تويت
من عاند صروف الليالي تبيده
من عاند صروف الليالي تبيده
ولا فيه بيت سالم من رزاياه
وقلوبنا تفرح اليا عاد عيده
ونركض نطارد فرحة ما لقيناه
والعيد ينقص عمرنا مايزيده
ويخصم مع اللي بالتعاسه طويناه
والنفس لو عاشت سنين مديده
لابد من يوم على القبر ملفاه
ملفى فقير القوم والا عميده
وياقصر دنيانا وياطول مسراه
نرجي وعايدها وننسى وعيده
ولا كل من ساق المواعيد وفاه
واكثر سواليف العرب ماتفيده
وحنا اليا جتنا السوالف حكيناه
وطبع الرجال اهل العقول الرشيده
تترك وكالة قيل والا سمعناه
وتشرب نبوع الهرج دامه رغيده
ولا تقربه لاشافت الطين في ماه
الناس تمشي بالعلوم وتعيده
لا صار ماتخشى وليه وتدراه
والا البشر دايم عيوبه عديده
وربي جعل نقص البشر من مزاياه
والصبر ياتي بالعلوم الوكيده
عن قولة ياحيف هذا ظلمناه
ولا كل من ينصح دروبه حميده
وفرق الخلايق بالفعايل نواياه
والحسد يشعل بالضماير وقيده
باللي حسد غيره على رزق مولاه
لا شاف خطوات النشامى بعيده
وهو طول وقته جالس عند مركاه
يكره مدوح اهل الدروب السديده
ويضحك برجل مايجي مثل ماطاه
ودار يجيك من المغثه بريده
ارحل ترى موت القهر في زواياه
الذيب مايرضى مع الناس قيده
والقرم مايرضى المهونه بدنياه
والطير لا ثارت بواريد صيده
يكفخ ويترك عش بيضه ومرباه
لا شفت جرح الغبن ينزف صديده
ماينفع المجروح بالناس شكواه
ارحل وتلقى لك ربوع جديده
وتلقى الذي يحفظ حقوقك ويرعاه
والنفس لو تسكن خلاها وحيده
ولا واحد كن المعيشه بمخباه
ورزقك على اللي مايخلي عبيده
ولو نملك ارزاق الخلايق منعناه
لو ماتكيده راح يبلاك كيده
والناس كل يجذبه ساس مجناه
لابان رزقك تقل تشفط وريده
والا تقول الرزق من كسب يمناه
وان قمت صوبه لاجل تلعن كديده
تقعد تطارد بالمحاكم قضاياه
وصارت صداقات المراجل زهيده
كل يجي للروض من شان مرعاه
يسري معه والبرد يردم جليده
ويفزع لو انه تالي الليل ناداه
واليا عطاه الحاجة اللي يريده
اعطى الرفيق بساعة الضيق علباه
عينه على مال الرفيق ورصيده
وان طاح راح من الرزاله وخلاه
وكم واحد لامات ماهو فقيده
والناس تلعب في حلاله وتنساه
لو شفت نعي الناس وسط الجريده
ياكثر من يفرح يبي سرع فرقاه
وخطو الولد لامات ماله شريده
وابعد ربوعه بالمخاليق ينعاه
وبيت يساوي بالمعاني قصيده
وقصايد مع طولها ضاع معناه
واللي يريد الناس تسمع نشيده
يترك قصيد المصلحه والمحاباه
القاف مايرفع قلوب بليده
ولا يجدع اللي بالندى طال مبناه
ويلي على رفقة خطات الوليده
اللي اليا شاف الخلل فيك يرفاه
يشبه لناصر بالوقوت الشديده
اللي دروب الطيب طبعه وممشاه
شيخ فعوله بالمراجل مجيده
من نقوة المره وهمدان منشاه
نسل الصميخ اللي طباعه فريده
ولد الحصان اللي خذى الطيب والجاه
والطيب يبقى والخلايق شهيده
باللي عطى يوم الليالي عسيراه
يوم العرب تشفق لذوق العصيده
ياما ذبح كوماء وياما عطى شاه
ومن طاب تبقى المرجله في حفيده
والسبع ينجب له سباع مضراه
غفران يكثر بالمعادي حصيده
وراحة خفوق اللي على الطيب خاواه
لا ذقت طعنات الليال العنيده
جيته وشاف جروح روحي وداواه
طبعه قليل من الاوادم يجيده
ولا كل من هام الطويلات يرقاه
وان ماربحت من الخلايق عقيده
بعض العرب قربه مغثه وماذاه
ولا فيه بيت سالم من رزاياه
