تويت
حلى السجاد .. على طريقتي ..
السلام عليكم ورحمة الله
شفت هالحلى بأحد المنتديات .. مسويته اخت من اخواتنا الفاضلات
لكن لما جيت اطبقه كان عندي شوية من المواد الي فيه مو موجودة ..
عاد غيرت فيها .. وسويته على طريقتي ..
شوفوا المقادير ..
ظرف دريم ويب
نصف كوب حليب
قشطة
4 ملاعق كوب كاكاو
فنجان سكر
8 حبات كتكات .. او ممكن تستبدلوها باي نوع انا عني استخدمت break
بسكوت اولكر
بسكوت بالكاكاو
بسكوت شاي
جوز هند
جالكسي او اي نوع نستلة للتزيين
جوز او فستق مطحون ( اي واحد فيهم ان كان متوفر ) انا استخدمت جوز
نبدي بسم الله تعالى ..
بالاول نخلط كل من ( الدريم ويب + القشطة + فنجان السكر + الكاكاو + نصف كوب حليب )
مع بعض بالخلاط .. ونضربهم ضرب مبرح لمدة دقيقة ونصف ..
نكون مكسرين الكتكات او البريك لقطع صغيرة مثل الصورة ..
ونضيفهم للخلاط على الخلطة السابقة ونخلطهم لمدة 4 دقايق ..
هنا راح نحضر البايركس الي ودنا نحط فيه الحلى ..
ونغمس بسكوت الاولكر بالحليب ونبدي نصفه على ارضية البايركس .. ونضيف فوقاه الخلطة
( طبعا نسيت اصور انا هالفقرة .. كنت مستعجلة وتذكرت على الطبقة الثانية )
وبعدها نسوي طبقة جديدة
ونحط الخلطة فوقهم ..
انا سويت 3 طبقات .. بسكوت وخلطة ..
لما نخلص ..
نروح على البسكوت الي بلون الكاكاو ممكن تختارون بسكون اوريو ..
وبسكوت الشاي او اولكر ..
وتطحنوهم طحن كويس ..
وهذا عندي نوع نستله طحنتها بيدي ..
ونبدأ بالرسم ..
وهذا الشكل النهائي ..
وبس ..
صحتين على قلوبكم ..
تعليق