تويت
السلام عليكم ورحمة الله وبركاته
أشتاق بقلبي والقلب حيران
الجزء الاول
الساعة التاسعة صب
يوم السبت..
قمت من رقادي والصراخ واصل لين اذوني..وعيت على ماي انجب فوق راسي.....يلست وانا معصبة ..على الزفتة اللي يسمونها اختي..حشا مب اخت هاي..عدوة ...طالعتها بطرف عيني..ونشيت دخلت الحمام.....وبعد ماظهرت..يلست ادور على شيء معين ..
ابتسمت يوم شفت تلفوني ..ورحت ..للرسايل وطرشت مسج
..وانا اقول بهمس..يارب تخليهم لي...نزلت تحت ..وشفت اماية يالسة تصيح..تنهدت على هالمنظر..ورحت لويت عليها وانا ادمع..
((فديتج الغالية ..شوفيج تصيحين))
اماية:اه يا دانة ما اقول غير حسبي الله ونعم الوكيل ..حسبي الله ونعم الوكيل
دانة: افا يا ام محمد شوفيج..منو مسويبج جيه
اماية: ابوج الله يسامحه..لا يريح عمره ..ولا ناوي يريحنا ..من هالسم
ابتسمت بحزن على حالنا..اه يا اماية ..شو تبيني اقوول..من وانا ياهلة اشووفه جيه ..شو نرووم نسوي...
حبيتا ع راسا..وقلت بنبرة مواساة: الله يهديه ويصلح حاله...بس انتي لا تاخذين بخاطرج..خلج قوية ..
قامت اماية وهي تمسح دموعها بطرف شيلتها ...
اماية: امين..يا بنيتي ..امين
حبيت راسها وانا اقول بمرح: ها اماية انا يووعانة شو بتريقووني اليوم
ابتسمت امايه بحب وقالت: اللي تامرين عليه فديتج
فقلت وانا ارد لها الابتسامة: أي شيء من يدينج العسل حلووو
ابتسمت لي وهي تروح صوب المطبخ..ولحقتها وانا افكر .. بحالنا..اه من هالحال..كل ماييه ويستوي اخس..الله كريم...دخلت المطبخ وشفت..البشكارة تسوي عصير برتقال
دانة: رتنوو انا بعد اريد عصير..
رتنا: سوي انتي
طالعتها بطرف عيني وقلت: اماية منو البشكارة..انا ولا هاي..اخاف بس انتو طالبيني بشكارتكم..وهاي بنتكم
ابتسمت اماية وقالت: ما ادري يا بنيتي يمكن يبتها وانا ما ادري
جان اصفق بيديني دلالة على القهر: شف ...حتى اماية ضدي..يعني انا بشكارتكم
............: انتي بشكارتنا الابدية ..انا ما ادري منو قاص عليج وقالج انج اختنا..ترانا انا ومحمد حصلناج عند الزبالة تصيحين ..جان اشاوره اذا ناخذج لبيتنا كاخت ونربيج ولا لا؟؟
دانة: ها ها ها ضحكتني تدري ؟؟...وعساكم بس اتفقتوا وشليتوني وياكم
.........: لا افا عليج شليناج ويانا ..واتفقنا انا نربيج كاخت لنا لين 18..وبعدين تردين الجميل لنا
دانة: لا والله..بعد ارد الجميل وانشالله شقايل تباني ارد الجمل حقكم
..........: تستوين بشكارتنا الخاصة انا ومحمد
جان اقووله باستهزاء: افا عليك ما طلبت ..بس يوم بيبيض الديج..ما شيء شغلة ..غير اني اكون بشكارتكم انت وياه
.......: انا فيصل ترفضين اوامري...
دانة: روووح ول انزين....رتنووو بلا مصاخة سويلي عصير..لا اجب هاللي سويتي الحين على راسج
رتنا: زين زين ...
فيصل: لا لا رتنا لا تسوين لها..خل تشتغل برووحها ..