وقلوبنا تفرح اليا عاد عيده
ونركض نطارد فرحة ما لقيناه
والعيد ينقص عمرنا مايزيده
ويخصم مع اللي بالتعاسه طويناه
والنفس لو عاشت سنين مديده
لابد من يوم على القبر ملفاه
ملفى فقير القوم والا عميده
وياقصر دنيانا وياطول مسراه
نرجي وعايدها وننسى وعيده
ولا كل من ساق المواعيد وفاه
واكثر سواليف العرب ماتفيده
وحنا اليا جتنا السوالف حكيناه
وطبع الرجال اهل العقول الرشيده
تترك وكالة قيل والا سمعناه
وتشرب نبوع الهرج دامه رغيده
ولا تقربه لاشافت الطين في ماه
الناس تمشي بالعلوم وتعيده
لا صار ماتخشى وليه وتدراه
والا البشر دايم عيوبه عديده
وربي جعل نقص البشر من مزاياه
والصبر ياتي بالعلوم الوكيده
عن قولة ياحيف هذا ظلمناه
ولا كل من ينصح دروبه حميده
وفرق الخلايق بالفعايل نواياه
والحسد يشعل بالضماير وقيده
باللي حسد غيره على رزق مولاه
لا شاف خطوات النشامى بعيده
وهو طول وقته جالس عند مركاه
يكره مدوح اهل الدروب السديده
ويضحك برجل مايجي مثل ماطاه
ودار يجيك من المغثه بريده
ارحل ترى موت القهر في زواياه
الذيب مايرضى مع الناس قيده
والقرم مايرضى المهونه بدنياه
والطير لا ثارت بواريد صيده
يكفخ ويترك عش بيضه ومرباه
لا شفت جرح الغبن ينزف صديده
ماينفع المجروح بالناس شكواه
ارحل وتلقى لك ربوع جديده
وتلقى الذي يحفظ حقوقك ويرعاه
والنفس لو تسكن خلاها وحيده
ولا واحد كن المعيشه بمخباه
ورزقك على اللي مايخلي عبيده
ولو نملك ارزاق الخلايق منعناه
لو ماتكيده راح يبلاك كيده
والناس كل يجذبه ساس مجناه
لابان رزقك تقل تشفط وريده
والا تقول الرزق من كسب يمناه
وان قمت صوبه لاجل تلعن كديده
تقعد تطارد بالمحاكم قضاياه
وصارت صداقات المراجل زهيده
كل يجي للروض من شان مرعاه
يسري معه والبرد يردم جليده
ويفزع لو انه تالي الليل ناداه
واليا عطاه الحاجة اللي يريده
اعطى الرفيق بساعة الضيق علباه
عينه على مال الرفيق ورصيده
وان طاح راح من الرزاله وخلاه
وكم واحد لامات ماهو فقيده
والناس تلعب في حلاله وتنساه
لو شفت نعي الناس وسط الجريده
ياكثر من يفرح يبي سرع فرقاه
وخطو الولد لامات ماله شريده
وابعد ربوعه بالمخاليق ينعاه
وبيت يساوي بالمعاني قصيده
وقصايد مع طولها ضاع معناه
واللي يريد الناس تسمع نشيده
يترك قصيد المصلحه والمحاباه
القاف مايرفع قلوب بليده
ولا يجدع اللي بالندى طال مبناه
ويلي على رفقة خطات الوليده
اللي اليا شاف الخلل فيك يرفاه
يشبه لناصر بالوقوت الشديده
اللي دروب الطيب طبعه وممشاه
شيخ فعوله بالمراجل مجيده
من نقوة المره وهمدان منشاه
نسل الصميخ اللي طباعه فريده
ولد الحصان اللي خذى الطيب والجاه
والطيب يبقى والخلايق شهيده
باللي عطى يوم الليالي عسيراه
يوم العرب تشفق لذوق العصيده
ياما ذبح كوماء وياما عطى شاه
ومن طاب تبقى المرجله في حفيده
والسبع ينجب له سباع مضراه
غفران يكثر بالمعادي حصيده
وراحة خفوق اللي على الطيب خاواه
لا ذقت طعنات الليال العنيده
جيته وشاف جروح روحي وداواه
طبعه قليل من الاوادم يجيده
ولا كل من هام الطويلات يرقاه
وان ماربحت من الخلايق عقيده
بعض العرب قربه مغثه وماذاه
منقول
![]معشوق الفيافي[](./core/images/customavatars/avatar107563_2.gif "]معشوق الفيافي["){kind=avatar}
تعليق