تويت
احاسيس ومشاعر تراودني وتعنيني / بقلمي
وينك يا الغالي ؟! وينك عني يا بوي ؟! ... اه من نار بجوفي تحرقني وتكويني
مالي خاطر ابد وضايق صدري يا الغالي ... ولي يومين كاتمه بداخل هالقلب ونيني
والحين أنا لحالي وجت فرصتي اشتكي لك ... وهذا أنا أكتب ودمعي يتحدر من عيني
ما أبي أي احد يشوف دمعتي ابد يا بوي ... وتعبت وأنا اداري واكتم شهقتي بايديني
كنت انت الوحيد اللي تدري وش أبي ... وتدري وش هي احلامي وغايتي يا ضنيني
ورحت ومحد بعدك عن اللي بي داري ... ولا احد حس بي ودرى عن تعبي وانيني
تعال يا بوي ... تعال والله محتاجتك ... انا راضيه لو بس طيفك بالأحلام يجيني
تعال وضمني ع صدرك وخلني ابكي ... خلني اطلع عبرتي وشوقي وكل حنيني
خلني احس بحبك وبحنانك مثل اول ... ابيك تضمني واطلع كللللللللل اللي فيني
للحين اذكر لا تضايقت وشان خاطري ... وشلون تكلمني بحنان وبسرعه تواسيني
اه لو تقدر تجي وتشوف دموعي الحين ... أدري بتقول يابنيتي لا ترثيني ولا تبكيني
بس وش اسوي والله من شوقي يالغالي ... احيانا احس ان حزني عليك يبي ينهيني
ربي يعلم ان كلامي ذا مو اعتراض ... بس ذي احاسيس ومشاعر تراودني وتعنيني
انا انسانه ولي مشاعر اخطه بالشعر ... اما القدر فلا اعتراض وحكم ربي يرضيني
يالله ارحمه وارحمني برحمتك يارحيم ... وفرجها واجعل كل الهموم تتركني وتجافيني
من نزف قلمي
تعليق