طالعت فيصل بنظرة نارية وقلت:ياخي انت شو حارنك..هي بتسويلي انا مب انت
فيصل: وانا ما اباها تسويلج شيء
دانة: بقطعك صدقني
فيصل: بسم الله عليه..اقول رتنا سويلها اللي تبا ..لا تذبحني احين..يلا الغالية تامريني ع شيء
اماية: وين فديتك من الصبح
فيصل: بروح دبي ..ويا نايف..عندي كم شغلة اخلصها هناك
اماية : ووينه نايف..؟؟
فيصل: عند الباب
اماية: وليش ما قربته ..خل يتريق عندنا
فيصل: ما يستوي احينه..عندنا شغلة ضرورية ..لازم نخلصها..يلا من رخصتج
اماية: حافظنكم الرب..وهالله الله في السواقة..ولا تسرعون ..وسلم على نايف
فيصل : انشالله ..سلامن يبلغ
وظهر فيصل..وظهرت وراه ..من المطبخ ..نادبته :فيصل
كان فيصل مستعيل يلبس نعاله
وقال باستعيال: ها؟
فقلت بتمصلح: بترووح دبي
فقال ببرود: هيييه
وطلع برا ...وكان سيارة نايف في الحووش..يتريا فيصل
فقلت لفيصل: لا تنسى تييب لي..جلكسي جواهر
قال فيصل: رووحي انزين ما شيء شغلة..يا بنت الحلال ارحمي نفسج
دانة: يا خي ما اريد..انا في خاطري اليوم جواهر
فيصل: وانتي كل يوم لج خاطر في شيء..شو حامل وانا ما ادري؟؟
فقلت بعصبية: يا اخي انا ابا جلكسي جواهر
فيصل: ما عليه بييبلج ..عن سلبيات السمنة المفرطة
وقفت في مكانب بعصبية وقلت: يا خي اذا انت ما تبا تييب لي ..قول ما تقدر وخلاص..مب لازم تذلني..
تنهد فيصل وقال: خلاص لا تزعلين بييبلج
الدمعة كانت على طرف عيني ..
فقلت بزعل: ما اريد مشكوور ..مالي خاطر فيه ..واذا بغيت بقوول لعلاوي ييب لي
فقال فيصل: افا زعلت ام فصول لا ما يصير
فقلت بعصبية : وانت منو قالك اني بعرس..وبييب هالفيصل
وهنيه هرن نايف لفيصل ...
فقلت وانا رافعة حايب: وهذا ما يرووم يصبر لدقيقة
ضحك فيصل: ههههههه كل ها ودقيقة ..
دانة: رووح الله يخليك..لا يدعمنا الحين..ولا تييب لي شيء انا اسفة وحقك عليه
فيصل : لا افا عليج ..انتي تامريني..واليوم فليل بيكون عندج
دانة: قلت لك ما اريد منك شيء
يا فيصل صوبي وحب راسي
فيصل: كل شيء ولا حبيبة قلبي تزعل علي
ناظرته بنص عين
دانة: قص عليه بكلمتين انته بس
فيصل: ههههههه يلا مع السلامة
دانة : مع السلامة
صديت بدخل البيت ..بس وقفت مكاني يوم زقرني تاففت في خاطري
وانا اتساءل هذا شوو يبا مني..صديت له بدون أي حرف
كان فاج جامة سيارته
.......: السلام عليج دانة
دانة بكل برود: وعليكم الاسم والرحمة
.....: شخبارج ؟؟
تاففت في خاطري ..اووف صدق انه متفيج
دانة: الحمدلله ما نشكي باس
......: وانا بخير الحمدلله
انحرجت ..يوم سمعت ضحكت فيصل..المكتومة..الحمار شو قصده من هالحركة ..يا خي بكيفي ما اريد اسال عن احوالك..ما تهمني..
فيصل: يلا نايف..شو تبا بخبارك..يلا بنتاخر
نايف.: وجنا ما متاخرين..من ساعة وانا اترياك هنيه..بس حضرتك كنت في نقاش حامي مع بعض الناس
ناظرته ببرود..فابتسم لي وهو يقول: يلا نشووفج ع خير
دانة: في حفظ الرحمن
دخلت البيت وانا معصبية...هالنايف ..انا ما ادانيه خير شر..جيه من الله كا رهنه..وهو يدري هالشيء...بس الا ويستفزني...التافه..جليل الحيا ..
