أنا بطلب من المولى يرجع لي زمن قد غاب
يرجع لي زمان أول يرجع ماضي سنيني

نصيتك يا إله الكون جيتك راجي وطلاب
وأنا ماظن ياربي تخيب رفعت يديني

بعايش قصة الماضي وبفتح للمعاني باب
أبي هالناس من حولي تطالع ضعفي وليني

أنا عشت الحياة أول حواليني كثير أحباب
ولكن مع كثرهم واحد اللي تارسا عيني

خذيته في بداياتي صديقا .. أو حدا الأصحاب
لقيته دوم يشكي لي .. وأنا اشكي له ويوحيني

تطورنا إلى حتى وصلنا ( قمة الإعجاب )
أعاتب لو مضى يوما ولا جاني يحاكيني

عطيته كل ما فيني ، وعشنا في الغرام أقراب
كتبت أسمه على قلبي ، كتبته في شراييني

رسمته لوحة لا ما رسمها قبلي الألباب
قطفته وردة حمرا ، تروت في بساتيني

مضى عمري معه ، والوقت في قربه غدا خلاب
أنا أحبه ، وهو من كثر حبي مندفن فيني

أخبره لا تباطاني ... زمنه بغيبتي ماطاب
أنا لا غبت عن عينه ... قضى وقته يحاتيني

أخبره لا تباطاني .. سأل في غيبتي الأجناب
بقى يسأل بقى ينشد جميع الناس .. ياويني ؟

مضى عمري ولم أحسب ( حسافه للفراق حساب )
أنا ما جاء على بالي يجي يوم ويخليني

أنا ما جاء على بالي يقولوا لي ( حبيبك غاب )
وأنا اللي خابر قبل أمس أخبره ، حيل يغليني

طلبتك يا عيوني سيلي دمعك على الأهداب
وخلني أصيح من القهر .. خليني

مدام ان الغضي قصر وظني في الغضي قد خاب
( أببكي لين ما يبقى دموعا في وسط عيني )

أببكي جرح ، ينزف ذكريات وماضيا جذاب
اببكي جرح ، ينزف حس منهو حيل مشقيني

أببكي طاريا منه الفكر ماقد نساه وتاب
وإذا شفتوا دموعي ، لا تقولوا وش يبكيني

بكيت اللي غدى مثل الدما في داخلي ، ينساب
رحل واقفى وانا انادي ( طلبتك لا تجافيني )

طلبتك كان لي خاطر بقى في داخلك ، ما ذاب
رجيتك ، خلني ذكرى جميله يا معنيني

كتبت البيت خلف البيت ودمعي داعب الاهداب
و عسى لامن قرأ بيتي حبيبي .. ما يخليني
عسى لامن قرأ بيتي حبيبي .. ما يخليني
عسى لامن قرأ بيتي حبيبي .. ما يخليني