ياصقور الزين قوموا وأسعفوني
من هوى ذيك البنيه عالجوني

عالجوني لجلها في كل ليله
زايدن دمعي وتبكي له عيوني

زاد حبه وسط قلبي ياجماعه
ويش حل الحب قولو خلصووني

كان ابو حامد عرف للحب حلي
يرسل الوصفه ترى زادن طعوني

ولازم الحوراء توقع كل وصفه
خايف علاجك يزودلي جنووني

اوشكيب اللي يلقب ب أرسلاني
علموه بوصفتي يمكن يعوووني

واعرظوها ياصقور لكل شاعر
وكان زادو في علاجي علمووني

واكتبوها في رسالت ظرف مغلق
وابعثوها في بريدي الأكتروووني

وكان فاد علاجكم معي وتطبب
عشت في راحه معا ذيك الحنوووني

وكان مافاد العلاج بحب قلبي
اذبحوني في حشاها وادفنووني

واكتبو في لوح قبري موت شاعر
مات من حبه ولايمكن يخووني

وياصقور الزين بالخير اذكروووني
وفي قصيد الحب بالشعر اكتبوني

واكتبوا شاعر توفى من غرامه
مات من حبه ومن كثر الجنوني

قم ياقصيدي واعلن ايام الحدادي
واعلن ان الموت قرب ياقصيدي

واكتب اني البس ثياب السوادي
واكتب ان الزين هاجر لاتزيدي

واكتب ان الزين يختار البعادي
دون ذنب ودون شي ودون قيدي

يوم قرر يبتعد هاذا اجتهادي
قلت احبك ياحبيبي وش تريدي

قالت ابعد واعرف ان هذا وكادي
انتهينا بالمحبه لاتعيدي

قلت لحظه واستمعلي يالعنادي
اعرف ان القلب في حبك عنيدي

والنهايه في غرامي موب عادي
ابتديتك حب وانتي فيه زيدي

انت زرعي وانت زهري ياحصادي
كيف تبعد وانت تنبض في وريدي

ايه احبك حب توقيع اعتمادي
وقعي شيكات قلبي في وريدي

مانبي نورة ولا حتى هنادي
مانبي غيرك ولا حتى نحيدي

يا أميره كل شين فيه غادي
غير حبك يا أميره مانريدي

هيه ياتركي ترى تبقى حيادي
أيه اميره حبها شين جديدي

حبها في وسط قلبي مايعادي
غير منهو يعترض دربي ياسيدي

يوم قررت النهايه يالعنادي
عرف ان القلب حبك يالعنيدي

مانتهينا بس لابس بالسوادي
لين ترجع ياحبيبي في وريدي

وياقصيدي اعلن ايام الحدادي
واكتب ان الزين راجع ياقصيدي

ياوجودي وجد طلفه بالعنايه
اهلها ماتو وخلوها حزينه

بعد ماحطو لهم فالبعد غايه
سافروا يبغون مكه والمدينه

سافروا وأقفو عن ابواب البنايه
والشنط وألماس وأغراضن ثمينه

سافروا والكل يعرض ويش رايه
والسوالف والحكي يازين زينه

ولحظتن فيها سهى السواق تايه
ماعرف يعرف يساره من يمينه

غابت الشمس البريئه والنهايه
عايله ماتت على خط المدينه

ولا بقى الا طفلتن تبغى وصايه
توها طفله وريحت ياسمينه

وقامو اهل الخير بالرفق وعنايه
بانتشال البنت من وسط الضغينه

وكل حرمه غمغموها بالعبايه
وكل رجل بغترته لفوو يدينه

وراحت البنت اليتيمه للرعايه
لا خوال ولا عمام ولا حصينه

وكل هاذا ماعرفتو بالحكايه
حالتي صعبه ومده صابرينه

ياهجوسي قام حضك يو م جاء للشعر دووره
يوم اشوف اغلى الرفاقه قام يزعل من حضوري

يوم جيته لاعدمته باغين عرفه وشوووره
فيلسوف الشعر ابو سلطان للأمر الضرووري


يوم جيته ماهقيت انه يخبيلي شعوووره
مادريت انه يصدق شاعرن ينقل غروورري


عارف القلعه واميرتها ويعرف كل صوورة
قصة التمثيل باخراجك وانا قايم بدوووري


قصة العطر الفرنسي سببت بالشعر ثووره
وانت عارف ماتعطر عطر ماهو من عطووري


طيبنا والعود الازرق شم ريحه من بخووره
والصقور صقور لايمكن تشابها النسوووري


ياهجوسي قام حضك يو م جاء للشعر دووره
يوم اشوف اغلى الرفاقه قام يزعل من حضوري

ياناس خلي هجرني وهلت دموعي
هلت دموعي على الخدين وانثرها

يازين حبك على الشريان مطبوعي
