ابا العب لعبت العاشق وبروي قصة الولهان
وبدخل قصة الراوي وافجرها براكيني

وبروي قصتن حلوة وكانت بالهنا عنوان
وكانت حلمي المجنون والراوي يسليني

تلاقينا بليله غير في ثاني شهر شعبان
وكانت غير ياهل العشق عن باقي المزايني

لها مبسم حمر والعين حوراء والنهد مابان
لها عنقن مثل عنق الغزال وعينها بعيني
وكانت عينها تحكي عذاب الوقت والحرمان

عذاب الوقت دمرها ودمر ضحكت العيني

تفلسف عينها بالدمع زان الوقت ولا شان
ملت منيدلها بالدمع الاحمر والسهر شيني

وانا ياهل الهوى والحب مالي في هواه الوان
وودعت الهوى والحب من بعد المواليني

انا قلبي مثل قبري ولايمكن يشيل اثنين
انا روحي معلقها بحبك في شراييني

كتبت الشعر لعيونك وانا مالعب على الحبلين
تركت الطيش لعيونك واكيد انتي تعرفيني

اعرف انك مزاجيه ولك حاجه من الثنتين
تعيش بحب صادق ياتموت اليوم ناسيني

انا ماني على خبرك اموت بطعنت السكين
انا سلطان يابنت الرخاء واهلي سلاطيني

تعاهدنا على الحب الحقيقي وافهميني زين
تصونين العهود ولا يجي يوم وتخونيني

ابيك تحبني حبن حقيقي لجله الغالين
يعرفون الهوى في وسط قلبي من نظر عيني

وابيك تلمني في محجر عيونك برمش العين
وابيك تحطني في وسط قلبك لاتخليني

اضيع بدنيتي تايه ولا اعرف وين دربك وين
واضيع بعالم النسيان وانتي شمعة سنيني

يالبى حبة الخاله لاكانت بين خشم وبين
مابين الخشم والشفه تجي حبته ياعيني

لها عينن مثل عين الصقور مورد الخدين
لها صدرن به السلسال كملته بعقديني

أميرة قلب مشعل توها في زهرة العشرين
قمر خمست عشر ساطع على كل المزايني

وانا قلبي مثل قبري ولا يمكن يشيل اثنين
انا روحي معلقها بحبك في شراييني

البرقع اللي تل قلبي من اقصاه
انا أشهد انه تل قلبي وسوى

سوى بوسط القلب بيته وسواه
وشلون لامنه على القلب خوى

انا أشهد انه شال قلبي وعناه
وانا اشهد انه بالضماير تحوى

يابو عيونن حور والرمش ماحلاه
خلي عيوني من عيونك تروة

ناثر جديله فوق متنه وخلاه
اسود جديله فوق متنه تطوى

وست البناجر في يمينه لها جاه
والخاتم اللي في اصبعه لف جوى

واليا ابتسم ياناس بانت ثناياه
حد البريقع تحت خشمه يسوى

يابنت يكفي ماحصل من معاناه
قلبي من اسبابك تراه يتكوى

وخلي عنادك واتركي العز والجاه
وخلي يديني في يدينك تلوى

والبرقع اللي تل قلبي من اقصاه
مافيه زيه تحمله بنت حوى

بحكي قصة العاشق وبروي قصة الابطال
وبحكي قصة القلعه وحراس المساجيني

انا حبي مثل قلعه ترزم فوقها الهمال
عليها اسوار مع حراس من خلف البساتيني

وتسكن داخل القلعه غزالن بالهوى تختال
تلوم الوقت تتنهد تبي توصل عناويني

وطالت مدت الفرقى وقامت تحكي الأنذال
وقالو بنت في القلعه تبي تدفع ملايني

وحطت صورة العاشق وقالت شي ماينقال
تبي توصل لعاشقها ولو تزعل سلاطيني

وقالت حبنا عذري وقامت تسرد الموال
وجرت صرخة الصيحه وقالو لا تصيحيني

وصاحت لا تلوموني وانا بيني وبينه حال
جنود السور والحراس واصوات القريبيني

وشاعت قصة القلعه مع اهل القيل واهل القال
وحطو صورة العاشق على كل المياديني

وصارت تنطر الفرحه وتطرد في سراب اللال
وتشكي ظلم عاشقها وترجي شوفت العيني

وتشكي من تواضعها على الحراس والعمال
وقالت ضايعه ياخوان في درب المحبيني

وكان بداخل القلعه غلام ويشتغل حمال
يقول انه يبي يعرف عن الصورة براهيني

وقالت انت ياهاذا تبي تاخذ علي اموال
وجاوبها حشى لله لو تزعل مواليني

وجاوبته ترى دمعي بعد ذيك الليالي سال
وقال الها اكيد انتي تعشقين وتحبيني

وقال الها ابي اعرف عن الصور بدون اجدال
بدون اجدال ابي اسمه بدون اجدال حاكيني

وقالت له هذا شاعر ويضرب في كثير امثال
وابن شيخن على تقوى وابن شيخن ديني

وقالت له هذا مشعل هويته يوم كنا اطفال
مدلعته باسم شع شع وسميته نظر عيني

وقال الها هذا هوه . لقيته بالزمن رحال
لقيته ضايع الغربه له شهور وله سنيني

وقامت من على الديباج فرحانه وجاها هبال
وفزت له تبي تعرف انا ويني انا ويني

وقالت انت ياهاذا ابي ارسل معك مرسال
انا بعطيك من عندي رساله يم غاليني

وكتبت ذيك الرساله وانتهت قصة الأهوال
وابتدى في قلبها عشق البنات المجانيني

وجتني رسايلها يابن عمي وجاني العقد والسلسال
وجاني خطها المكتوب بيدين المحبيني

انا جيتك يابن عمي ولا ني بتبع العذال
انا جيتك غصب عنهم وذكر اسمك يكفيني

وانا جيت للقلعه لقيت السور والاقفال
وخلي فوق هاذيك المناره يصيح ويناديني

وانا قلبي تقطع وصاير بالهوى يحتال
ترك اهله ترك ناسه على شان المزاييني

ابي فزعة بدو وبقوم لامني نويت قتال
أبي اهدم هذاك السور وادخل قلعة الزيني

ولاهمني الحارس ولا الرامي ولا النبال
ولا العمده ولا الشرطه ولا حكم السلاطيني

وابي فزعة شجاع الوازعي ليا مني نويت قتال
وابي اهدم هذاك السور وادخل قلعة الزيني