ديوان الشاعر الامير / خالد بن سعود الكبير

تقليص
X
تقليص
 
  • الصفحة لـ 6
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 template التالي
  • *مزون شمر*
    عضو مؤسس
    • Nov 2006
    • 18994
    #21
    قصيدة -مالعيني


    مالعيني..يانظر عيني غرض
    في جميع الغيد...ما دامت تراك

    من تبسم نور فجرك..وانتهض
    احترق زين الغواني..من ضياك

    والبها بعضه..ترى يحرق بعض
    مامع شمسك شعاع في سماك

    ياغضيض الطرف يالغصن الاغض
    ياوزين الروح ياروح الملاك

    لانبض قلبك ترى قلبي نبض
    لاتحسب اني غشيم في هواك

    لايهمك من تعرض واعترض
    الهوى ماله طرات الا معاك

    من شعاع الحسن والله ماومض
    في عيوني غير نور من بهاك

    مالحبك ياهوى بالي عوض
    لوجفيتك من يبادلني غلاك

      تعليق

      • *مزون شمر*
        عضو مؤسس
        • Nov 2006
        • 18994
        #22
        قصيدة -الروح ميلافه

        لاصارت الروح ميلافه
        والنفس ولهه ومشعوفه

        والقلب منهوب بحيافه
        والخل يشكي من ضروفه

        شب المولع على قافه
        واستظهر الوجد من جوفه

        يذبح وينحر على شفافه
        لواعج الشوق بحروفه

        كله لجل عين غريافه
        ربيبة الحسن غطروفه

        ممشوقة العود هفهافه
        هضيمة البطن ملهوفه

        فيها من الغصن واعطافه
        الطول واللين وقطوفه

        وفيها من الظبي واوصافه
        عينه وجيده وسرجوفه
        عزيزة النفس عيافه

        عن هافي الطبع مصروفه
        غضيضة الطرف عفافه

        بالثقل والعقل موصوفه
        تاخذ من الليل وادلافه

        السمت والستر والروفه
        وتاخذ من الصبح والطافه

        النور والبشر والنوفه
        والصب رجواه خوافه
        من قاسي الوقت وصروفه

        كم له والاجفان رفافه
        ماشاف منها ولاشوفه

        صحيح مافي الهوى رافه
        والعشق بلواه معروفه

        تدخل لحا القلب واشغافه
        تعبث بسوداه وتلوفه

        كم واحد راح سولافه
        ساقه هوى البيض لحتوفه

        بعض المقادير روافه
        وبعض المقادير مكلوفه

          تعليق

          • *مزون شمر*
            عضو مؤسس
            • Nov 2006
            • 18994
            #23
            قصيدة - يارهيف الحس

            يارهيف الحس ياريم الفلا
            لاتذير ينكدر جو الغرام

            يوم شفتك زال همي وانجلا
            في جناب الروض ممشوق القوام

            لامشيت ارخت زماليق الكلا
            لك زهرها في خضوع وفي هيام

            انتشت لجلك وقالت ياهلا
            والعبير يفوح ترحيب وسلام

            والبها والملح يسحر والحلا
            الزهر والروض وقلوب الانام

            حسنك الفتان في عيني علا
            فوق حد الوصف وحروف الكلام

            طوق بقلبي غرامك ياغلا
            مثل طوق الريش في عنق الحمام

              تعليق

              • *مزون شمر*
                عضو مؤسس
                • Nov 2006
                • 18994
                #24
                قصيدة - بدر تجلا

                بدر تجلا في دجى الليل واشرف
                يبهج سنا نورة ظلام الفيافي

                ساري ولا وده من الناس يعرف
                لاشك نور البدر ماهو بخافي

                عذب طروب ناعم العود وأهيف
                فيه البها والملح والزين وافي

                والعين مايضفي على موقها الكف
                يحفها رمش على الخد ضافي

                يوم ابتسم وقفت والقلب وقف
                وحار القدم والطرف بالنور طافي

                كريم يابرق تكاشف يرفرف
                بأحضان ورد يانع للقطافي

                لظة سناه تشوع القلب وتشف
                أهل الهوى واهل القلوب الرهافي

                ياليتني ماشفت زوله ولالف
                يمي بجيده كان رحت متعافي

                  تعليق

                  • *مزون شمر*
                    عضو مؤسس
                    • Nov 2006
                    • 18994
                    #25
                    قصيدة - من هجـركم

                    من هجركم دمعي على الخد سكاب
                    ومن جوركم ضاقت علي المداهيل

                    عزاه يا سحر النواظر والالباب
                    ضاع الوفا وانبت حبل المواصيل

                    لا هاتف يزهم ولا واحد جاب
                    منك الخبر والا العتب بالمراسيل

                    ترى الزعل من دون شرح للاسباب
                    يجعل لتشكيك العواذل مداخيل

                    اللي لهم عاده بتشتيت الاصحاب
                    من يمهم لا تسمع القال والقيل

                    لا من تعكر يالغضي صفو الاحباب
                    عاداتهم نصب الشرك والمحابيل

                    وش خانة الصحبه بلا ود وعتاب
                    وش خانة الرفقه بليا تعاليل

                    لاصار قلب الخل في الخل يرتاب
                    وش عاد يبقى للقلوب المغاليل

                      تعليق

                      • *مزون شمر*
                        عضو مؤسس
                        • Nov 2006
                        • 18994
                        #26
                        قصيدة - ورد البسـاتين

