تويت
فطيرة البطاطا والدجاج - تطبيقي
,
,
,
.
السلام عليكم ورحمة الله
شلونكم ان شاء الله الكل كويس
طبق اليوم سويته بمساعدة ماما ربي يحفظها لي
طبعا مثل ماقلت لكم اني شفت مجموعة معجنات وصلتني عالايميل
وجالسة اطبقها .. ربي يسعدها صاحبة الموضوع ..
العجينة الذهبية من هنا ..
اضغطي هنا
المقادير
دجاج مسلوق ومفتت
بطاطا مسلوقة ومقطعه مكعبات
بصل مفروم
فلفل مفروم
فص ثوم مفروم
جبن موزريلا
قشطه او كريمة الخفق
ملح
فلفل اسود
كمون
الطريقة ..
نسلق الدجاج ونفتته ونسلق البطاطا وبعدها نقطعها مكعبات ..
مو تقطعونها وتسلقونها تروح كل النشويات الي فيها وبعدين الفائدة الصحية منها تروح ..
نقلي البصل ومن ثم نضيف عليه الثوم وبعده الفلفل وبعدها نضيف الدجاج ونقليه معهم
ومن ثم نضيف البطاطا بس لحتى تاخذ طعم ومن ثم نضيف لهم القليل من القشطة ..
تكون العجينة جهزت نحطها في القالب ونضيف الحشوة لها
وبعدها نضيف جبنة موزريلا ..
ونغطي الوجه بالعجين بعد واكيد نكون شابكيه بالشوبك
مدري شنو تسموه الي يمد العجين 
ندهن الوجه بالبيض ..
وندخله الفرن طبعا هذا العجين بسرعة يستوي
وانا الشاطرة
شوية نسيته بالفرن بس بعد طلع طيب 
وهنا من الداخل
بس طعمها طلع كثير كثير طيب
يعني يستحق اننا نكرره دوم ..
وبالعافية ..
,
,
,
.
سلم الايادى
تعليق