تويت
غدرت فيني يابوي ومادريت غدرك حلو..~{قصه مشاركه}
غدرت فيني يابوي ومادريت غدرك حلو..~
غدرتني يابوي بليله زفافي
رميتني مثل الكئيبه
ضنيت بستقبل حبيبي
واثر مقابلني ولد العمه
ركبني السيارة والدمعه بخدي
رجعتلي الذكرى .....
جالسه بغرفتي ومستانسه العب بشعري شوي دقت بنت خالتي هناء .
وارد بفرح..: هلا والله .
هناء والحزن باين عليها:هلا حبيبتي سموحه .
رديت عليها مستغربه:هنو حبيبتي وشفيك.
هناء بتوتر:ها ولا شي بس انتي بخير.
بسعاده..:ايه انا بخير..وانتي؟؟ اشفيك صوتك مو على بعضه.
هناء : ولا شي حبيبتي ودوم السعاده يارب..يلا مضطره اقفل.
رجعت لواقعي وانا بالسياره مع ولد عمتي محمد ..وبنفسي"الحين فهمتك يا هناء الحين"..
رجعت اسرح بخيالي......
بعد يومين من مكالمه هناء لي دخل علي ابوي جلس على الكرسي جنبي ومسح على راسي وقالي: يابنتي سنه الحياه حلوه اليوم تقدملك ولد عمتك وانا يبه اشوفه زين لك.
قمت من جنبه بخوف: يبه مو براسي زواج يبه بعدين ولد عمتي زي اخوي.
قام ابوي من عندي من غير ما ينطق حرف زياده راح لامي غدري الثاني:روحي شوفي بنتك ليش رافضه تتزوج.
امي تحاول تهدي ابوي:خلاص ولا يهمك الحين اروح اشوفها.
رجعت لواقعي لما وقف فجاءه محمد وكنا بنسوي حادث ما اهتميت ولا اسمع وش جالس يقول لان بخاطري امي
وبنفسي"ليتني يمه ما عديتك صديقه وبحت لك بحبي ليتها ضلت بصدري واكتمت ولا جاء ابوي يقولي ولد الخاله
تقدملك يابنتي موافقه ولا لا..","اه ليتني ما وافقت".
شوي الا وصلنا الفندق مسك يدي وناظر لي وابتسم : وصلنا يا حبيبتي واعذريني على تهوري متوتر شوي.
ابتسمت وعيوني حزينه وقلت: حصل خير وبخاطري"وش ذنبه محمد يبه ".
فتح لي الباب ونزل شوي من فستاني وقلي: انزلي حبيبتي بساعدك.
نزلت وانا اشوف بريق الحب بعيونه وقلت بخاطري"يارب خيره هذا نصيبي محمد ولد عمتي ومالي غيره ".
مشيت وانا ماسكه بيده واقول بخاطري" يارب ساعدني ونسيني اللي احبه وحببني بمحمد".
بعد سنتين..
محمد وهو معصب:سماح تعالي شوفي ولدك مو مخليني اقدر اشوف المباراة.
وهي خارجه من المطبخ:يوه فديت ولدي يحبني يبي يفهمك تجي تساعد امه شوي.
محمد : فاضي لك انا اقول تعالي شيلي ولدك.
راجعه للمطبخ: شيله انت ولدك زي مهو ولدي.
واخيرن^_^ :
ابي اقو لان الحب قبل الزواج كلام فاضي ..
الحب الحقيقي ما يجي الابعد الزواج بالعشره والمعامله الحسنه..
اتمنى تقبلون هالقصه القصيره
وهي قصه مشاركه..
سامحوني ان كان في قصور بس اول مره اكتب قصه قصيره..
اتمنى ردود حلوه
تعليق