رحت المطبخ..وشفت رتنا وسالتها عن عصيري
رتنا: في الثلاجة
ورحت صوب الثلاجة .. ..وخذيت عصيري وانا اسالها عن فطووم
رتنا: في الصالة شوف تلفزيون
دانة: انزين خلاص
رحت الصالة ..وشفت زيود وفطووم يطالعون الرسوم
رحت عند فطووم ..ووقفت جدامها..وهي يوم شافتني زاغت
دانة: اهلا وسهلا ..بالحلووين
فطووم بخوف: والله انا ما كنت اقصد
دانة باستهزاء: لاء..صابة عليه ماي بارد وتقولين لي ما كنت اقصد
فطوم: والله ما اعيدها
فقلت لها بعصبية : فطووم كم مرة حلفتي لي انج ما بتعيدينها ..شو اسم الله لعبة ..وبعدين انا كم مرة قايلة لج توعيني شرات ناس وبشر ..او انج لا توعيني ها؟؟
فطوم: والله خلاص مرة ثانية بوعيج عدل..وما بصب عليج ماي بارد
هزيت راسي وانا اقول: والله انج ياهل..واحمدي ربج انج ياهل ..ولا جان ذبحتج من زمان
وفجاة حسيت بشيء عند ريولي جان اشوف زيود يبتسم لي..ما قدرت اقاوم ابتسامته ..وابتسمت في ويه وانا اقول: ياللله فديت عمرك..شو اخبار بطلنا
زيود بحيا: بخير
ضحكت عليه وانا اقوول: يالله ريال وتستحي
زايد: لا انا ما اثتحي
حبيته ع خده وانا اقول : انزين خلاص انت ما تستحي
وشليته..ويلست وياهم ..في الصالة لين اذان الظهر...وبعدين قمت صكيت التلفزيون..وقلت لهم يصلون ...وقبل لا ارووح اصلي مريت على حجرة سيف ..دقيت الباب...بس لا حياة لمن تنادي...
دشيت الحجرة ..وكانت ظلام..وباردة...رحت فجيت الستاير...وصكيت المكيف..ووقفت فوق راسه ..
دانة: سيفوو...سواف...قم يلا..اذن الظهر..
سيف: امممم..انزين...انقلعي برا
دانة: ماشيء..اول اشوفك ناش جدامي..وبعدين اظهر
سيف:اوووف...مالت عليج..ظهري..لا اشوتج برووحي
دانة: تصدق في خاطريه تشوتني..الله يخليك شوتني
هههههههه...خخخخ ادري انه الحين بينقهر وبينش
قام سيف..ويلس وهو يطالعني ..بعين مغمضة..والثانية مفتوحة
دانة: بسم الله الرحمن الرحيم..شو فيك ؟؟..جيه تطالعني
سيف: يا حمارة ما قلتلج اني بنش وانتي ظهري
ابتسمت له بلواته وقلت: هيه ..س حبيت اتاكد بنفسي..يا عيال راشد...
سيف: اقول ظهري ظهري لا افرج بالجوتي احينه ..
دانة: ووينه هالجوتي ..
سيف: دانووه بلا مصاخة ظهري ...ابا اتسبح والحق ع صلاتي
دانة: خلاص حبووه ..رووح تسبح
سيف: اولا شوو حبووه هاي..ارمسي شرا العرب..وثانيا..ماشيء شغلة اكون انا حبيبج..يلا مناك يلا
دانة: ههههههه انزين خلاص
وطلعت من حجرته..وانا مبتسمة ..والحين حجرة علاوي ...يالله ..عليهم..خواني كلهم..رقاهم ثجيل..هع اونه خواني..شو ناسيه نفسي..انا احطم الرقم القياسي فيه..
دخلت حجرة علووي ..وشفت الحالة نفسها ...اللي شفته في حجرة سيف..ورحت فجيت الستاير..وصكيت المكيف..ووقفت فوق راسه ..وبديت بالمهمة
دانةك علوووووي...قم اذن الظهر..علووي
علي: اممممم ...
دانة: شووو امممم انت الثاني..قم بيفوتك الصلاة..يلا رووح الحق ع صلاة الجماعة
علي: انزين انزين...
اوووف منه ...
دانة: علي يالاله يا خي ..قوووم ..اووف انا ابا اعرف ..يوم انكم ما ترومون تقومون من وقت ليش تسهروون يالخياس
علي: انتي الخايسة مب نحن
دانة: عيل نش وفكني ..
علي: انزين انتي ظهري
دانة: شو يعني اونك انت واخوك بتقصون عليه..اوونه ظهري...ايوا عسب تردون ترقدوون..ويفوتكم الصلاة
بس يوم شفته...شفت الاخ راقد..وساكن ولا عباله ..
