رد: ديوان الشاعر عبدالكريم الجباري

ليلتي ليله
البارحه يامحمد ليلتي ليله
ماغير افكر واحسبها واقلبها
يومي تواجهت مع من يلبس الشيله
قمت الهواجيس اشرقها واغربها
سبحان من جاد في صنعه وتمثيله
شقت عيونه تقول السيل ضاربها
قال التفت في يديني مابها حيله
دام المقادير ماتحمد عواقبها
قلت العسر يمكن امع الوقت تعديله
الا اذا عشرتي منته براغبها
قال احسن الظن شوف الروح وشهيله
وش فايدتها اذا منتا معذبها
ماهو بالاول تحول صعب تحويله
وتكفا ابيك الحقايق ماتكذبها
قلت الحكي مكثره والفعل عزيله
ماشفت انا في عيوني يامغلبها
دامك تقول الغلا ياصعب تبديله
علل هذيك الخيانه وش سبايبها
قال اعتبرها جهل اوطيش او ميله
مثلك يبي يدمح الميله ويشطبها
ابنشدك عن حقوق المزن وسهيله
لاوافق الوسم ماتحمل سحايبها
قلت اتحكي في سحابن ما مشى سيله
دنياك هذي كفاك الله مصايبها
والموت لا من نوى يرسل مراسيله
ماحسب اصغارها والا لشايبها
وانا معه يامحمد خذت تعليله
تقريب ساعه اشرقها واغربها
بس الوكاد اعترفلك ليلتي ليله
من كثرت الشوق ضعنا في طلايبها

رد: ديوان الشاعر عبدالكريم الجباري

كنت أحسبك لي حبيتك وعزيتك..وأثرك لغيري وأنا أحسب لي متهيي





أنت الذي جيت في رجليك ما جيتك..اليوم تبخل علي بالصوت وتعيي





بس لا يهمك على فرقاي لبيتك..وأبيك تسمع كلامي يا بعد حيي





لو ما به إلا أنت والله ما تريجتك..ولنته بلاقي حبيب يقدرك زيي





منت أول إنسان كلمتك وخاويتك..لكن درب الهوى ما صار بيديي





هذي توافيق لو إني تمنيتك..الميت ما يرجعنه طبي وكيي





بس أعرف أن كان خليتن وخليتك..يبقى جبل طي مع مر الزمن طيي





باتسر ليا جيتني لا تقول ذليتك..تبي تجي ترجاني وأبي أعيي

رد: ديوان الشاعر عبدالكريم الجباري

رد: ديوان الشاعر عبدالكريم الجباري

شكرا

الله يعطيك العافية

رد: ديوان الشاعر عبدالكريم الجباري

كل (ن ) يبين مضربة وألعن إبليسقلبي نظيف ولا دخل فيه وسواس
الكسب ما هو مليت الخرج والكيسالكسب كيف بطيبتك تكسب الناس
يا لله جنبنا القلوب المناحيسويقطع قصيد (ن) ما نطقته من إحساس
بعض الشعر يشبه بنور الفوانيسوبعض الشعر نوره مثل نور الأكباس
البارحة حامت علي الكوابيسما بين عدوان وقرايب وحراس
للناس شبك وللمدافع متاريسومن عقب رأس غليس جاء رأس عباس
وحلوم وهموم وعلوم وهواجيسوالعين عيا لا يجي حولها نعاس
وطرى علي شعر الغزل وامرؤ القيسوحكمة بركات وصية أبو دباس
الفرق واضح ما يبله مقاييسمثل الذهب في سوق ترصيع الألماس
وفرخ الحرار يصيد صيد القرانيسولا كل حر (ن) يعرف الصيد قرناس
والمعركة ما بين كسب ومفاليسوعنتر لا منه خسر يوم لا باس
في شاعر المليون للشعر فريسوأقلامهم شلف (ن) تخضب بكراس
ودقت طبول المعركة والنواقيسوكل (ن ) لبس في يدينه الدرع والطاس
والفارس للي فاز فيها ابن فطيساللي مضارب شلفته ترفع الرأس
اقدر الطيب وأعادي نواميسوعند العرب شهادة الحق نوا ماس

رد: ديوان الشاعر عبدالكريم الجباري

شاعر رائع بصراحه الله يعطيك العافيه
اخوي سلطان

تحياتي لك

رد: ديوان الشاعر عبدالكريم الجباري

يسلموووووووووووو

رد: ديوان الشاعر عبدالكريم الجباري

يا وقت .. ما مليت تقليب الأوجاع ؟
ما عاد فيني ل الطعون إستطاعه



حاولت أحد ( الصبر ) يمي ولا طاع
لا الصبر طايعني .. ولا الجرح طاعه



يا ليتها في ساع و تروح في ساع
لكنها / متجدده كل ساعه



الجرح طامع ؛ و أيضا الوقت طماع
يا طامع .. ما عاد فيني إطماعه



كم ضيقة ( كنيتها ) بين الأضلاع
أكنها .. و أضحك لا شفت الجماعه



مابي ! يشمت بي من الناس خداع
اللي لا امنته على السر / ذاعه



لا هو مواسيني ولا هو ب فزاع
يضحك وهو في ضحك سنه إخداعه



يضحك وهو وده زوالي من القاع
( متربي ) على الردى و القطاعه



ولا الرجال اللي لهم ب السنع باع
ب الوجه تنطح / ما تعرف اللكاعه



ولا أنت يا زين الحلايا و الأطباع
لا تلوم شخص كايد الوقت لاعه



صديت عنك / وخاطري فيك ملتاع
من خوف لا قلبك يضيق إتساعه



ماني وأنا يومي شريتك .. ب بياع
حبك ماهو ينباع ؛ مثل البضاعه



لوك تقدم شبر ! ب أذرع لك ذراع
لو أن نفس الرجل تلوي ذراعه



أجي ل أجل عينك من الشوق دفاع
و الحب وش قيمته دون إندفاعه ؟



بكرا يزين الدرب .. و تزين الأوضاع
و الهم يطوي من خفوقي شراعه



و ياوقت كافي / بس تقليب الأوجاع
ما عاد فيني للطعون إستطاعه

رد: ديوان الشاعر عبدالكريم الجباري

أشعار جميلة ورائعة صح لسان كاتبها وقاريها وناقلها

اعجاب