والعين ياصاحبي وشلون تسهرها

بنيت لك وسط بحر الحب مشروعي
مشروع حبي من اولها ليا اخرها

حب ادعج العين وسط القلب مزروعي
تعال جمع ورود الحب وانثرها

ياليت قلبك يحن شوي ويطووعي
على جروحن بوسط القلب دامرها

والقلب من حب غيرك صار ممنوعي
مشاعري صوب قلبك وانت خابرها

ومادام حبك على الهجران موضوعي
منك البدايه على الهجران واذكرها

جتني وقالت انت تسرق قصايد
من بعد ماغابت عن الشات شهرين


وقالت انا غيرك عطاني قلايد
واعطاني القلب واهدى لي العين


تقول مالت شعرك انته عصأيد
خالد بشات الزين يملك دواوين


وقلت مشكوره وهذي عوايد
بعد الجفاء ماهمني اللي تقولين


يابنت انا بالشعر عندي شهأيد
وعندي من الجمهور عشره ملاين


يابنت انا شاعر وواعي وقأيد
قايد من امريكا ليا دولت الصين


يكفي قصيدي في رثاء الشيخ زايد
وتكفي قصايد طعنتي في الشرايين


ويكفي قصيدي لا نشرفي الجرايد
ويكفيني اسمي لا نزل في العناويين


وشعر الغزل في وصف غض النهايد
وشعرن كتبته فيك باسم المحبين


وبالحب انا موجود وقت الشدايد
موجود مشعل والمواقف براهين


اعطيتك الحب الحقيقي بسعايد
وحبك بقلبي ماتغير من سنين


لجلك تحملت التعب والنكايد
واثرك معي بالحب كنتي تسلين


وانا احسبن انك من بناتن فرايد
اللي تصون الحب واثرك تخونين


يابنت مشعل حبه اليوم كايد
صعبن عليك تحب نسل السلاطين


صقر البقوم اللي على العز رايد
طبع الجدود اللي على الدرب ماشين


يابنت لحظه اسمعي العيد عايد
بكره على مشعل مصيرك تردين


وان كان خنتي العهد لجل القلايد
وخنتي لجل واحد على شات بالزين


وعرفت لك بالحب ناسن جدايد
خلاص يالله حبي اللي تحبين


ومبروك حبك جعله بدوم سايد
دعوه من اللي حب ناسن مجافين


وشطب على حبي وجرحي تزايد
انهيت حبك دام انتي تخونين


وخلاص ببقى في حياتك محايد
وانتي على الشاتات يمكن تلاقين

راحت سنه ماشفتها والتقينا
صدفه تلاقينا بعد مانسيناه

صدفه لقيته بعد حنا نسينا
واثر الغلا باقي بعد مافقدناه

يابنت وينك بعد حنا هوينا
غبتي وليلك ياقمر غاب قمراه

ياما على شوفك تعبنا وشقينا
ياما تصبرنا على المره والاه

وحنا على فرقاك ياما بكينا
وحنا غرامك ياصغيره عرفناه

واليوم شفتك بينهن تضحكينا
يازين ضحكتها وماحلى ثناياه

كنتن ثلاث وبينهن تركضينا
ورزت جمالك بينهن حيل ماحلاه

وكنتي عليه تشري باليدينا
وفيني تفاخر بينهن بالمحاكاه

قلتي حبيبي زين مزيون زينا
وقلتي حبيبي من هل المال والجاه

وكانت عيونك بالمحبه تبينا
تشكي علينا ماحصل من معاناه

وانتي تغيرتي عن العام فينا
فيك الحلا زايد وفيك النظر تاه

يابنت حنا في هواكم سلينا
وحبك ترى يابنت حنا شريناه

حنا شرينا الحب حنا شرينا
وحنا غرامك يالغضي مانسيناه

وحنا على حبك رجعنا وجينا
وان كان تبغى الحب حنا بغيناه

وحنا على شاطيك جينا ورسينا
وحبك وقلبك يالغضي صار مرساه

وحنا لقينا في البحر مالقينا
يكفي عرفنا موج بحرك وشفناه

غبتي سنه واليوم جيتي علينا
وحنا ترى غيرك من الناس عفناه

ماني مسامح خطاك وقابل اعذارك
خلاص ابرحل وابترك قلبك الغالي

ياما هويت القصايد من هوى اشعارك
وياما كتبت القصايد لجلك لحالي

وياما هويت الرياض اللي بها دارك
وياما هويت الخصال اللي على بالي

شهرين مرت ولاعرف وشهي اخبارك
ولا ارسلت ليه على الجوال مرسالي

ولا اعرف الا قصيدن ترجم افكارك
باهيجنه باللحن واعليه موالي

اغلي قصيدك من غلا عز مقدارك
واهوى عيونن حور والرمش ميالي

وببقى احبك ولاني قابل اعذارك
وانا ابرحل وبترك قلبك الغالي

جتني بدبله زاهيه كف يمناه
دبلت حبيب القلب قلبه وهبها

وجتني وقالت شعرك اللي قريناه
في المنتدى سهر عيوني وهدبها

وقالت علام الشعر كله معاناه
كله هموم واخاطرك لي كتبها

وشلون ماتدرين يابنت عزاه
وشلون ماتدرين وانتي سببها

انتي طعنتيني غدر اه ويلاه
ويلاه من نار الخيانه ولهبها

من باعني برخيص يابنت بعناه
من يوم غيري بالمحبه كسبها

خنتي غرام وحب حنا بنيناه
وخنتي العهود اللي معي كاتبتها

نادو شكيب وخاطري اليوم ناداه.
نار الخيانه اشعلوا في حطبها

ناسن تزيد جروح قلبن مخفاه
ناسن تحب اليوم تعلن نشبها

النقص في حالي بقوله ومعناه
محدن درى بجروحي اللي عطبها

قالو هلي للطب حالك شرحناه
وحيرت كل الطب واكثر طببها

ياشكيب الحال مايعرف ادواه
غلطة عمر من يوم حبي جلبها

اخر وعد فاخر لقى كنت وياه
يدين خله في يدينه صحبها

قالت حبيبي من هل المال والجاه
زايد رصيده والبنوك تحسبها

من كثر مايملك رصيده ليا احصاه
يشري لها اللي تبيه وعجبها

وتقول شكله زين مزيون وافداه
وسيارته روعه ولجلي ركبها

وحدتني الدنيا على غير مشهاه
وحب بنتن عاليه في نسبها

هذي هي القصه ومثلك ذخرناه
وانت الوحيد اليوم فكك نشبها

يامشعل اللي فات نبدي وننساه
ببدي معك صفحه ولا حدن قربها

قلت انتهينا ثم بان بمحياه
لون القهر والدمع غرق هدبها

خلاص عفت الحب معكم وعفناه
ابا اترك اللي قيمتي ماحسبها

وخلو شكيب اليوم يقرى المعاناه
وان الخيانه مشعل اللي شربها

يابنت ياللي غرك الوقت واعماك
انا غروري فوق مانتي تضنين

انا شموخي فوق ماضن يخفاك
واترجم احساسي على بيت بيتين

جيتك واجيك ويسلم الراس من جاك
جيتك وانا عاشق لحبك وتدرين
جيتك ابي قربك وابي شوف لاماك
واعلنت لك حبي على ماتمنين

وقلبي رهنته بالهوى يومه اغلاك
يومه عطاك الحب وانتي تغلين

قلتي طعني الوقت والوقت قساك
وانتي حزينه واقرب الناس قاسين

جاوبتها يابنت بالهون وش جاك
وش صار لك بالوقت صرتي تونين

وشعرن قريتك لك يبين خفاياك
فيه الحزن والهم والغم والبين

وكان الزمان اللي مع الوقت عناك
عطيني اسرارك وانا اوعدك تلقين

تلقين شاعر يكتم السر لرضاك
ويصون سرك دام انتي تقولين

قالت زمن جاير مع الوقت نساك
تدمي جراحه طعنت الوقت سكين

وقلبي بلا عاشق معا دور الافلاك
وانا عريبه بنت ناسن سلاطين

انا غنيه واملك املاك واملاك
وانا رصيدي فاق حد الملايين

واحترت اجاوبها على تلك مع تاك
يوم اخلفت فيني جميع الموازيين

قالت علامك ساكت اليوم ياذاك
قلت العفو يابنت ماحنا بعيدين

وقالت انا يهديك من شان لقياك
اجيك لراشد الماجد على شان ثنتين

اني احبك عايشه بيوم رجواك
والثانيه انك على الراس والعين

واسم الدلع خله مشن من مزاياك
ونكون روح مفرقه بين روحين

وجاوبتها عدي على القلب بخطاك
فتحت لك قلبي من البين للبين

وصارت بدايت حبنا درب الاشواك
يوم العواذل شبو النار نارين

الله يجازي كل عاذل تبلاك
الله يهينه دوم امين امين

وقالت وداع اليوم بجهل سواياك
الوم انا العذال وانتي تلومين

وقبل الفراق اللي يسمح خطاياك
دامك تبعتي مذهب اللي تسمين

تبقين في قلبي على طول نلقاك
وسط الضماير بين ذيك الشرايين

وعدن علي اليوم يابنت منساك
لو كان عن حبي نويتي تصدين

ويابنت ياللي غرك الوقت واعماك
وسط الضماير انتي اليوم تبقين