سندريلا العراقية .. ضيفة من كل بلاد اكله

**عراقيه وافتخر** · 28-07-2010, 10:06 AM

صباح الخير سندريلا.

سؤالي :::

شنو اكثر شي يشتهر بيه المطبخ العراقي؟

هل تجيدين عمل الدولمه والبرياني العراقي؟

تقبلي مروري .

تحياتي وودي لك.

**سندريلا العراقيه** · 28-07-2010, 12:02 PM

بالاول احب اشرح شرح بسيط عن طبيعة المطبخ العراقي
بدون تحيز بس فعلا بالعراق اكو ذوق باختيار الاكل
يتميز اكلنا احنه العراقيين انه دسم
ومنبخل نهائي باكلنه
ونحب جو اللمه والولائم جدا وشعب فعلا مضياف وهذا الشي اشوفه باي بيت عراقي وممكن تلاحظوا اذا عاشرتوا عائله عراقيه
بطبعنه منكتفي بطبق واحد نحب التنويع ونحس مهما سوينه من اطباق انه يكون قليل او ميبيض الوجه ونكثر
سأتناول شرح كل وجبه ومايميزها من اطباق
الفطور:
احنه نسميه الريوك واعتقد نفس الاسم موجود بدول الخليج
طبعا مثله مثل اي فطور ميخله من الجبن والبيض ومشتقات الالبان
لكن لنا اطباق مميزه في الفطور
مثل (باقلاء بالدهن الحر) والباقلاء هي الفول لكن الي يكون حجمه اكبر من الفول وهذا الطبق عبارة عن باقلاء مسلوقه مع خبز عراقي بالتنور يبلل او ينقع بماء سلق الباقلاء ويوضع فوق الباقلاء ودهن ( سمن ) (ممكن يكون نباتي او حيواني او مايسمى (السمن البلدي) )يسخن حتى يصبح حار جدا ويسكب فوق الباقلاء والخبز ويعصر فوقه نارنج( مثل البرتقال لكن بحموضة الليمون) وبطنج( نبات مثل النعناع لكن اوراقه تكون على بياض يجفف ويدق ويخلط مع الملح وملح الليمون)ويوضع فوقه بيض مخفوق مقلي
طبعا اكله دسمه ومشبعه جدا لكن لذيذه جدا واكثر ماتقدم في ايام الجمعة وعندما تكون العائله مجتمعه
ايضا من اطباق الريوك(الفطور) في العراق هو القيمر وصديقه الحميم الكاهي هههههههه والقيمر هو القشطه ويصنع من حليب الجاموس ويكون بطبقات سميكه ويكون لونه ناصع البياض ويؤكل اما بالخبز او الصمون العراقي الحار او مع الكاهي والكاهي هو مايسمى في مصر (الفطير المشلتت) يكون عبارة عن خبز بطبقات رقيقه ويكون مقرمش وهنا تكمن لذته وطعمه ويسكب عليه الشيرة(القطر) او يؤكل معهم دبس التمر او المربى
هذه اكثر الاطباق تميزا في وجبة الفطور بالاضافه اكيد للبيض بانواعه والجبن بانواعه والجبن الابيض ( يسمى جبن عرب ويكون اقراص كبيره وداخله يكون مخرم مثل جبن توم وجيري ههههههههه ويقطع شرائح ويسكب عليه الماء الحار ثم يصفى منه فيصبح بالضبط كجبنة الموزاريلا في البيتزا لذيذ جدا ويتحول الى خيوط عند جره واكله )
وفي الموصل(لخاطر الشيخة هههههههه) فطورهم يكون فيه الطحينه الي نسميها (الراشي ) وايضا هنالك القشفة (حسب ماعتقد يسموها بالموصل الشيخة اعلم) واحنه ابغداد نسميها قشوة وهي طبقة تتكون بوجه اللبن وتكون صفراء سميكة ويكون طعمها حلو كطعم القشطه تقريبا
وهناك الكثير من الاطباق الي يفضلون يتناولوها في الفطور رغم انها دسمه
طبعا مو بشكل يومي وانما اكثر الاحيان تؤكل في الاعياد والعطل والجمع

