الشمس تطلع لو ظهر دونها غيوم
سبع الأراضي تشرق الشمس فيها

تطلع عليه الشمس من يوم لا يوم
حتى القمر يعكس شعاعه عليها

ماهمني لو قالوا الناس مسموم
سمي يسم قلوب ناسن مابيها

أرقى على روس النوايف ولا الوم
ناسن على مرقاي تشر يديها

الحر حر وماعلى الحر من بوم
يرقى سنود وكل همه يجيها

سلام ياللي تعرف الحق وتقوم
من ينصر المظلوم عاش ولقيها

في هالزمن رجال واحد ومظلوم
قال الحقيقه والحقايق تليها

صكو عليه الباب والشيخ مصدوم
من فعلهم حتى الرجال تحكيها

واقف لحالي والعرب وقفوا قوم
وام الكباير وقفت تشتكيها

صارو لها خدام في زرعت الثوم
واليا ارتخت روس الرجال ارفعيها

ألا أنا جيتك وعندي لك علوم
راسي عنيد وهرجتي محتميها

صدر القصيد اللي حبكته على أووم
وعجز البيوت معجزه فيه أيها

مادمت انا للحق واقف ومدموم
ذيك الليال الماضيه راجعيها

يومك لبستي غير فستانك هدوم
لبستك احلى ثوب ** هل تذكريها ؟؟

لجلك سهرت الليل واعي ولا انوم
وقصة هوانا كلهم عارفيها

دامك مسكت اشراف في داخل الروم
حسره عليك ومنتك مانبيها

مادمني عايش معزز ومحشووم
مارضى الهوان وصورتي طالعيها

تلقين بعيوني شياطين زيزوم
وذيك الرجال بصورتي علميها

براك وينك صدر اليوم مرسوم
وأختم بختمي ثم وقع عليها

خلاص صاير من هوى الزين مهموم
لقيت بنتن ثانيه بهتويها

رحت البحر والناس حولي ملايين
محدن ترى عن موج حبي وحنينه

كلن معا همه يكيل الموازيين
وانا معا همي نجر السفينه

ورحت البحر زعلان في ليل الاثنين
ليله حزينه وتركتني شجينه

ياليلة الاحزان وش فيك تبكين
قالت من الفرقى نذوق الغبينه

قلت الشهر وافق ليوم الثلاثين
شهر رمضان وليل عيد وحزينه

ليلى الفراق اقسى من المر والبين
مثل البصير اللي فقد نور عينه

ومثل اليتيم اللي فقد ناس غالين
اعز مايملك فقد والدينه

قال البحر ليلة فراق المحبين
كانت على امواجي تعدي حسينه

لاكن ليله فرقت بينك وبين
ذيك العيون الناعسات الدفينه

كانت على امواجي تفجر براكين
حتى محيط القاع بيح كنينه

الليله اللي فرقت بين قلبين
تبكي لها كل العقول الرزينه

وشلون مابكي يابحر دمعة العين
يوم العصابه حوطت بالسفينه

واهل اللحى من فوق قارب بلونين
ماشفت لانوره ولا اسمع دنينه

حطو برجليني قيود المساجين
واخذو مفاتيح الذهب والخزينه

ورحنا على القاضي وجبنا البراهين
وشفنا اعترافات العصابه مدينه

واخذو حياتي نور كل المزايين
في سجنهم راحت حياتي رهينه

وياويل من حده زمانه على اثنين
يوم الفراق وحب يسكن جبينه

راحت ولا ادري وين راحت على وين
وحان الفراق اليوم بيني وبينه

وياليتني ماجيت بحر المحبين
ولاذقت لوعاته وذقت الغبينه

اللي دخل قلبي من اوسع شرايينه
انا اشهد انه دخل قلبي وشريانه

مثل السحر يوم تتراقص شياطينه
فرعون خايف عصى موسى وثعبانه

سحار فرعون حيلتهم ثعابينه
وسلط الله على فرعون واعوانه

يوم الملاقى توعد في فراعيينه
وارداهم الله عزيز الجاه سبحانه

ولا مثل يوسف وقصة سكاكينه
قدوا قميصه وصار السجن عنوانه

وحكايته يوم فسر حلم راوينه
وحكايت الدم واكل الذيب واخوانه

والسحر والله ليا دققت في عينه
شفت الطلاسم وشفا العين ذبلانه

والعنق عنق الغزال وعين شاهينه
واحترت انا في شعره وموضة الوانه

واليا زعل قام يعقد لي حجاجينه
لاسلهم بعينه اللي حيل سرحانه

يفز قلبي مثل حر بجناحينه
شاف الحبارى وجهز ريش جنحانه

والسحر مو مشكله لا اثبت براهينه
المشكله يوسفيه مالها خانه

ألا بقلبي لقت حتى بساتينه
تزرع وتجصد عناقيده ورمانه

تضغط على أنتر وتطبع من دواوينه
الات قلبي تسجل بوح قيفانه

ولا قلتلي شوف تركي مع محبينه
ونزل شريطن يغني فيه ديوانه

غنيت مطلع قصيدة حلم راوينه
وببدي أغني لك اول بيت يادانه

واللي دخل قلبي من اقصى شرايينه
انا اشهد انه دخل قلبي وشريانه

القلب كنه يادعج العين تابوت
والحب كنه ميتن وسط جوفه

وينك ثلاث اشهور لاحس لا صوت
وانا بعد فرقاك نلت الحسوفه