                        صحيح لاقالوا ترى الحب شواك
                        حب الورود الناعمات الغضيضه

                        اللي عليها ينفتح كل شباك
                        حتى شبابيك القفول العريضه

                        واللي هواها بالمعاليق فتاك
                        فتك الدبا باوراق عشب بفيضه

                        لولاك ياورد البساتين لولاك
                        عندي غرامك فايض مع مفيضه

                        ماشفتني في واحة الشعر نساك
                        اتعب عليه وينتظم لي قريضه

                        ليتك تشوف القلب لاحل طرياك
                        خطر يهج الصدر من زود فيضه

                        هيا معي نطرب عسى الشعر يفداك
                        واترك كلام اهل القلوب المريضه

                        راع الهوى راحت حياته برجواك
                        والحب مثل الموت مافيه ريضه

                        كم مغرم وقف على حوض الادراك
                        وكم عاشق راحت حياته غميضه

                          تعليق

                          • *مزون شمر*
                            عضو مؤسس
                            • Nov 2006
                            • 18994
                            #27
                            قصيدة - نفح الورود

                            يانشاش العود ياخشف العنود
                            طاغي زينك على كل الفريق

                            من عيون الشعر ننظم لك عقود
                            بالانامل صاغها حس رقيق

                            لجلكم ترخص مناظيم تكود
                            لو بغيناها لغيرك ماتليق

                            خالقك ربي مع خود الخلود
                            من بحور الحور منشول غريق

                            ساحر الوجدان يانفح الورود
                            سارق الالباب يالخمر العتيق

                            بالحلى والملح جاوزت الحدود
                            لو وصفتك رايم مالا أطيق

                              تعليق

                              • *مزون شمر*
                                عضو مؤسس
                                • Nov 2006
                                • 18994
                                #28
                                قصيدة - الشمـعة

                                الشمعه اللي دمعها في يدي سال
                                ذابت وداع وذاب قلبي عليها

                                ليت الزمان اللي جمعني بها طال
                                ويا ليتني ماشفت هزة يديها

                                حرتني وراحت وأنا حالتي حال
                                قفت ودمعتها على وجنتيها

                                وداع يا من في خيالي لك امال
                                ما تنتهي مهما الزمن يعتريها

                                وداع يا من بين الأجفان نزال
                                حتي تقوم الشمس من مغربيها

                                دنيا بدونك كلها هم وأحمال
                                غير الكابه والحزن ويش فيها

                                  تعليق

                                  • *مزون شمر*
                                    عضو مؤسس
                                    • Nov 2006
                                    • 18994
                                    #29
                                    قصيدة - عرش السحاب


                                    أرجوك ياللي بالملامة تسلا
                                    ترى العذل واللوم مابه تسلي

                                    كانك ببعض الهرج ودك تحلا
                                    ماشوف في زود الملامة تحلي

                                    تلومني في صاحب ماتخلا
                                    وشلون تبغاني لحبه أخلي

                                    وش عاد لو هو من دلالة تغلا
                                    يحق له بعض الدلع والتغلي

                                    ليتك معي يوم الجمال يتجلا
                                    وتشوف شوف العين هاك التجلي

                                    والا سمعته يوم ضحكه تعلا
                                    أواه ليتك واقف في محلي

                                    كان العذل واللوم والهرج ولى
                                    واصبحت في دنيا غرامك مولي

                                    سيد الحلى والملح ماينتخلا
                                    بدر على عرش السحاب متعلي

                                    سبحان من سوى وكمل وخلا
                                    جنسه عديم وصحبته ماتملي

                                    لاشفت زوله فز قلبي وهلا
                                    وان جيت يمه قام واقبل يهلي

                                    وان غاب عني كل شي يملا
                                    وان صار عندي كل شي حصل لي

                                      تعليق

                                      • *مزون شمر*
                                        عضو مؤسس
                                        • Nov 2006
                                        • 18994
                                        #30
                                        قصيدة - خيال وحقيقه

                                        مرت وشبت بالقلوب الحرايق
                                        بنت حلاها الغض موت وحريقه

                                        طرقا عليها الزين رايق ولايق
                                        من شافها مخطور يشرق بريقه

                                        ماست بقد من طغا الحسن مايق
                                        بين الغصون اللينات الرشيقه

                                        راحت تثنى فوق عشب الحدايق
                                        من زينها غارت ورود الحديقه

                                        يلفها عطر للأرواح شايق
                                        نفحة عبيرة روحت كل ضيقه

                                        حورية سبحان رب الخلايق
                                        اللي جعل منها خيال وحقيقه

                                        مدت شركها للقلوب الشفايق
                                        وشالت لباب القلب معها عليقه

                                        تضحك ويكشف من لماها شعايق
                                        برق المزون الموعدات الغريقه

                                        يالله عسى الامال تصبح حقايق
                                        ونشوف للأيام حل وطريقه

                                          تعليق

                                          السابق 1 2 3 4 5 6 template التالي

                                          google Ad Widget

                                          تقليص
                                          يعمل...