تويت
الجلد .. و العظم .. و الصوت
صلو على محمد
لا اتقول وش قومك ولا اتقول وش عاد
ما باقي .. الا الجلد و العظم و الصوت
لا حالي ابحالي ولا بلادي ابلاد
و الحزن في وجهي من الوقت منحوت
تقودني الاقدار و اجيك منقاد
و حالي غدا من هول الاقدار مسحوت
يغني الفقير .. اليا لقا الشرب و الزاد
يا ليت همي كله .. الشرب و القوت
كان اغتنيت ابجود من جيته و جاد
و ان جاع بطني شرط يكفيه بسكوت
جوعي على اللي راح من بادي اجماد
و خاويت عقبه قولة .. الصدر مكبوت
فرقاه حرب ... و غيبته تبغي اجهاد
في غبة غيابه تركني معا الحوت
حط ابسما صدري غثا حرب بغداد
و في وسط عيني ملحمة عين جالوت
يسوق لي جيش الحزن .. جمع و افراد
و انا له انسج من صفا فكري بيوت
له وسط روحي بيت .. و اطناب .. و اشداد
و انا اشهد انه داخل الروح مبخوت
غيره يحاول يدخل الروح ؟ ما فاد
و لجله غدى دمي حبر .. و الفكر ؟ نوت
و اغواه شيطانه وقفا ولا عاد
في ليلة فيها المطر .. يغرق الكوت
الصبر ؟ جمر بين الاضلاع وقاد
و العمر ؟ مهما طال ؟ بيفوت بيفوت
و الوصل ؟ نعمه .. و الهجر ؟ جمع حساد
غاروا بوجه الوصل ثم صار ممقوت
ليته قبل ما اقفا .. امواعد ابميعاد
و إيجيب لي في موعد الصد تابوت
لا احد يقول اش قوم حالك ؟ و وش عاد
في ذمتي ان فرقاه تعني لي الموت
وسلامتكم
![]معشوق الفيافي[](./core/images/customavatars/avatar107563_2.gif "]معشوق الفيافي["){kind=avatar}
تعليق