يا هوى البال وينك ليتك تجاوب صرخة الميت الحي؟

**ـأنآطبعي تسذآ{♥}** · 20-07-2010, 09:58 PM

حنان:ذا شنو يبي بعد أرد ولا لا
حنان:ألو
سعود:هلابالصوت وراعيته
حنان:وبعدين
سعود:ولا أبلين(قبلين)
حنان:الحمدلله شكلك شارب
سعود:لا لحيه ههاي(سعود في هالحظه وهو يقول هالكلام مستغرب من اسلوبه ويحاول يعدله في باقي المكالمه)
حنان وهي منقهره:ياسخفك
سعود حس بنفسه وتدارك الموقف وقال:اسف والله ماكان قصدي أنرفزك قسم بالله اني حبيت اسمع صوتك والله جذبني من اول مكالمه
حنان:اقول هيه انت وش قاعد تقول هذا كلام مايمشي علي شعلابالك صغيره ولامخفه بتلعب بعقلي بهالكلام يابوي إصحى_وتسكر الخط_
هناعادسعود تعلق زياده بحنان لسبب هو يجهله واما عن حنان فماجابت خبره لانها كانت تذاكر وبعد ماخلصت نامت وبكذاماسمحت لها الفرصه انهاتفكر بأي شي
صحت حنان الساعه4الفجر ولقت 21مس كول من سعود وتضايقت منه وفي النفس الوقت خالطهاشي غريب بس ماقدرت تترجم هالشعور ولإنهاماتحب تفكربهالمواضيع خلت هالموضوع بعيد عن تفكيرها_بعدخمس دقايق دق المنبه لإن وقت صلاةالفجر دخل نزلت من سريرها وتوضت وصلت بعدين رجعت عشانحنان:ياربيه هذا مين اللي مسلطه علي ماراح ارد اناتعبانه وبنام_وماردت عليه_
جلست حنان تحاول تنام بس ابدامافيه النوم طارمنها جلست شوي الا ويتصل سعود
ترددت ترد ولا لابس في الاخير ردت

**ـأنآطبعي تسذآ{♥}** · 20-07-2010, 10:00 PM

حنان:الو
سعود:صباح الخير
حنان:ممكن أسألك سؤال؟
سعودقلبه يرقص:تفضلي امري أناكلي تحت امرك_هنا تقاطعه حنان:اقول لايكثر
سعود بعد ماطلعت عيونه مستغرب من كلمتهالانه اذاقال كذاللبنات يردون بأسلوب حلومثلأ:مايامرعليك عدو ومن هالقبيل_بس هذي ردهاغير اخيرا نطق سعود وقال:طيب تفضلي اسألي
حنان:أنت متى تنام؟
سعودوهو مستغرب: ليش هالسؤال؟
حنان:مدري عنك إذا كان من امس بعد صلاة العشا الا هالحين تتصل في كل ساعه بذمتك متى يجي لك وقت تنام فيه؟
سعودعرف انه مزعجها وعشان كذافضل انه يسكت شوي على ماتخلص كلام
حنان:___سكتت بعد
هدوء مر على شفايفهم وسكرهاوقتل الكلمات إللي كانت علا وشك تطلع
في الأخير نطق سعود وقال: إسمعي قسم بالله انك جذبتيني وربي ماكذب عليك ونفسي اتعرف عليك تكفين وافقي صدقيني ماراح تشوفين مني إلاكل خير انت جربي وكلميني والله لأكون صادق معك و وافي تكفين اناماراح ازعجك راح اخليك تفكرين على راحتك يوم يومين بس لاتتأخرين علي يالله السلام عليكم_سعود سكر الخط وكان نفسه يسمع شي قبل لاتسكر بس هي سكرت قبله كان متأمل انهاتقول اي كلمه بس خاب ظنه_
حنان نايمه على سريرها فكرت شوي هذا شنو معنى يبيني اناطيب فيه بنات غيري كثير اخخخ انا شعلي منه الحين اناليش افكر فيه تلقاه ولد مثل الباقي العيال كذابين وماعندهم قلب_
ناظرت الساعه إللي على الطاوله الصغيره القريبه من سريرها وقالت:اوف مافيه وقت انام فيه وإذا نمت ماراح اصحى خلني اجلس اراجع الادب_

الفصل الثالث_
حنان جالسه في السياره إللي توديها المدرسه و مسنده راسهاعلى الدريشه وتفكر في سعود ومحتاره تعلم صديقتهاوتوأم روحهاهاجر
ولا ماتعلمها وقطع حبل افكارهالسواق الهندي وهو يوقف عندباب المدرسه_
أماسعود كان نايم وحاط جنبه جواله على أمل ان حنان تتصل الصباح لإنه ماعرف انها تدرس مع انه كان واضح من صوتها انهاصغيره بس هي كانت تهاوش وتصارخ ولا يقدر يسمع صوتها بهدوء

