تويت
التبنياكي الصيني بالدجاج على طريقتي ..
السلام عليكم ورحمة الله
شفت احدى الاخوات مسويته بأحد المنتديات
قلت خليني اجربه ..
وجربته وطلع طعمه واو
حتى الوالد يقول بدل مانروح للمطعم الصيني
خلاص الشيخة تسوي لنا اكلات صينية كل فترة
حسيت بقهر الطبخ وراي وراي
نبدأ بسم الله ..
المقادير ..
مثل ماشفتم بالصورة ..
جزر مقطع دوائر
فلفل اخضر مقطع
فلفل احمر مقطع
بصل مقطع نصف دائرة
صوص الصويا
نشأ الذرة
خل ابيض
ذرة
صلصة الطماطم
ملح
بهارات
فلفل اسود
صدر دجاج مقطع مكعبات ..
بالاول نبدأ بتتبيل الدجاج .. باضافة البهارات والملح ورشة فلفل اسود والنشأ
لحتى يتجانس ..
بعدها نقلي الدجاج بالزيت لحتى يستوي ..
ونكون قلينا البصل نصف قلية يعني مو يذبل كثير ..
ونضيف له الدجاج .. ونقليهم مع بعض ..
بعدها نضيف الجزر ..
ومن ثم نضيف الفلفل الاخضر والاحمر والذرة ..
ونتركهم ينحمسون سوية ..
بعدها نخلط .. مع بعض
كاس ونصف ماء
وملعقتين وشوية كبار صلصة طماطم
وملعقتين كبار نشأ
ورشة ملح ..
ونضيفها على الاكله .. ونتركهم لحتى يستوي بحيث يكون فيها القليل من الصلصة ..
لهنا نكون انتهينا ..
بالنسبة لصورة الطبق النهائية ..
هسة وانا اضبط الصور انتبهت اني من العجلة وقتها ناسية اصور الطبق ..
بس اكيد بعد كم يوم بس اسويه من جديد راح اضيفها لكم ..
مودتي ..
.
تعليق