دانة: والله يا علي ان ما نشيت وفزيت الحين تتسبح والله لا اسبحك هنيه
يلست اهزه...وانا معصبة
علي: اووووووووه ...انزين انزين...حشا ..كسرتيني...
ونش يلس في مكانه
ابتسمت بانتصار وقلت: ايوا يا بابا انا عاوزاك كدا
علي وهو ياخذ فوطته: طلعي برا يا المصرية ..لا ارووغج بالجوتي
حشا ...بلاهم اليوم هذيلا عليه ..كل ما قلت كلمة قالو جوتي...
دانة: انزين انزين..انت بس لا تصيح
وشردت من الحجرة يوم سمعته يصارخ
علي: محد بيصيح في هالبيت غيرج ...يالدبة
هههه..رحت حجرتي ..ورحت اتوضا...وبعد خمس ولا 7 دقايق سمعت الاقامة..رحت فرشت سيادتي وصليت ..ودعيت ربي يصلح حال ابوويه ..ويهديه...وما خليت شيء الا ودعيته ...وبعد نص ساعة ..ظهرت من حجرتي ..ورحت المطبخ..شفت اماية ..تعابل الغدى..رحت صوب المخزن ..وخذيت جبس وكاكاو ..ويلست اكال وانا اشوف روز ورتنا يتساسرن
دانة:شعندكن انتي وياها ...لا يكون بس تتامرون ضدنا..والله يصير..خدم هالايام ما نروم نصدقهن
اماية : خليهن يا بنيتي في حالهن ..ليش تبين تسوين مشاكل..
دانة: اماية انتي مسكينة..وما تدرين بخدم هالايام..تراهن لو تيات ..فخليج حذرة..والحمدلله انا بنتج موجودة
ابتسمت اماية وهي تقول: والله انهن فقيرات ..ولا لهن خص فيحد
فقلت وانا اشووف رتنو: اذا قلتي عن روز صح..بس الثانية ..هذي انا ما شفت اخبث عنها ..الله يفكنا من خباثتها
رتنا: انتي شو يقول انا
دانة: ما قلتلج..وانتي شو لج ..خلج في شغلج ابرك لج ..لا انقز عليج واكسرج
....: ول عليج ارحميهن..شو ناوية تسوين بها هريس
أشتاق بقلبي والقلب حيران
الجزء الاول
الساعة التاسعة صب
يوم السبت..
قمت من رقادي والصراخ واصل لين اذوني..وعيت على ماي انجب فوق راسي.....يلست وانا معصبة ..على الزفتة اللي يسمونها اختي..حشا مب اخت هاي..عدوة ...طالعتها بطرف عيني..ونشيت دخلت الحمام.....وبعد ماظهرت..يلست ادور على شيء معين ..
ابتسمت يوم شفت تلفوني ..ورحت ..للرسايل وطرشت مسج
..وانا اقول بهمس..يارب تخليهم لي...نزلت تحت ..وشفت اماية يالسة تصيح..تنهدت على هالمنظر..ورحت لويت عليها وانا ادمع..
((فديتج الغالية ..شوفيج تصيحين))
اماية:اه يا دانة ما اقول غير حسبي الله ونعم الوكيل ..حسبي الله ونعم الوكيل
دانة: افا يا ام محمد شوفيج..منو مسويبج جيه
اماية: ابوج الله يسامحه..لا يريح عمره ..ولا ناوي يريحنا ..من هالسم
ابتسمت بحزن على حالنا..اه يا اماية ..شو تبيني اقوول..من وانا ياهلة اشووفه جيه ..شو نرووم نسوي...
حبيتا ع راسا..وقلت بنبرة مواساة: الله يهديه ويصلح حاله...بس انتي لا تاخذين بخاطرج..خلج قوية ..
قامت اماية وهي تمسح دموعها بطرف شيلتها ...
اماية: امين..يا بنيتي ..امين
حبيت راسها وانا اقول بمرح: ها اماية انا يووعانة شو بتريقووني اليوم
ابتسمت امايه بحب وقالت: اللي تامرين عليه فديتج
فقلت وانا ارد لها الابتسامة: أي شيء من يدينج العسل حلووو
ابتسمت لي وهي تروح صوب المطبخ..ولحقتها وانا افكر .. بحالنا..اه من هالحال..كل ماييه ويستوي اخس..الله كريم...دخلت المطبخ وشفت..البشكارة تسوي عصير برتقال
دانة: رتنوو انا بعد اريد عصير..
رتنا: سوي انتي
طالعتها بطرف عيني وقلت: اماية منو البشكارة..انا ولا هاي..اخاف بس انتو طالبيني بشكارتكم..وهاي بنتكم
ابتسمت اماية وقالت: ما ادري يا بنيتي يمكن يبتها وانا ما ادري
جان اصفق بيديني دلالة على القهر: شف ...حتى اماية ضدي..يعني انا بشكارتكم
............: انتي بشكارتنا الابدية ..انا ما ادري منو قاص عليج وقالج انج اختنا..ترانا انا ومحمد حصلناج عند الزبالة تصيحين ..جان اشاوره اذا ناخذج لبيتنا كاخت ونربيج ولا لا؟؟
دانة: ها ها ها ضحكتني تدري ؟؟...وعساكم بس اتفقتوا وشليتوني وياكم
.........: لا افا عليج شليناج ويانا ..واتفقنا انا نربيج كاخت لنا لين 18..وبعدين تردين الجميل لنا
دانة: لا والله..بعد ارد الجميل وانشالله شقايل تباني ارد الجمل حقكم
..........: تستوين بشكارتنا الخاصة انا ومحمد
جان اقووله باستهزاء: افا عليك ما طلبت ..بس يوم بيبيض الديج..ما شيء شغلة ..غير اني اكون بشكارتكم انت وياه
.......: انا فيصل ترفضين اوامري...
دانة: روووح ول انزين....رتنووو بلا مصاخة سويلي عصير..لا اجب هاللي سويتي الحين على راسج
رتنا: زين زين ...
فيصل: لا لا رتنا لا تسوين لها..خل تشتغل برووحها ..
طالعت فيصل بنظرة نارية وقلت:ياخي انت شو حارنك..هي بتسويلي انا مب انت
فيصل: وانا ما اباها تسويلج شيء
دانة: بقطعك صدقني
فيصل: بسم الله عليه..اقول رتنا سويلها اللي تبا ..لا تذبحني احين..يلا الغالية تامريني ع شيء
اماية: وين فديتك من الصبح
فيصل: بروح دبي ..ويا نايف..عندي كم شغلة اخلصها هناك
اماية : ووينه نايف..؟؟
فيصل: عند الباب
اماية: وليش ما قربته ..خل يتريق عندنا
فيصل: ما يستوي احينه..عندنا شغلة ضرورية ..لازم نخلصها..يلا من رخصتج
اماية: حافظنكم الرب..وهالله الله في السواقة..ولا تسرعون ..وسلم على نايف
فيصل : انشالله ..سلامن يبلغ
وظهر فيصل..وظهرت وراه ..من المطبخ ..نادبته :فيصل
كان فيصل مستعيل يلبس نعاله
وقال باستعيال: ها؟
فقلت بتمصلح: بترووح دبي
فقال ببرود: هيييه
وطلع برا ...وكان سيارة نايف في الحووش..يتريا فيصل
فقلت لفيصل: لا تنسى تييب لي..جلكسي جواهر
قال فيصل: رووحي انزين ما شيء شغلة..يا بنت الحلال ارحمي نفسج
دانة: يا خي ما اريد..انا في خاطري اليوم جواهر
فيصل: وانتي كل يوم لج خاطر في شيء..شو حامل وانا ما ادري؟؟
فقلت بعصبية: يا اخي انا ابا جلكسي جواهر
فيصل: ما عليه بييبلج ..عن سلبيات السمنة المفرطة
وقفت في مكانب بعصبية وقلت: يا خي اذا انت ما تبا تييب لي ..قول ما تقدر وخلاص..مب لازم تذلني..
تنهد فيصل وقال: خلاص لا تزعلين بييبلج
الدمعة كانت على طرف عيني ..
فقلت بزعل: ما اريد مشكوور ..مالي خاطر فيه ..واذا بغيت بقوول لعلاوي ييب لي
فقال فيصل: افا زعلت ام فصول لا ما يصير
فقلت بعصبية : وانت منو قالك اني بعرس..وبييب هالفيصل
وهنيه هرن نايف لفيصل ...
فقلت وانا رافعة حايب: وهذا ما يرووم يصبر لدقيقة
ضحك فيصل: ههههههه كل ها ودقيقة ..
