ديوان الشاعره الحوراء بنت نجد

تقليص
X
تقليص
 
  • الصفحة لـ 7
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 template التالي
  • *مزون شمر*
    عضو مؤسس
    • Nov 2006
    • 18994
    #1

    ديوان الشاعره الحوراء بنت نجد




    الشاعره الحوراء بنت نجد ..


    شاعره تملك اسلوب رائع
    قصائدها رائعه استمتعت بقرأتها

    وكان لي شرف طرح ديوان لها في عبير ..



    اتمنى لكم قراءه شيقه لقصائدها ...



    الكلمات الدلالية (Tags): لا يوجد
    • *مزون شمر*
      عضو مؤسس
      • Nov 2006
      • 18994
      #2
      قصيدة لاسلهمت عينك

      لاسلهمت عينك ترى جاني الموت
      أ موت في سود العيون وهدبها

      كم مرة لاشفتها برفع ا لصوت
      أجاوب الورقى واغني طربها

      أكتب من ا شعارك على صفحة ا لنوت
      شعر الغرام اللي بحبك سببها

      ياللي غلاك بداخل الروح مكبوت
      حبك سلب عقلي وحالي سلبها

      سحرك سرى فيني مثل سحر هاروت
      وغرا مك ا شقاني وروحي نهبها

      مغير أفكر فيك وا لبال مشتوت
      ونفس ا لعنا طاريك يبعد غضبها

      يا منوة ا لمشتاق يا منوة القوت
      ترى هوا ك ا ليوم روحي جذبها

      يامذهب ا حزا ني وا نا فيك مبخوت
      نفسي سعادتها معك تقتربها

      لمفارقك ماطعت عاذل وشافوت
      وحبك جبر نفسي عليك وغصبها

      لاجابوا ا لطاري لفرقاك بموت
      وا لبعد وا لحرمان حالي عطبها

      ياللي خيالك بين الأضلاع مثبوت
      يطفي وهج نار بصدري لهبها

        تعليق

        • *مزون شمر*
          عضو مؤسس
          • Nov 2006
          • 18994
          #3
          قصيدة اصعب اللحظات

          من سنين ارجيك والصبر انتها
          واصعب اللحظات وقت الأنتظار

          ا لعهود ا للي معك ماخنتها
          وانت ماعندك لها أي اعتبار

          لك حياتي ياظنيني صنتها
          عايشه مابين همي والدمار

          لوحروبك من زمان أعلنتها
          كان ما مال الزمن فيني وجار

          خطتك فشلت وانا حطمتها
          بانت القصه مثل شمس النهار

          ليه نفسي في غرامك هنتها
          ياحبيبي منت في هجري مجار

          المراره في غرامك ذقتها
          قلتها لك والمعاني باختصار

            تعليق

            • *مزون شمر*
              عضو مؤسس
              • Nov 2006
              • 18994
              #4
              قصيدة سكون الليل

              خيم سكون ا لليل وا لناس رقاد
              سرى بي ا لهوجا س بارض بعيده

              توا قد ت با لقلب نيرا ن وقاد
              أ طفي ا لقديم ا تجد نار جديده

              طار ا لكرى يوم ا لمخاليق هجاد
              وا لعين تذرف وا لعباير شديده

              بصبر لعل ا لحظ يرجع وينقاد
              وترجع لنا أيام كانت مجيده

              لكن -- نجاهد وضعنا ا ليوم بجهاد
              وأ يامنا صارت بوصلك زهيده

              خذ ا لخبر يا للي عن ا لحال نشاد
              أ قول معنى قصتي با لقصيده

              فهمتها ولاترى ا لهرج ينعاد
              ولا بلاش أ ليوم حنا نعيده

                تعليق

                • *مزون شمر*
                  عضو مؤسس
                  • Nov 2006
                  • 18994
                  #5
                  قصيدة اغليــك

                  أغليك وا هدي لك عيون تراعيك
                  وتصد عن غيرك وتحضا ك برفوق

                  وا عطيك قلب ما يبي غير طاريك
                  ونفس حدا ها ا لشوق ياغاية الشوق

                  تعال ا شيلك في عيوني وا داريك
                  يانظرةالعينيين يا ساحر الموق

                  تعال احطك في قصيدي وا جاريك
                  وطوقك قصه وباقصى الحشى طوق

                  تعال نجمه في سمايه وا عليك
                  واغيض هالنجمات وا نت ا لقمر فوق

                  أبيك تفهم من يحبك ويغليك
                  وا نت ا لقصيد اللي نغنيك طاروق

                  أ بيك تعطيني مثل ماني ا عطيك
                  شوق الهوى ياشوق لك ساقني سوق

                  على القرا يب وا لبعيدين أبديك
                  والحال من بعدك غدى شبه مدقوق

                  شهد ا لعسل ينساق من بين أ شافيك
                  شهد رحيقه ينعش الروح بالذوق

                  يا إ ما تحس بلهفتي يوم أناجيك
                  ولاترى قلبي من الحب (( معتوق ))

                    تعليق

                    • *مزون شمر*
                      عضو مؤسس
                      • Nov 2006
                      • 18994
                      #6
                      قصيدة اذلل النفس لك تذليل