كنك بحر حبي وانا كني الحوت
اداعب امواجك وقاعك اطوفه

والبحر الاحمر ماعرف لذة التوت
واللول والمرجان فيه امحذوفه

ياللي هدب عينك من اسحار تاروت
ماترحم اللي لك تثنت كتوفه

عقب الهوى والحب باطراف بيروت
اصبح على حبي يصفق كفوفه

لو كان حبك داخل القلب منحوت
نفسي عزيزة والهوى لاتحوفه

لا تذكر اللي راح لافاتك الفوت
كلن على ماقيل يشكي ضرووفه

ترى انتضار الموت اصعب من الموت
وقلبي طواه الموت وانته تشوفه

ياقلب لاتحزن وانا خابرك طير
هد القفص والعين لد بنظرها

مهما حصل لاتلتفت للمخاسير
ياما خذينا درها من بحرها

ياللي تعدون الذهب والدنانير
قولولها عيني تزايد سهرها

مرات اقول اظروفها والمقادير
عيت عليها ضروفها ونعذرها

اخلق لها الاعذارمن دون تفكير
دام المساء يضوي علينا قمرها

البارحه جاني من العين تحذير
كثر الدموع ونزفها من قهرها

ازريت اكف دموعها بالتفاسير
واثر العيون ازعاجها منتظرها

عز الله اني بعدها ماني بخير
متى يحين عناقها واختبرها

اما نكون بحبنا دايمن غير
ولى تموت ورودها مع زهرها

ودي يكون الطير وسط القفص طير
قدام ينسى دنيته ويهجرها

صدفه تلاقينا بعد غيبت سنين
شميت ريحت عطرها يوم جاني

وحسيت في قلبي وكل الشرايين
شين تقول مثبتن فالمحاني

وساعت تحرك جاوبت دمعت العين
واثره قديم الحب باول زماني

وقمت اتحرى شوفته والحيا شين
ودقت نواقيس الخطر في ثواني

واحترت اميز في جموع المزايين
كني غريقن شاف نور المواني

وقعدت اراجع فلسفت حب الاثنين
واذكر ملامح صورته في كياني

ألا وهمس الصوت يزهم على مين
والصوت اعرفه واحسبنه دعاني

(مشعل تعال) وفز قلبن مسيكين
ولديت يم الصوت واقف مكاني

ويوم التفت ونظرة العين للعين
وكدت ريحت عطرها يوم جاني

ياللي دخلت بعالم الحب والشوق
تاقف على بيبان حبي وتشتاق

وتقول انا دمعي تحدر من الموق
وتخاف من حبن يجي بعده فراق

ان كان قلبك منقطع منه معلوق
قلبي على لاماك يثمر بالاوراق

حتى القصيد اللي حبكته على اووق
أمر عليه وينتهي لك على أأق

لبيه ياللي تنعش القلب ويروق
اثر الغلا بين المواليف ينساق

حتى المشاعر سقتها للغضي سوق
من شان يعرفه قيمته بين الاعماق

وماني من اللي ينوي الغدر والبوق
حبن شربته من شفايفك ترياق

نذرن علي أني لغذيه برفوووق
ونذرن عليك انك تبادله الاشواق

ياجمل صباحاتي معا لحظة شروق
واجمل مسائاتي معا ضم الاحداق

اسمك كتبته داخل القلب بعروق
واكتب ( شموخ ) وحبها ماله فراق

حدك هنا يالمترفه واتركيني
اخطيت في حبك وانا فيك منغش

انا عزيز وكان حبي دفيني
بين الضلوع وفي فوادي ومنخش

صحيح احبك واعرف انك تبيني
واليا زعلتي قلتي لعاشقك كش

ماهيب صعبه كان ودك تجيني
مثل المزارع تنتظر لحظت الرش

الا ليا منك لويتي يميني
اكسر يديك وعضمها صايرن هش

بدري عليك بعالمي تدخليني
انتي ومن ومثلك ابا اقول له أش

اجني ثمر شكون زرعتيه فيني
وجذور حبك نار تالع من القش

واليا انحرقتي لاتقولين ويني
خلي الدموع تغرق الخد والرمش

انسي حياتك والترف واعرفيني
اني على فرقاك ناوي ومنقش

ومع السلامه وارحلي ياسنيني
رحلت قصيده عجزها صايرن أش

ماجيت أدور شهرتي في مشاهير
ولا جيت أدور شهرتي عند جمهور

لو كان يزعل بوش وينادي بليز
ويرسل لنا رايس نبي ندي الدور

شاعر ولي قيمه وعندي جماهير
واسوى من الشعار مليون طابور

شاعر ومن حقي وعندي سكرتير
مطنوخ في شعري ولانيب مغرور

وادمح خطى المخطي ولو صار تقصير
مسكين مايدري وانا اقول معذور

وين الذي يكتب لنا اليوم تقرير
ويفسر اللي صار واصير مسرور

ويعلم العتبان مع حرب ومطير
وكل القبايل تعرف الظلم والجور

وانا احمد الله ماحصلي مخاسير
تشهد لي القلعه وحراست السور

ماهمني حكي النميمه مع الغير
مادام همه ينقل الظلم والزور

شاعر ومتواضع وادور على الخير
وابحث عن الشعار في كل دستور

ولو شهرتي صارت مثل سالم الزير
ابقى انا شاعر ولانيب مغرور

ومادام انا سجلت عند المشاهير
اكيد عبد الله يبا يقول مشهووور