تويت
لما أكتب ليه يعصاني القلم ؟
لما أحزن ليه يعصفني الأنين ؟
ليه هذا الوقت يظلم لاحكم ؟
قال : (دين) وحنا مانملك يدين !
كنت أحلم , القضيه | بس حلم |
كنت ألمح طفلتين و وردتين !
كنت أعشق وارسم امالي رسم
كنت أطمح مثل كل العاشقين
كنت أحب , مصدقيني ؟ ايه نعم
كنت أبني طوبه طوبه وطوبتين
كان للدنيا معه أحلى طعم
كان جنه , لا وربي جنتين
كان ينجب لي الفرح من جوف هم
كان يغرس لي الأمل مع غصن تين
فجأه طاح الحلم , فجأه وارتطم
إنكسر به ضلع وانشلت يمين
فجأه كل شي بنيته / إنهدم
كم سنه أجمع / وضاع ب ساعتين !
راح عني ثم تغشاني الألم
وانخلق في رحم الامي جنين
كل مايكبر يزيد الغم / غم
كل ماأسلى بعث فيني الحنين
اه ياقلب تجنى ثم ندم
اه يادرب غدا يساره / يمين !
اه ياعين تزف الدمع / دم
يالله نامي , واحذري لاتحلمين
إنسي ذاك اللي هزمنا وانهزم
إنسي حبه لاأشوفك تدمعين
هو نسانا ؟ تسأليني ؟ ايه نعم
هو نسانا واحنا نعم الذاكرين !
صار (أبو) بس أنا ماصرت (أم)
صار عنده طفله سماها (لتين)
راقت لي
تعليق