لا تحلمين أقولك عيد سعيد..لكن بقولك انتي سعادة كل عيد

**وزير السلطان** · 17-09-2010, 10:49 AM

ي ليلة العيد حالف لوتجيـــــــبينه ..لآرجع كأني طفل مجبور بأفرآحي

هذه ملابس العيد لولد الجيران....ماهي بلي...!!

وهذه طبعا عيديات عيال عمي اللي يجونا زياره...وعيال حارتنا.... صرفتهم
من البنك قبل العيد بكذا يوم...بس غبطني يوم ماأعطاني من الدراهم الجدد..

وهذه وإحنا متوجهين لمصلى العيد...بس للاسف المصور..سوسو
مدري وش فيه مالقط لنا كم صوره من مصلى العيد...

وهذه حلوة العيد...

**وزير السلطان** · 17-09-2010, 11:02 AM

كل عآم ولا يسكن قلبكـ سوآي ,,كل عام وأنت النبض بدآخلي

هنا سوسو حاب أنوه يعبر عن موده بهالشيء...

وبعد ماخذينا حلاوة العيد...توجهنا للمستشفى لزيارة أحد الأقارب هناك..

وبعد زيارتنا للي في المستشفى توجهنا لمعايدة بعض الأقارب بمنازلهم(كبار السن)..

**وزير السلطان** · 17-09-2010, 11:14 AM

قالوا العيد " قلت "العيد لقياها .والله إني عليها من الوله ميت ..!

وبعد مارجعنا من المعايدات
خذينا لنا شوطين على هالأكورد

يمديكم على اللوحه...!!

طبعن نومه عقب صلاة الجمعه ولاصحيت إلاحول المغرب...
تجهزنا وعلى مقر الإحتفالات...وإبتدينا بحينا

الله يشافيك يارب...وعيد الرياض ناقصه وجودك..الله يحفظك..

لقطه من المنصه الرئيسيه للحفل...

العرضه النجديه

والأطفال كانت لهم مشاركه فعاله

وهالولد مسرح مدري وين وصل ....شكله وصل لمنتديات عبير
ترى ماهوبسوسو
خخخخخخ

هذه المعاميل الخاصه بالحفل...

**وزير السلطان** · 17-09-2010, 11:27 AM

أي عيد ؟إنت اصلا من جيت لحياتي وكل أيامي صارت بك عيد

الليله الثانيه رحنا لمهرجان بنفس الحي
والراعي الرسمي له هي قناة المجد...وكان المهرجان عباره
عن مسابقات...ومن ضمن هالمسابقات...
مسابقه تختص بالموروث الشعبي....كذا فريق مشارك
وكل فريق له خيمه يبدع فيها بالأدوات الشعبيه

بدينا بالموروثات الشعبيه

هذا يسمونه المزبى(الشيال الخاص بالأطفال)

هذا يسمونه( السعن وهو مصنوع من جلود الأغنام يستخدمونه في حفظ اللبن والماء)
وهالمعلومات مستقاه من نفس المشرفين على الخيمه يعني لوصار لبس أنا برى الموضوع

هذه أكله شعبيه قاللي على أسمها بس مادونته للأسف
بس عباره عن تمر وسمن وأقط

رجعنا للبيت على الساعه 12 صباحا تقريبا

**وزير السلطان** · 17-09-2010, 11:37 AM

العيد عاد وفرحة العيد وياكم ~ و إلا بدونكم .. وش حلات المعايد ..؟!

الليله الثالثه رحنا لمقر الألعاب الناريه

شوفوا كيف تحولت الأرض وكأننا في النهار...!!

**وزير السلطان** · 17-09-2010, 12:51 PM

ياللي افراح عمري جنبك تزيد !عيدنا غير واعياد السنه غير

طبعا بعد كذا سافرنا للقصيم
لمعايدة الأهل والأقارب اللي هناك
وكانت وجهتنا (بريده- البدائع - الرس)
وكانت هذه بعض اللقطات

البدائع(سميت بهذا الأسم لأنها نبع الإبداع...واللي ماهو بمصدقني
يزورها ويشوف كيف الأبداع بصراحه في كل شيء)..

وهذه تهنئه خاصه من أهالي الرس يقدمونها لأهالي الرياض
ويخصون بالذكر (أعضاء وزوار منتديات عبير)...يالبى والله /

وهذا اللي كان نفسي من زمان أصوره...واللي هو مستشفى الرس العام/
واللي كان أول خروج لي على الدنيا فيه...طبعا هذه بوابة المبنى القديم
والحين إنتقل لمبنى جديد على طريق القرين...ياحلوها من ذكريات

**وزير السلطان** · 17-09-2010, 01:01 PM

كل عيد و انت بخير يا ملح الايام و قلبك علينا يا جميل يتبارك

وفي ختام تقرير المتواضيع
أتقدم بالشكر الجزيل إلى كل من ساهم في إنجاح هذا التقرير
وكما يسرني أن أتوجه بالشكر الجزيل إلى الراعي الرسمي
تورتيلا قصيميه على دعمها الفني لهالتقرير
ولمساتها الإبداعيه...

وهذه لكل شخص يمر من هنا

مخرج

يا صاحبي بعد ما راح العيد وشلونك ؟
قلي عسى خاطرك عن صاحبك راضي
والله قهرني مرور العيد من دونك
رميت عطري و ثوب العيد و أغراضي
من غير ضحكتك و شوفة عيونك
العيد فرحة ولكن !! جت على الفاضي

وإلى لقاء يجمعنا في تقارير قادمه بحول الله
ولاتنسون اللي يبي يرد رجاء بدون توقيع

أخوكم/بدر العلا

**صمـت** · 17-09-2010, 01:35 PM

رد: لآ تحلمين أقولك عيد سعيد..لكن بقولك آنتي سعآدة كل عيد

يعطيك العافيه على هالابداع..
من جد استانست بلقطات العيد وخاصه الالعاب الناريه وناسه..
وكل عام وعيكم احلى
وبما اني اول من يرد باخذها كلها
هع

يعطيك العافيه بدر

**القيصر** · 17-09-2010, 01:37 PM

رد: لآ تحلمين أقولك عيد سعيد..لكن بقولك آنتي سعآدة كل عيد

وعليكم السلام

ما شاء الله يومين حافلين وتقرير شامل خليتنا نعيش معه عيدكم أعده الله عليكم

شكرا على الدعوة وكل عام وانت بخير

لا تحلمين أقولك عيد سعيد..لكن بقولك انتي سعادة كل عيد

لا تحلمين أقولك عيد سعيد..لكن بقولك انتي سعادة كل عيد

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget