تويت
احبابي اليكم هذه القصيدة والتي تعبر عن نفسها وقد اخترتها لكم من ديواني الخاص مع خالص التقدير للجميع
على رحلة شوامخ عزتي يم الفضارحال
مدام ان الفضا واسع وصدر الكون يحويني
ابرحل والفجوج الواسعة تستهوي الرجال
ابرحل دامها ضاقت مساحات الأمل فيني
ابرحل وانت ياقلبي تعال وعانق الترحال
تعال وخلنا نبعد ولانترك عناويني
تعال نسابق الخطوة ولو ان الدروب طوال
مدام ان الثمن عزة ولاغيرك يخاويني
تعال وخابرك فوق النجوم العاليه نزال
تعال نقسم نجوم السما مابينك وبيني
تعال وخابرك مثلي تشيل من الهموم اثقال
تعال نجدع حمول الشقى عن كاهل سنيني
تعال وخلنا ناقف ولانطرد سراب اللال
ولا نتبع طريق اللي على الصدات ناويني
ترى بعض الشجر يابس ولابه للمقيل ظلال
تعداه الرجال اللي يمرونه مقفيني
الا ياقلبي قعودك تحت شمس الهجير هبال
تظلل عزتك وارحل وخل يديك بيديني
تعال نخاوي الغربة ونسكنها براحة بال
ترى خوتك ياقلبي عن العالم تكفيني
تحياتي
رفيق الليل
تعليق