يالله دخيلك
يالله دخيلك تفرج لعبد مظلوم
جارت به الدنيا وكثرت همومه
عبد(ن) شكى لك حالته حزن وهموم
ولا شكى للناس كثرة همومه
عبد(ن) عن الزلات ماهو بمعصوم
ونفسه على كثر المعاصي تلومه
يارب وحدك تطعمه لذة النوم
وانت الذي لاشئت تحرمه نومه
ضاقت عليه ديار واشتدت علوم
تلوي ذراع اللي رجل وسط قومه
واليوم ماله في هوى النفس مقسوم
مادام صار الوقت اقوى خصومه
ولا نوى يكتب من الحرف منظوم
لكن حداه الوقت واخفى حلومه
يالله ياللي عالم بكل مكتوم
انت الوحيد اللي يثبت عزومه
تشرح صدر عبد(ن) مقدر ومحشوم
وتكفيه شر اللي يقطع هدومه
وتعطي ردي الحظ بسمة ولو يوم
وتذوقه طعم السعادة بيومه
وتروف باللي للقدر صار محكوم
وحكم القدر محد(ن) بيكره قدومه
يالله دخيلك دام انا عبد مظلوم
ترفق بحال اللي شكى لك همومه

منقول