اما وجبة الغداء فاغلبية العراقيين لايتخلون نهائيا عن الرز والمرق والمرق تكون ( اما بامية (تفوتكم الباميا العراقيه مع لحم الغن العراقي شي خيال) او فاصوليا بيضه او خضره او سبانخ او مرقة طماطم او شجر(كوسه او قرع) او باذنجان او تبسي باذنجان(طبق باذنجان مقلي مع صلصه الطماطم واللحم او الكبة ) وغيرها الكثير من انواع المرق
وهناك اطباق اخرى كالبرياني والمقلوبة والدولمه وغيرها
ويجب ان تحتوي الوجبة على السلطة واللبن (شنينه اي المخفوق مع الماء ويكون مليء بالثلج)
وتحتوي صيفا على اللوبيا المسلوقة وتزين بالبطنج(سبق شرحه) او حب الرمان الحامض
وصحن الخضار الرشاد والنعناع والريحان والبقدونس والكراث
ويتبعها نومة الظهر(قيلولة) الرهيبه ههههههههههه
وفي وقت العصر في الصيف تكون هناك وجبة العصرونه او التي تايم الشاي مع المعجنات او الكيك او الكعك العراقي السادة او يالسمسم او الكليجة(عجينه تحشى بالتمر او الجوز او حسب الرغبه وتشوى في الفرن) او جبن ابيض وركي وريحان

اما العشاء فيكون اما كباب مشوي او مقلي او كبة (انواعها عديدة) او حسب الرغبه
اكثر الاكلات التي يشتهر بها العراق هي السمج المسكوف والدولمة والبرياني والكبة (كبة حلب وكبة حامض وكبة موصلية وكبة برغل وكبة بتيتة جان وكبة السراي ) وتبسي الباذنجان والشيخ محشي والدولمة وتمن الباقلة(رز بالباقلاء) وحامض شلغم والهريسة والقيمة والكباب المشوي والقوزي والكثير غيرها
اما الحلويات فاطيب ماتاكله في العراق هو المن السما(المن والسلوى) الاصلي والبقلاوة وزنود الست وحلاوة الجزر وحلاوة التمن(الرز) وحلاوة شعرية والزلابيه والبرمة وغيرها الكثير الكثير
وكل منطقة تشتهر باطباق معينه
وتتميز المائده العراقيه بانها خليط من المطبخ التركي والايراني والخليجي والشامي لقربها وتوسطها لما ذكر من بلدان
ولكن النكهه واللمسة العراقية غيرت من كل مطبخ ليكون له طابعه الخاص الذي يتميز به حيث انه ليش تقليد اعمى مستنسخ
ببساطة اقول اننا كعراقيون نحب الاكل جدا ومتذوقون جيدون ويتميز المطبخ العراقي بالتنويع والتغيير في الطبق من منطقة لاخرى
ولا ابالغ اذا اقول ان طعم اللحوم والفاكهه وحتى الخضار له طعم مختلف في العراق لخصوبة ارضه
ولايعرف ماقول الامن تذوق الاكل العراقي في موطنه الاصلي
اتمنى ان اكون قدمت ملخص مفيد للمطبخ العراقي
تحياتي

**سندريلا العراقيه** · 28-07-2010, 12:13 PM

المشاركة الأصلية بواسطة queen

وعليكم السلام والرحمة والإكرام

هلا وغلا بمواضيع الشيخة العراقية الرائعة

وهلا بضيفتنا الغالية سندريلا منورة يالغلا

أنا حابة أسألك عن أكله عراقية الأهل يحبونها عندي كثير بس مستحيل اكلها أبدا

وهي السمك المسقوف يا ليت تخبرينا عنها

ولي عودة متابعة ويمكن أسأل ما أعرف

والله يسعدكم يا رب
.

السمج المسكوف من مميزاته لازم يكون سمك فرش
يعني من المي للنار حتى مرات يكون لسه ينبض وهو عالنار المسكين ههههههههه
اشهر انواع السمج الي نسويه مسكوف بالعراق هو السمك النهري نوع البني أو القطان أو الشبوط

وتفتح السمكه من الظهر وتنظف وتخرج الاحشاء وتملح وقسم يضيفولها بس ملح قسم يضيف كاري قسم يخلي عصير طماطة وحامض او تمر هند حسب الرغبه
وتتثبت بالارض باعواد خشب تخترق السمكه من 3 اماكن وتكون النار بالنص والسمك حوالين النار بشكل دائري
الشوايه المستديره على وزن المائدة المستديره هههههههههه
والنار تكون حطبها خشب مو فحم حتى يستوي الوجه يوضع الظهر عالنار مباشرة قليلا حتى يشقر
تقدم مع الطرشي (المخلل) العراقي (رهييييييييب) والعمبة(مخلل مانجو) وخبز التنور والبصل الاخضر
والطعم خيال
وياحبذا لو وراه شاي بالهيل عراقي مضبوط(ياحبذا لو كانت بالزبده اها اها ههههههههههه)

**émmά** · 28-07-2010, 12:14 PM

بداية اشكر الاخت الشيخة العراقية الحرة,,على هذا التجديد,,و على فكرة الضيوف,,و أما بعد..

