شكواك لله واما غيره يذلك
فارج همومك ؛ رازقك بالوناسه



سرك ! لخلك ! ومنهو غيره يدلك
مأمن ؛؛ اماناتك ؛؛ بأقوى الحراسه



بلسم جروحك في ليالن تعلك
شاري سهادك بايعن لك نعاسه



تلقاه بضروف الزمن وافينلك
ولو تطلب اعيونه فدالك براسه



هذا هو اللي من الملا تقول خلك
عز ؛؛ وسند ؛؛ وافي ؛؛بجد وحماسه



وحاذر!!حبيبي صاحب ٍ يستغلك
يخفي على كف الصداقه نجاسه



دايم يوضح من غلاته يميللك
مسكين ويش جاب الغبي للسياسه!



لوجاك باسرار البشر يفضحنلك
ابعد وخله واتركه من اساسه



اسئل مجرب عاشر الناس قبلك
عاشر بشر لا يتقنون السلاسه



حاول عذولي قلت بأقل مهلك!!
تنسج خيوط الكذب تعشق لباسه



شتت شملي شتت الله شمللك
ويبليك ربي بالعنا والتعاسه



واشغلت عقلي اشغل الله عقلك
ويجعل حياتك من حزن لنتكاسه



ويش ذا الغبى؛؛ يالعنبوا جد اصلك
ضنك بكذبك يالغبي لك فراسه



ترى الفراسه ماتبا شخص مثلك
حنا لها منهج في معنى الدراسه




اتموت في كذبك حقير ٍ في جهلك
والله بصدقي لعتلي للرئاسه




وتحيا ذليل ٍ والجزا جنس فعلك
وهذي نتيجة منهجك والدناسه


ودمتم سالمين

تحياتي