ممكن أسأل ليه أحبك؟؟

ليه قلبي راحته في حضن قلبك
ممكن أعرف ليه أيامي بلا وجودك تموت
وليه أحلامي بلا نورك تموت
وليه من دونك يغطيني الحزن ويسجن شعوري السكوت
ليه أضيع إن كنت غايب
وليه أشوفك كل أهلي وكل ناسي والحبايب
ليه أشوف الدنيا ورديه معاك
ليه أحب إني أكون نجمه تضوي سماك
وليه أشوف الوقت ورده ذابلة لو غبت يوم
وليه أحسك جنتي والهناء بقربك يدوم
ليه أحسك شخص نادر شخص أغلى من الجواهر
ليه أشوف الناس من بعدك سراب
وليه أشوف الحب من دونك سراب
ليه يحييني حضورك ويقتل أيامي الغياب
ممكن أعرف ليه أحسك كلي شمسي أنت وأنت ظلي
مالي من دونك مكان وبس في عيونك محلي

ممكن أسأل..

وممكن أعرف ليه كل هذا يا خلي

ليه أحبك وبكل حالاتك أبيك.؟.
بهدؤك بانفعالك وبجنونك مهتويك
ليه أحبك خفقة الروح اليتيمة ؟؟
وكل أحلامي القديمة ؟؟
واسرار تخفيها عيوني بس ماتخفى عليك..

((ايه احبك))

بغروري وبشموخي وبعنادي اللي طوعته بيديك
وبكثر جورك وبحنانك ودافي احساسك وأمانك لانثرته من أجيك..

((ايه احبك ))

وتوي دريت إن الهوى حده خطير يقدر يغير في ملامحنا الكثير

((ايه احبك))

ووحدك حبيبي يامواني كلها حب ودفا بس مرساها عسير..

((ايه احبك)) وافقدك لماتغيب

منقوول تحياتي