                      عجل علي زاد بي الويل
                      ياروح روحي ووجداني


                      يالله عسى ديرتك للسيل
                      يسقيك ياروض بستاني


                      اشتقتلك يالغلا بالحيل
                      ومن العنا كثرت احزاني


                      القلب ميل عليكم ميل
                      روح معاكم وخلاني


                      اسهر واساهر نجوم الليل
                      والنوم ياشوق ماجاني


                      منزلك عندي شبيه سهيل
                      ويحرم على واحد ثاني


                      اذلل النفس لك تذليل
                      واغليك يانور الاعياني


                      ياويل حالي عليكم ويل
                      لك زود الشوق حرماني


                      أشتاق لك في سكون الليل
                      واحتاج اضمك بالاحضاني


                      بعد الحبايب يهد الحيل
                      وانا بك الحظ مناني


                      أخاف وقتي يجي به ميل
                      وتصعب مواصيل خلاني

                        تعليق

                        • *مزون شمر*
                          عضو مؤسس
                          • Nov 2006
                          • 18994
                          #7
                          قصيدة الهجر والخذلان

                          طال انتظاري والهواجس مناديب
                          وين الوعد ولا على الرف كنا

                          يالله عساها في دروبك تراحيب
                          ويسعد حياتك لوتخليت عنا

                          لاغبت عني وش تفيد المطاليب
                          رخصت نفسي والهوى بي تجنى

                          مليت اعيش بصمت بين ال الاعيب
                          من كان منا صار ماهوب منا

                          تعبت أدور للمفارق تقاريب
                          وليه المفارق يرتحل عن وطنا

                          اللي نبيه يغيب باقي ولا يغيب
                          ومن كنت أبي قربه ترى غاب عنا

                          الهجر والخذلان والشك والريب
                          هاذي بقايا من الغلا في زمنا

                            تعليق

                            • *مزون شمر*
                              عضو مؤسس
                              • Nov 2006
                              • 18994
                              #8
                              قصيدة ابو متعب

                              ياواحد ماغيرعفوك وسيله
                              وبقدرتك عبدك وسيع مجاله

                              تحفظ بلاد الخير عن مانويله
                              وتعز من للحكم يرفى خماله

                              الليث شيال ا لحمول ا لثقيله
                              أللي ليا وكل له الحمل شاله

                              عبدالله اللي له فعول جزيله
                              الليث ابومتعب زعيم العداله

                              العاهل اللي ماندور بديله
                              عسى الليالي ماتبدل بداله

                              راعي العلوم الطايلات النبيله
                              مواقفه تشهد ولابه جهاله

                              للدار واحداث الزمن يرتكي له
                              والشعب كله عايش في إظلاله

                              العاهل اللي شايفين جميله
                              يفعل لشعبه مايدور جماله

                              كم مسلم في حاجته ينتخي له
                              وان جاه مضيوم فزع وانتخى له

                              يمناه تكرم باليالي الفضيله
                              في كل دار وكل مسلم يناله

                              بالخير كل المسلمين تحكي له
                              يدفع وينفق من غوا لي حلاله

                              يمناه بالمدات ماهي بخيله
                              ومعرب من ساس جده وخاله

                              الله يحفظ من يزبن دخيله
                              وعساه عند الله يفوز بعماله

                                تعليق

                                • *مزون شمر*
                                  عضو مؤسس
                                  • Nov 2006
                                  • 18994
                                  #9
                                  قصيدة شمس الشروق

                                  الله الله وا شرقت شمسي شروق
                                  وا بتدى في خافقي حب الوله

                                  ياهواي اللي تغلغل فالعروق
                                  ينبض بقلبي ودمي يحمله

                                  اه ياحب يرفرف لي بروق
                                  يا مشاعر كل يوم تذوب له

                                  سكرتي في خمر حبه ماتفوق
                                  كود اضمه فوق صدري وامهله

                                  بالحبر والشعر انا صغت الوثوق
                                  من خفوقي كل همسة حب له

                                  دام باقي لي معه حب وشوق
                                  كل جرح في طريقي باهمله

                                  والأمل براق والحزن مخنوق
                                  والهوى طفل وحنا ندلله

                                  أنشدينا ياتباريح الطروق
                                  الوفا ظل القلوب تظلله

                                    تعليق

                                    • *مزون شمر*
                                      عضو مؤسس
                                      • Nov 2006
                                      • 18994
                                      #10
                                      قصيدة وداعية / فمان الله

                                      توكل لانويت تروح تهجرني وتنساني
                                      أمانه لايردك شي واللي عافني عفته

                                      لاتستغرب شعوري ذا لأنك ظالم وجاني
                                      ولابه يوم جربت الغلا يافلان أوزرته

                                      خساره واحسبك ماتعرف الثالث ولا الثاني
                                      أثاري قلبك اللي مايعرف السبت من سبته

                                      ومادام الرجل قوام على المراه بهجراني
                                      تأكد كل رجال عظيم بزوجته واخته

                                      أنا الحوراء وانا الماسه وراس الغيم مسكاني
                                      أنا الشيهانه اللي من طمان الأرض ماشفته

                                      بشمت فيك خلق الله من القاصي إلى الداني
                                      مكانك وانت حر في مكانك يوم وهقته

                                      أنا حوى صحيح اني دموع العين تشقاني
                                      ولكني أذا صديت قلب المبتلى دسته

                                      فمان الله وداعيه على شانك على شاني
                                      قبل لايكبر الموضوع جود واخذ (هالنبته)

                                        تعليق

                                        السابق 1 2 3 4 5 6 7 template التالي

                                        google Ad Widget

                                        تقليص
                                        يعمل...