السلام عليكم ورحمة الله وبركاته

أخواني وأخواتي أعضاء المنتدى
أنا عندي مشكله وحبيت تشاركوني وتعطوني رأيكم فيها بكل صراحه
ما أدري وين أطرحها وإن شاء الله أني ما أخطيت بمكانها..

أنا مخطوبة لولد عمي وألحين
كملت خمس سنوات خطبه فقط
بدون ملكة ولا أي شي
أنا محتاره والموضوع شاغل
تفكيري طول وقتي

السنوات إلي طافت كنت أدرس بالجامعه وهذي السنة تخرجت يعني ماعنده عذر ودي أعرف ناوي ع إيش؟
برغم إنه وقت المناسبات
يهديلي ويسأل عني وأعرف
عن طريق خواته
بس ليش مأخر الزواج طول هالفتره؟
والله سرت أنحرج من أي أحد يسألني
متى زواجك؟
ليش طولت فترة خطوبتك؟
طبعا ما أنطق بأي حرف لأن ماعندي جواب!!
حتى أمي وأخواتي يتكلموا ويزيدوا همي هم وأنا ما أبين لهم إني مهتمه بالموضوع وأحاول أنهي أي نقاش يدور حول هذي السالفه لأني أتضايق ومن جواتي محروقه ودايما لمن أفكر بالموضوع يضيق صدري لدرجة إني أبكي ع حالي ليش كذا خمس سنوات خطبة وهو موظف وراتبه زين!!
أحيانا أفكر أسأل وحده من خواته بس طبعا ما أتجرأ لأن هذا الشي عيب وما عندي أي طريقة أعرف وش يفكر به!!

ولعلمكم أنا حسب عاداتنا مابيني وبينه أي إتصال ولا حتى رسائل..

الله يسعدكم أبي مشورتكم في موضوعي وبالذات من أخواني الشباب لأن رأيكم يهمني يمكن من خلال ردودكم أقدر أعرف وش يفكر به !!