اختي سندريلا,,نستقبلك بكل حماس معنا..

أسئلك سؤالا..اأكثر شيئ احبه في المطبخ هو الحلويات..هنالك حلوى عراقية اسمها الكليجة العراقية..عرفينا عليها..و اذا طالت مدة استضافتك لنا..فأنا لا أمانع ان تعمليها و تصوريها لنا,,و هذا إذا رغبتي..

شيئ تاني..عرفينا على بعض الحلويات العراقية..

و نتمنى لك إستظافة جميلة,,و شكرا

**سندريلا العراقيه** · 28-07-2010, 12:15 PM

المشاركة الأصلية بواسطة عراقيه وافتخر

صباح الخير سندريلا.

سؤالي :::

شنو اكثر شي يشتهر بيه المطبخ العراقي؟

هل تجيدين عمل الدولمه والبرياني العراقي؟

تقبلي مروري .

تحياتي ودي لك.

صباح الورد
- ان شاء الله شرحي للمطبخ العراقي يكون كافي بذكر اشهر مافيه من اكلات
- نعم وبجداره فائقه هههههههه
نورتي

**سندريلا العراقيه** · 28-07-2010, 12:23 PM

للمعلومه بس اني والشيخة تورطنه لان ثنينه جعنه
اني لان داشرح واوصف وهي لان استضافتني ودتقره وجاعت هههههههههههههه

***مزون شمر*** · 28-07-2010, 06:58 PM

وعليكم السلام ورحمة الله

هلابك شيختنا انت و ضيفتك الحلوه
الله يعطيكم العافيه

بس يصير عندي سؤال راح اجي هنا

**!غصب عني!** · 28-07-2010, 10:59 PM

*اشكر الشيخه .. ع الموضوع ..
*ارحب .. ب سندريلا العراقيه ..

بس .. ما عندي سؤال صراحه بس شو الاكله المشهوره بالعراق !؟

**قمرالزمانA..** · 29-07-2010, 01:53 AM

أهلا بك شيوخة
حياك الله ضيفتنا سندريلا

أنا حبوبتي بأسألك عن السفرة العراقية في رمضان
وش الاكلة اللي لازم تكون متوفرة على السفرة الرمضانية

**سندريلا العراقيه** · 29-07-2010, 01:55 AM

المشاركة الأصلية بواسطة ٭فتاة الثلوج٭

بداية اشكر الاخت الشيخة العراقية الحرة,,على هذا التجديد,,و على فكرة الضيوف,,و أما بعد..

اختي سندريلا,,نستقبلك بكل حماس معنا..

أسئلك سؤالا..اأكثر شيئ احبه في المطبخ هو الحلويات..هنالك حلوى عراقية اسمها الكليجة العراقية..عرفينا عليها..و اذا طالت مدة استضافتك لنا..فأنا لا أمانع ان تعمليها و تصوريها لنا,,و هذا إذا رغبتي..

شيئ تاني..عرفينا على بعض الحلويات العراقية..

و نتمنى لك إستظافة جميلة,,و شكرا

الكليجة هي حلويات تعمل في الاعياد بشكل خاص مثل كعك العيد في مصر والمعمول
لكن تصنع من الطحين وليس من السميد مثل المعمول
وتحشى اما بالجوز والسكر والهيل او مبروش جوز الهند والسكر والهيل او السمسم المطحون مع السكر والهيل او التمر وقسم يحشوها بالحلقوم وهناك الكليجه التي تشوى بالتنور وتكون اقراص صغيره دائريه تسمى (خفيفي) او ممكن تشوى بالفرن بس طعمها بالتنور اطيب
مقادير العجينه:

3- كوب طحين
كوب ونص زبد
كوب حليب
معلقة كوب بيكنك باودر
ملعقة كوب ملح
ملعقة كوب خميرة جافة
وقليل من هيل مطحون

يخلط الطحين مع بيكنك باودر وخميرة وملح وهيل في اناء عميق
يذاب الزبد و يصب على الطحين و يفرك بل اليد جيدا
يضاف حليب تدريجيا ويعجن حتى تتكون العجينه متماسكة وقويه
تغطى العجينه وتترك لمدة نص ساعة أو اكثر حتى تغمر .
تحشي الكليجة باي حشو نحب جوز او فستق او سمسم او مبروش جوز الهند او تمربعد نزع النوى ويقلى في الدهن
وتصف الكليجة في الصينية مدهونه ويخفق البيض وندهن وجهه الكليجه بيه

سندريلا العراقية .. ضيفة من كل بلاد اكله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget