قصيده للشاعره الحوراء بنت نجد

هلابك والمحبه وهبة من والي الاقدار
وانا حبيت صوتك دون شوف العين للصوره


هلابك والله اكثر من هلا لوهي تجي لاختار
وابرد لاهب وسط الضماير يشتعل نوره


هلا يابلسم جروح خطيره طبها يحتار
سببها انت ودواها غرامك ماحتمل جوره


ترفق في صويب طعنته من سيفك البتار
إصابه بالغه تسفك بدمه ساعة الفوره


أنا هيمانة مثل الغريق بغبة الابحار
يجيبه موج ويوديه موج وبين فتوره


وانا فيك ابتليت وحدني ظرف الحياة إجبار
على فرقاك لوهي من حياتي صرت مجبوره

ترفق ياحبيبي لايطول موعد المشوار
تكرم قرب الموعد ترى الساعات منظوره

حياتي ليه من بعدك شقيه كلها اصفار ؟!
وقصيدي لاتعدى حضرتك ... ابيات مكسوره !


انا ماجيت ابلعب لعبة الشطرنج والا قمار !
انا احبك .. انا منك .. وفيك اليوم مقبوره !


الى من جيت اهلي بك .. واذا قفيت ياستار
لك اشواقي وبسماتي والى من غبت مخطوره!

فكان رد الشاعر مشعل

شعرك اكايد كل جمهوره

هلا بالي كتب عشرة بيوت وصفها باوتار
هلابك ياخيال الشاعر اللي هضت بشعوره

قريت ابياتك اللي ولعت وسط الضماير نار
تولع لاهبن وسط الضماير زايدن فوره

جروحك ياحبيبي صايرن فيها بعد محتار
دواها والدوى يازين في توقيع دكتوره

وسيفي ماطعن طعنت عذاب ولا طعن غدار
طعنك بحب صادق ياعذاب الوقت وسروره

مادامك ف البحر هيمان يمكن ياتي البحار
ويبحربك على موج الغرام ورحلة طيوره

وانا بعد الفراق ارجع ولو طالت بي الاسفار
وأعودلك واقول اليوم وش حالك وماجوره

ولو طال الفراق وبيني وبينك زمنا دار
دقايق ساعة الايام منهيه ومامووره

واعدل صفرك اللي في حياتك صايرن مغوار
وامتع شعرك بعيني واكايد كل جمهوره

مادام الحب يابنت الرجال محطم الشعار
انا بكتب قصيدي فيك وانتي شيخة سطوره

وانا بكتب حروف اسمك على قلبي ولاتحتار
وعلى عشرة بيتوك ذي ماجوره ومشكوره

قالت انا من حبك اليوم مليت
مليت من حبك وانا اليوم بنساك

ان كان يالمزيون عني تخليت
وانا ثمان شهور وانا اترجاك

ان كان في صدك علينا تماديت
وعذبتني ببقى معك واتمناك

انت الذي سهرت عيني وعنيت
عنيت قلبي يادعج العين وياك

وانا كتبت الشعربيتن ورى بيت
ابيات شعري كلها تطلب رضاك

وانا الذي علمتك الحب واخطيت
اخطيت في حبي على علم وادراك

ياما بنار الحب منكم تكويت
كويتني بيديك وانا اترجاك

وياما سهرت الليل لجلك وونيت
اصيح وابكي وانت عالصد مقواك

وشلون تنسى الحب ياللي تعديت
على الضماير وتطلب اليوم فرقاك

اخلصت في حبك اذا رحت وان جيت
ومعاهدك باللي خلق روحك وسواك

حطيت لك دبله وسويت لك صيت
واعلنت حبك للبشر عند شرواك

يابنت انا بالحب وافي ووفيت
واعطيك كثر اللي من الحب ماجاك

وببقى احبك لو عن الحب صديت
ماينفعك صدك وانا دووم وياك

اخطيت في حقى اي والله اخطيت
وانا الذي ماجيت اعدد لك اخطاك

وتقول حبي كان كذبه ومليت
وش عرفك باللي بقلبي ودراك

وان كان ناوي ترحل اليوم ياليت
خلني ذكرى جميله بين ذكراك

وان كان في بعدك تعبت وتعنيت
ارجع على حبي تراني اتحراك

عندي امل في رجعتك كان زليت
بصبر على الزله وبفرح للقياك

وصيت قلبي يادعج العين وصيت
انه يصون الحب من شان عيناك

وعلى نبي الكون سلم وصليت
عد النجوم وعد ماتدور الافلاك

يابنت انا اعلنت حبك على الناس
حبك سكن قلبي وبعلن بدايه

بدايت العشاق تبدى على ساس
وانتي بدايت حبنا يامنايه

بغيت اجامل بالهوى وانت حساس
واخفيت حبي عنك واثرك ورايه

من يوم اشوفك تنقطع في الانفاس
ابغى اقول انتي هواي وغلايه

واشوف حولك معجبينن وحراس
واقول هاذي شفها مو معايه

واثر الهوى بين المواليف نبراس
وصارت حبيبت قلب من دون غايه

ياهل الهوى والحب ماعاد مجلاس
همي رضاه وهمها هو رضايه

ماعاد فيها دق طبله ومرواس
انا ابيها حب ماله نهايه

وانا بخلي عاذلي حيل محتاس
فيني يضيع اهل الحسد والوشايه

سر المحبه سر ماهوب نوماس
فيه يتباهى كل راوي روايه

حب الشرف يابنت حبن لنا ساس
فيه ابتديت احلى فصول الحكايه

حبي لكم يابنت ماعرف له قياس
كثر النجوم اللامعه في سمايه

وكثر السنين اللي طوت صفحة الياس
وكثر الجروح القاسيه في حشايه

انتي لمعتي في حياتي كاللاماس
وانا لسبت الماس في قلب تايه

حبيت .ساره حب من دون مقياس
واعلنت حبي لها واعلن وفايه

يامرير الشوق عذبني هواها
سهرتني الليل وعيوني شقيه

كل غالي في حياتي من فداها
لو يطلبني عيوني له هديه

كيف اوصفها ووافيها حلاها
كامل الاوصاف واخلاقه عذيه

له عيون الصقر طاير في سماها
لا نظرته صار في قلبي شظيه

والخدود الحمر تشقيني علاها
وبحمار خدودها تقضي عليه

وله عنق الريم جافل في نداها
لا جفل يجفل بالاغصان النديه

والشعر ضايع وتايه من وراها
ومشيتها غريبه وطلتها بهيه

والشفايا والشفايا ذقت ماها
ريقها طعم العسل وسط الخليه

لو يجن البيض معها في مداها
كان تبصم بالعشر كل حضريه

ويل حالي من عذابي في جفاها
عذبتني بالجفا بنت بدويه

من جفها صرت عايش في عماها
انتظر لحظه غرام وعاطفيه

يوم غابت زاد بعيوني شقاها
وتركتني للهموم وعرضتني للبليه

والمصيبه يوم راحت في قضاها
ذوبتني بعدها بنت حضريه

يوم جتني للهوى ومدت يداها
وطلبت حبي وقالت انت ليه

انت عمري وانت مزعلها ورضاها
وانت كلي وانت ساكن في عنيه

وصرت ضايع في عناي وفي عناها
وصرت تايه بين ذي وبين ذيه

قلت قلبي حب غيرك مانساها
وافين بالحب دام النفس حيه

ثم صاحت ثم زادت في بكاها
يوم قلته كانت الصدمه قويه

ليتني ماقلتها لحضه هناها
ولا جرحت شعوور بنت الفاخريه

صرت عايش في حياتي في رجاها
بنتظرها دام في عمري بقيه

ويامرير الشوق عذبني هواها
سهرتني الليل وعيوني شقيه

ويل حالي من عذابي في جفاها
و يا مرير الشوق حبيت بدويه

حي الجواب اللي لفانا وحياه.
.سلمت يدين اللي تعنى وكتبها

سلمت يدينك ياسنا العز والجاه
يالماستن تلمع وشعري جذبها

جانا جوابك وابتهجنا وقريناه
وشفنا نصايحكم وشفنا عجبها

وشلون جرح القلب يابنت ننساه
والطعنه اللي حطها ثم سحبها

انا اشهد ان الحب حنا ضحاياه
حسبي على اللي من يديني نهبها

حنا شرينا الحب حنا شريناه
وفي عالم الحب محدن قربها

الغالي اللي في حياتي فداياه
ويفداه كل الكون حتى عربها

واللي وفاء بالحب هذي جزاياه
يطعن غدر ماعاد ينفع عتبها

غرني زوله وضحكت ثناياه
وغرتني الدبله ولمعه ذهبها

وكلمة احبك لا نطقها بشفاياه.
انسى جميع الكون واجهل سببها

واثر المحبه كذب عزاه عزاه
تمثيل حبه والمحبه لعبها

هذا هو الحب هذي قضاياه.
هذي معاناتي وهذي شعبها

باللي خذيت الورد حنا قطفناه
تشابهت عندي قمرها وشهبها

يابنت شمر كل صعب نتحداه.
ماهمني ميل الليالي وصعبها

واللي شرى غيري شهرنا وتركناه
والحامض اللي مايطوول عنبها

يابنت شمر سحرك اليوم شفناه
والزين تاجك والفخر في عربها

ياويل حالي من عيونك وويلاه
تسحر جميع الكون لارخت هدبها

من زينها العشاق تعزف لطرياه
وراعي الربابه جرها ثم سحبها

والزين زينك ياسنا العز والجاه
يالماسه تلمع وشعري جذبها

ودرب الهوى يابنت حنا وطيناه
وهذي معاناتي وهذي شعبها

شهرين مرت مادرينا عن الحال
يابو عيونن حور حلمك علينا

ارفق بقلبن مايبي كل محتال
وانت الوحيد اللي نبيه وتبينا

انتي وضعتي داخل القلب منزال
وانتي غرامك هز قلبن رزينا

دامك لقيتي بالشرايين مدخال
دشي مادام احنا بحبك رضينا

وقتن مضى كنا على الحب نختال
حتى العواذل مالقت درب فينا

سبحان منهو غير الحال بأحوال
وشلون غيرتي غرامن دفينا

وشلون قلي تترك القلب رحال
عاشق بلى معشوق صاير حزينا

ردي ترى قلبي على الحب شلال
مازال حبك بالضماير دفينا

ردي وخلي كلمت القيل والقال
هذي عواذل صدرت حكم فينا

مصدرن باقرار توقيع عذال
فيه النميمه والحسد تبتلينا

يابنت كان الحب باقي ولازال
قلبي على لاماك يبنض حنينا

ياليت لي حيله مع الناس واحتال
واقول انا حبيت بنت اللذينا

لاكن انا شاعر ولي جملت اقوال
واكتبك انا بالشعر ياذا الحسينا

ياعينه الحوراء على حبت الخال
والخاتم اللي في اصبعه باليمينا

يابو عيونن حور والرمش ميال
لا ارخت هدبها زلزلت شبه سينا

ستين يوم وباقي العهد مازال
ويابو عيونن حور ردي علينا

جمعت قلبي والقلم والدفاتر
وقعدت أراجع ماضي الوقت بسكات


ياوقت كم لي في بلاويك صابر
مالي جدى غير البكا والتشمات


لي قصتن تشكي عليك المأثر
تشكي لشكيب اللي حصل والذي فات


واللي حصل لي وليفن يكابر
حط الوفاء الحب بين الملذات


واليوم اشوفه عن حياتي يسافر
يتبع طيور الحب من وين ماجات


من يوم حطت كابها والمناظر
وقالت فمان الله من دون ونات


قالت وداع وقلت يعني مغادر
قالت بغادر يم دران بعيدات


قلت السفر يجني علي المخاطر
غير التعب يابنت والعشق والذات


يوم اشرت ثم قرقعن البناجر
وصار الحكي مابيننا بالاشارات


ورجعت اجهز حجزها والتذاكر
وقعدت احسب مابقي في الاجازات


ويوم الوداع بصالتن بالمغادر
ماتسمع الا بيينا همس واصوات


ثم التفت وشفتها لي تناظر
نضرت دموع ونضرت لي بريئات


ثم اعلن الكبتن ركوب المسافر
رحلت تبوك مغادرة بين رحلات


واليا وصلتو داركم لا تكابر
دقي علي ولا نتلاقى على الشات


وخلو شكيب اليوم يقرى المحاظر
ويعرف حكايه قصتي والذي فات

قريت لي من فوق هاذيك الأيات
كلمه وكانت فوق هاك القصيده


وعيت تفارقني معا كل الأوقات
وشلون تكتبها بلهجه عنيده


وشلون تكتبها على كيف ماجات
والكل ساكت ماكتب من جديده


يابنت كلمت هاويه فيك بالذات
كلمه غلط هذا كلامي واعيده


يكفي قصايد مدحها والمعانات
والقاف تلعب به على مايريده


وابياتها ياناس بالحيل جزلات
صار الشعر سيد وهي سيد سيده


صارت قصايدها مثيل الجنيهات
والكل يكتبها وضاف برصيده


وياما قرينا من قصايد جديدات
فيها الجزاله والمعاني فريده


راياتها صارت معا كل رايات
ومن علها بأقسى القصايد تبيده


واصبح يجر الصوت ويا الحسوفات
وصار الاهانه والمذله حصيده


هاذيك حوراء رايده بالحكايات
تكتب قصايد تكتب اللي تريده


بنت الرجال اهل الكرم والبطولات
واخت الرجال اهل العقول الفريده


كل العواذل صاحبتهم نميمات
حتى الهبيله بالقصايد تكيده


ماهمها اهل الحكي والأشاعات
لو كان تحكي في غلاف الجريده


ام العيون الحور فيها متاهات
واليا احتمى الموقف وكانت شديده


قالت لنا تقليد حنا وعادات
لو كان يرسل بالرسايل بريده


ياهاويه هذا ختامي للابيات
انتي ملاك الشعر وانتي جديده

قالوا بلنتي والحكم صاح وشفيك
هاذي خشونه ياعتيبي شديده

لاتحسب الجمهور صفق يحيك
هاذا بلنتي وانتبه لا تعيده

قلت اعذره لاعب ويحتاج تكتيك
توه جديد وبادين في جديده

قلت استمع لي يافهد يوم احاكيك
انا عميد الشعر وانته عقيده

ويابو حنس كان اللقب فيه تشكيك
خلك معي وافهم معاني القصيده

لابد ماتارد على العد وارويك
ارويك من شعري ليا قلت عيده

وان كان تبغى المدح ياشيخ بعطيك
وان كان تبغى الذم عددك فقيده

وان كان تبغى بالرثاء دمع يبكيك
تابع قصيدي فالجنود الشهيده

وان كان تبغى بالغزل ليل اسليك
عندي قصايد نازله بالجريده

على وليفن شبك القلب تشبيك
تشبيك حرن في سبوقن عديده

انا بقمي لاهنت والله يحيك
لي لابتن وقت الشدايد عنيده

عدونا نسقيه سم التهاليك
ونذلله تذليل مع سيد سيده

يشهد لنا التاريخ والترك والبيك
والباشه التركي هزمنا عبيده

في معركه ريحان جتنا التباريك
وسط تربه دار البقوم الفريده

وكان اللقب عن جوهر الشعر معميك
انا عميد الشعر وانته عقيده

يمكن أبي الدخان يطلع من الجوف
عشان محد يشوف دخان روحي

أيووه مع ذكرى على جوروج وسوف
وألحان ابو نوره ونززف الجروحي

على حسينن هز قلبي وانا اشوف
وأعلن رحيله يوم قرر يروحي

ويله من الله ليه ماقرر يروووف
على وليفن صايرله ينووحي

ياصاحبي كان الليالي بها خووف
تبنيلك الايام بررج وصرووحي

بنيتلك في قلب عاشق وملهووف
اعلى علم فيه المحبه تلووحي

دام الزهر ميت مع الوقت مقطووف
أبا اقطفه مافيه شك ومزوووحي

وأغير الدخان واخذ دفي دوووف
واخفي عن العذال دخان رووحي