دانة: رووح الله يخليك..لا يدعمنا الحين..ولا تييب لي شيء انا اسفة وحقك عليه
فيصل : لا افا عليج ..انتي تامريني..واليوم فليل بيكون عندج
دانة: قلت لك ما اريد منك شيء
يا فيصل صوبي وحب راسي
فيصل: كل شيء ولا حبيبة قلبي تزعل علي
ناظرته بنص عين
دانة: قص عليه بكلمتين انته بس
فيصل: ههههههه يلا مع السلامة
دانة : مع السلامة
صديت بدخل البيت ..بس وقفت مكاني يوم زقرني تاففت في خاطري
وانا اتساءل هذا شوو يبا مني..صديت له بدون أي حرف
كان فاج جامة سيارته
.......: السلام عليج دانة
دانة بكل برود: وعليكم الاسم والرحمة
.....: شخبارج ؟؟
تاففت في خاطري ..اووف صدق انه متفيج
دانة: الحمدلله ما نشكي باس
......: وانا بخير الحمدلله
انحرجت ..يوم سمعت ضحكت فيصل..المكتومة..الحمار شو قصده من هالحركة ..يا خي بكيفي ما اريد اسال عن احوالك..ما تهمني..
فيصل: يلا نايف..شو تبا بخبارك..يلا بنتاخر
نايف.: وجنا ما متاخرين..من ساعة وانا اترياك هنيه..بس حضرتك كنت في نقاش حامي مع بعض الناس
ناظرته ببرود..فابتسم لي وهو يقول: يلا نشووفج ع خير
دانة: في حفظ الرحمن
دخلت البيت وانا معصبية...هالنايف ..انا ما ادانيه خير شر..جيه من الله كا رهنه..وهو يدري هالشيء...بس الا ويستفزني...التافه..جليل الحيا ..
رحت المطبخ..وشفت رتنا وسالتها عن عصيري
رتنا: في الثلاجة
ورحت صوب الثلاجة .. ..وخذيت عصيري وانا اسالها عن فطووم
رتنا: في الصالة شوف تلفزيون
دانة: انزين خلاص
رحت الصالة ..وشفت زيود وفطووم يطالعون الرسوم
رحت عند فطووم ..ووقفت جدامها..وهي يوم شافتني زاغت
دانة: اهلا وسهلا ..بالحلووين
فطووم بخوف: والله انا ما كنت اقصد
دانة باستهزاء: لاء..صابة عليه ماي بارد وتقولين لي ما كنت اقصد
فطوم: والله ما اعيدها
فقلت لها بعصبية : فطووم كم مرة حلفتي لي انج ما بتعيدينها ..شو اسم الله لعبة ..وبعدين انا كم مرة قايلة لج توعيني شرات ناس وبشر ..او انج لا توعيني ها؟؟
فطوم: والله خلاص مرة ثانية بوعيج عدل..وما بصب عليج ماي بارد
هزيت راسي وانا اقول: والله انج ياهل..واحمدي ربج انج ياهل ..ولا جان ذبحتج من زمان
وفجاة حسيت بشيء عند ريولي جان اشوف زيود يبتسم لي..ما قدرت اقاوم ابتسامته ..وابتسمت في ويه وانا اقول: ياللله فديت عمرك..شو اخبار بطلنا
زيود بحيا: بخير
ضحكت عليه وانا اقوول: يالله ريال وتستحي
زايد: لا انا ما اثتحي
حبيته ع خده وانا اقول : انزين خلاص انت ما تستحي
وشليته..ويلست وياهم ..في الصالة لين اذان الظهر...وبعدين قمت صكيت التلفزيون..وقلت لهم يصلون ...وقبل لا ارووح اصلي مريت على حجرة سيف ..دقيت الباب...بس لا حياة لمن تنادي...
دشيت الحجرة ..وكانت ظلام..وباردة...رحت فجيت الستاير...وصكيت المكيف..ووقفت فوق راسه ..
دانة: سيفوو...سواف...قم يلا..اذن الظهر..
سيف: امممم..انزين...انقلعي برا
دانة: ماشيء..اول اشوفك ناش جدامي..وبعدين اظهر
سيف:اوووف...مالت عليج..ظهري..لا اشوتج برووحي
دانة: تصدق في خاطريه تشوتني..الله يخليك شوتني
هههههههه...خخخخ ادري انه الحين بينقهر وبينش
قام سيف..ويلس وهو يطالعني ..بعين مغمضة..والثانية مفتوحة
دانة: بسم الله الرحمن الرحيم..شو فيك ؟؟..جيه تطالعني
سيف: يا حمارة ما قلتلج اني بنش وانتي ظهري
ابتسمت له بلواته وقلت: هيه ..س حبيت اتاكد بنفسي..يا عيال راشد...
