المستشفى ..
وهو ما كمل أسبوع ( قاله بصراخ وكان صوته متغير )
أبو ريان : ماني أصغر عيالك ..
سلطان : ليه تسوي كذا ليه ؟
أبو ريان : يستاهل ..
سلطان : الله لا يوفقك لا دنيا ولا اخره ..
وتحرك متجه للمصعد ..
ابو ريان ( وقفه ) : على وين ؟
سلطان : مو شغلك !!
أبو ريان : شوف حبيبي ! رائد مافي روحه له .. تفهم !
سلطان : بروح له غصبا من ورا أذنك .... أبعد ( ويدفعه بعيد ومشى لرائد )
سلطان : رائد ..
رائد ( يبتسم ) : هلا سلطان .. وينك من زمان عنك ..
سلطان ( منفعل ) : كله من أبوك هالنذل الخايس !! ليش يطلعك من المستشفى ..
رائد ( يحظنه ) : وليه مضيق صدرك عادي ..
سلطان أستغرب ! مافي أي مناسبه تخلي رائد يحظنه ..
سلطان : رائد فيك شي ؟
رائد ( يبتسم ) : لا ليه ؟
سلطان : وش سر هالإبتسامات اللي توزعها ؟
رائد ( يحظنه بقوة ) : ...........
سلطان : رائد لا تخوفني وش فيك .. ليه تلمني فيه شي ؟
رائد : مشتاق لك ..
سلطان : مو من عوايدك ..
رائد : شخبار زياد ؟
سلطان : والله ما أدري عنه ..
رائد : سلطان أبوي مانعني من أمي .. تصور ..
سلطان : وش هالقلب عند أبوك !! أنا أوريه .. ( وقام )
رائد : وين رايح تعال ..
سلطان : بروح أوريه الصاع صاعين ..
رائد ( مسكه ) : سلطان لا تروح أبيك ..
سلطان : أتركني خلني أعلمه وشلون يتعامل معك ..
رائد : لا يمكن ما عاد تشوفني مره ثانيه ..
سلطان : ............ ( تصنم )
رائد : وش جاك ؟
سلطان : رائد وش قصدك ؟
رائد : أنت فاهمني ..
سلطان : رائد لا ... لا تقول هالكلام ..
رائد ( يبتسم ) : أبشر .. يا أحلى سلطان ...
سلطان أرتاع من أبتسامات رائد الغريبه ! حس أن شي بيصير ..
ما تحمل .. ( حضن رائد بقوة ) : رائد لا تتركني أنا أبيك .. لا تروح ..
رائد : ............
تعليق
-
رد: قلبي مات / مضحكه للغايه و مؤثرة جدا /
عند ريان وزياد ..
زياد : ليه ظلمتوه ؟
ريان : وش يثبت ؟
زياد ( بإستغراب ) : أنت أخوه وشاك فيه ؟
ريان : لا يكثر وعطني الزبده ..
زياد : أسمعني زين يا ريان ولا تقاطعني لو سمحت ..
ريان : أبشر ..
زياد : والله وربي يشهد اني صادق في كل كلمه بقولها ............
قبل سنه تقريبا .. جا أبو سالم لأبوي وقاله نفس الكلام اللي قاله لأبوك ..
وظلمني وأختلق كلام ما أدري من وين جابه .. وأتهمني أني خبيث وزاني وأنه شافني بعيونه .. أبوي ما صدق ولا كلمه ..
وأبوي طبعه التفاهم بشويش مو بإنفعال مثل أبوك .. جاني وكلمني بالموضوع ... صدقني انا أغمى علي من سمعت الكلام .... تخيل كله كذب في كذب .. وغلط أبو سالم أنه ذكر اليوم وتاريخه .. اللي زعم أنه شافني فيه ..
وكان هذا اليوم ولحسن حظني كنت طالع مع أبوي .. وكل اليوم وأنا معه .. وما فارقته ألا الساعه 2 الليل ..
وصدق أبوي أني بريء وغرض أبو سالم هو أنه يتبلى علي وبس ..
راح أبوي وكلمه وقاله أني كنت طالع مع ولدي في اليوم الفلاني .. وذكر تاريخه ..... فكيف يكون بنفس الوقت طالع مع أخوياه مثل ما قلت ...
أبو سالم تلخبط .. ما عاد يدري وش يقول .. ومشكلته حالف يمين لأبوي في أنه صادق في كلامه وانه شافني ..
وصرف أبوي بكم كلمه ونحاش ..
صدقني يا ريان أبو سالم أكبر كذاب وخداع وخاين في البلد ..
ريان ( كأن أحد كب عليه مويه بارده ) : ...............
زياد : ريان والله أني صادق والله .. حتى أسأل أبوي ..
ريان : .............. ( منصدم )
زياد : ليه ظلمتو رائد وماله ذنب !! سمعت من سلطان أن ابوك ضربه ! حرام هو مريض وش صار عليه ؟ طمني عليه الله يخليك ..
ريان : ............. ( نزل راسه )
زياد ( فهم أن صحته زفت ) : حرام عليكم والله ما يستاهل والله !! أكيد صحته مو زينه ! ليه أبوك قاسي كذا ليه ؟
ريان ( قام ) : مشكور ..
زياد ( مسك ايدة ) : رائد كان طالع معي ذاك اليوم اللي ذكره لكم ابو سالم .. وما سوينا شي ابدا أرجوك صدقني ..
ريان ( خنقته العبرة ) : صدقتك وربي صدقتك ...... الله يجزاك لخير ..
وطلع ريان وراح للبيت ..
ودخل غرفته ..
وفكر في كلام زياد ..
( أكيد أني ظلمت رائد أكيد !! يا ربي أغفر لي أنا كيف صدقت كلام أبو سالم !! أنا غبي غبي ! أكذب أخوي وأصدق هالمخادع ! يا ربي كيف رائد بيسامحني ؟ بروح له وأشوفه .. )
دخل ريان غرفه رائد ..
شافه قاعد على مكتبه ويكتب ..
ريان : رائد ..
رائد ( رفع راسه ) : ........ ( كان يصيح )
ريان ( قرب عنده ومسك أيده وقفه وسحبه للسرير وقعده ) : ليه كل هالدموع ؟ ( ويمسح دموعه )
رائد : ........ أرثي على حالي ..
ريان ( يبتسم ) : ليه ؟ خلاص ان شاء ربك يفرجها ..
رائد : غريبه ليه تعاملني بهالطيبه ؟
........... ( وتذكر زياد ) أي صح ! وش صار عليك أنت وزياد ؟
ريان ( نزل راسه ) : رائد يا خوي سامحني .. أنا اسف .. ظلمتك بسبب غبائي .. اسف والله ..
رائد ( فاتح فمه ) : ............
ريان : أنا ظلمتك .. ومصدق برائتك يا خوي ..
رائد : صدق ؟! لا تمزح !
ريان : والله ما أمزح ... وأكرر وأقول اسف ...... مسامحني ؟
رائد : لا لا لا مو مصدق مو مصدق ريان مسامحني ؟ عرفت أني بريء .. يا ربي ما صدقت ! ( وطب على ريان وحظنه بقوة )
ريان : ههههه بس خنقتني ..
رائد : ........... ( يبتسم )
أبو ريان : ريان !!
ريان : نعم ؟
أبو ريان : وش مقعدك عنده ؟
رائد يقوم من حظن ريان ..
رائد : روح ..
ريان : خلاص بطلع ..
طلع ريان ...
ورائد تعب ..... تعب شدييييد .. وكتمه .. والام فجائيه !!
وما نام .. ألا الساعه 3 الفجر ..
ودخل عليه أبو ريان وقومه للصلاه ..
واستغرب من وجهه رائد .. لأنه منقلب أزرق !
أبو ريان : قوم ..
رائد : طيب قايم ..
.بعد الظهر ...
طلع أبو ريان من المسجد ..
وكان بيدخلبيته .. بس لمح أبو سالم جاي يركض ..
أبو ريان : عسى ما شر يا خوي وش صاير؟وكان أبو سالم يلهث .. ودموعه تنزل أربع ..
أبو ريان : وش فيك يا خويخوفتني !!
أبو سالم ( يمسكه ) : يا خوي سامحني .. أرجوك سامحني .. أنا اسفوالله اسف .. غلطت على ولدك .. سامحني سامحني ..
أبو ريان : وش فيك ؟ وش تقولوش تخربط ؟أبو سالم ( منزل راسه ) : ربي عاقبني يا بو ريان ... نعم أنا أستاهل .. وربي أستاهل ....
أبو ريان : وش صاير ؟أبو سالم : أمس الشرطه دقت عليوقالت ولدك عندنا ..
رحت لهم .... وصار ولدي .. يمارس أشياء محرمه مع بعض أخوياه ..
ربي عاقبني على فعلتي .. يا ربي أسألك أن تغفر لي ا ( ويصيح )
أبو ريان : لا حول ولا قوة ألا بالله .. طيب وش دخل ولدي ؟أبو سالم : ولدك رائدبريء أنا ظلمته وتبليت علييييه .. أهو مظلوم ما سوى شي .. أنا اسفوالله ندمان .. ( وطاح عالأرض )
أبو ريان كأن أحد صب عليه مويه بارده ..
( يعني رائد مظلوم ؟ يعني أنا ظلمته ؟ أهو بريء ؟ )
أبو ريان ( صرخ ) : الله لا يوفقك يا خسيس يا مخادع يا خاين !!
وضربأبو سالم ضرب قوي وتركه ..
ودخل بيته زي المجنون ..تعليق
-
رد: قلبي مات / مضحكه للغايه و مؤثرة جدا /
وبس ....
التكملة بعد الردود
وأتمنى التفاعلتعليق
تعليق