سيف: اقول ظهري ظهري لا افرج بالجوتي احينه ..
دانة: ووينه هالجوتي ..
سيف: دانووه بلا مصاخة ظهري ...ابا اتسبح والحق ع صلاتي
دانة: خلاص حبووه ..رووح تسبح
سيف: اولا شوو حبووه هاي..ارمسي شرا العرب..وثانيا..ماشيء شغلة اكون انا حبيبج..يلا مناك يلا
دانة: ههههههه انزين خلاص
وطلعت من حجرته..وانا مبتسمة ..والحين حجرة علاوي ...يالله ..عليهم..خواني كلهم..رقاهم ثجيل..هع اونه خواني..شو ناسيه نفسي..انا احطم الرقم القياسي فيه..
دخلت حجرة علووي ..وشفت الحالة نفسها ...اللي شفته في حجرة سيف..ورحت فجيت الستاير..وصكيت المكيف..ووقفت فوق راسه ..وبديت بالمهمة
دانةك علوووووي...قم اذن الظهر..علووي
علي: اممممم ...
دانة: شووو امممم انت الثاني..قم بيفوتك الصلاة..يلا رووح الحق ع صلاة الجماعة
علي: انزين انزين...
اوووف منه ...
دانة: علي يالاله يا خي ..قوووم ..اووف انا ابا اعرف ..يوم انكم ما ترومون تقومون من وقت ليش تسهروون يالخياس
علي: انتي الخايسة مب نحن
دانة: عيل نش وفكني ..
علي: انزين انتي ظهري
دانة: شو يعني اونك انت واخوك بتقصون عليه..اوونه ظهري...ايوا عسب تردون ترقدوون..ويفوتكم الصلاة
بس يوم شفته...شفت الاخ راقد..وساكن ولا عباله ..
دانة: والله يا علي ان ما نشيت وفزيت الحين تتسبح والله لا اسبحك هنيه
يلست اهزه...وانا معصبة
علي: اووووووووه ...انزين انزين...حشا ..كسرتيني...
ونش يلس في مكانه
ابتسمت بانتصار وقلت: ايوا يا بابا انا عاوزاك كدا
علي وهو ياخذ فوطته: طلعي برا يا المصرية ..لا ارووغج بالجوتي
حشا ...بلاهم اليوم هذيلا عليه ..كل ما قلت كلمة قالو جوتي...
دانة: انزين انزين..انت بس لا تصيح
وشردت من الحجرة يوم سمعته يصارخ
علي: محد بيصيح في هالبيت غيرج ...يالدبة
هههه..رحت حجرتي ..ورحت اتوضا...وبعد خمس ولا 7 دقايق سمعت الاقامة..رحت فرشت سيادتي وصليت ..ودعيت ربي يصلح حال ابوويه ..ويهديه...وما خليت شيء الا ودعيته ...وبعد نص ساعة ..ظهرت من حجرتي ..ورحت المطبخ..شفت اماية ..تعابل الغدى..رحت صوب المخزن ..وخذيت جبس وكاكاو ..ويلست اكال وانا اشوف روز ورتنا يتساسرن
دانة:شعندكن انتي وياها ...لا يكون بس تتامرون ضدنا..والله يصير..خدم هالايام ما نروم نصدقهن
اماية : خليهن يا بنيتي في حالهن ..ليش تبين تسوين مشاكل..
دانة: اماية انتي مسكينة..وما تدرين بخدم هالايام..تراهن لو تيات ..فخليج حذرة..والحمدلله انا بنتج موجودة
ابتسمت اماية وهي تقول: والله انهن فقيرات ..ولا لهن خص فيحد
فقلت وانا اشووف رتنو: اذا قلتي عن روز صح..بس الثانية ..هذي انا ما شفت اخبث عنها ..الله يفكنا من خباثتها
رتنا: انتي شو يقول انا
دانة: ما قلتلج..وانتي شو لج ..خلج في شغلج ابرك لج ..لا انقز عليج واكسرج
....: ول عليج ارحميهن..شو ناوية تسوين بها هريس
تعليق