في المدرسه كانت حنان تراجع لان بعد شوي بتوزع الاستاذه اوراق الامتحان وهي تراجع ترفع عينهاعشان تشوف هاجر وتطالع كيف مستهتره وبايعتهاوتعود تحط عينها على كتابهاعشان تقرأ اي معلومه تفيدها_المهم توزعت الأوراق وحنان وهي تطالع الاستاذه توزع الاوراق على الطالب
توزعت الاوراق وحنان دافنه راسه بين يدينهاوماسكه القلم وتكتب وقفت عند السؤال الأخير وفكرت بس هي اصلا ماقرت هالسؤال لانهاكانت مستبعدته بس الاستاذه جابته وقامت تضرب رجلهابحركه تجيب القلق والتوتر جاهاصوت الاستاذه تقول: حنان بس_حنان وهي ملتفته ع الاستاذه:
فقدت الأمل في انهاتلقى حله إلتفت عشان تنادي الاستاذه تاخذ ورقتهاإلا وعيونهابعيون هاجر راعيةالفزعه هاجر لاحظت ان حنان متضايقه شوي واشرت لهابحركات تقول فيها أنت وش فيك ماحليتي وتحرك يدهاعلى انهاتكتب عشان حنان تفهم عليهاوفجأه طقت رقبتهابيدها لأنهاكانت خلاص بقول لهاجر الحين_ التفتت تدور هاجر بس مالقتهالان هاجر ماتصدق تسمع صوت الجرس الا وتسابق الاستاذه على الباب
طلعت برا الفصل وشافتها مع باقي البنات وراحت وقفت معهم وكان واضح إن في عيونهاكلام_بس هاجر مالاحظت هالشي لانهاكانت تكلم فاطمه إللي مغششتهاوتقول لها:انتي غيري قلمك الجاف اللي يقطع ماعرفت انقش ولاكلمه وتلتفت على ماجده أما انتي خطك ذا الشين_ابي اعرف شلون وراحوا في مكان لحالهم وقبت حنان كل علومهاوهاجر فاتحه فمهامو مستوعبه الكلام بعدماخلصت حنان كلامهاقالت لها:حنان اناخايفه عليك_سكتت شوي_وقالت:مدري والله أنت وش ودك؟
حنان:ودي اجرب
هاجر:خلاص جربي بس لاتصدقين نفسك وتحبينه!
حنان وهاجر:هههههها
المهم مراليوم الدراسي وحنان تعد الدقايق عشان تطلع وتكلم سعود

الفصل الرابع
رجعت للبيت وعلى طول اتصلت بسعود
سعود شاف الرقم وقلبه انقبض عطاهامشغول واتصسل عليها
حنان:الو
سعود:هلاكيفك؟
حنان:الحمدلله
سعود:اناسعودال____ي
عمري23
حنان:اناحنان ال____ي
عمري16
سعود:ياقلبو صغيرونه مره
حنان:لاوالله يا الشايب
سعود:فديتك ياحنو
حنان:___ساكته
سعود:صدقيني ياحنان والله لأحبك بكل مافيني وما تشوفين مني الأ كل خير وهذاوعد مني
حنان:___ساكته
سعود:ياربي من سكوتك تراك والله تذبحيني بصمتك تكلمي
حنان:ماعندي شي اقوله_وش اقول؟
سعود:قولي اي شي
حنان:اي شي
سعود:هههههههاي
سعود:انابقولك عن كل شي
عندي اخوكبير متزوج وخواتي ثنتين متزوجات بعدين اناوراي اخوي بثالث ثانوي _عايشين بالرياض وانابالاحساء عشان شغلي_
_حنان_قالت كل شي_بس ماقالت ان ابوهاوامهامتوفين_
مر الوقت بسرعه_وحست حنان بحاجه غريبه تجذبهالسعود اكثروهو بعد حس انهاصادقه بكل شي كان يتحسس البراءه في صوتها الناعم_مرت المكالمه كلها تعارف ببعضهم_
حنان تقول في نفسها والله انه طيب وحبوب
سعودوهو منسدح على ظهره يالله ياحلو برائتها وكلامهاوسكوتهاغمض عيونه يتخيل شكلهاألاوخويه نويصر داخل عليه يقول:ياماشا الله ياماشا الله نمت يوم اذن_
فتح سعودعيونه وعاد الابتسامه على وجهه
خويه ناصر:ياسلام الاخو مكيف ع الاخر شعندك سعيدان قول
سعود:اناتو عارف بنت
ناصر:طيب مو أول مره تعرف بنت
سعود:لا هذي غير مدري احس اني مرتاح لهاكثير وحبيتهامن اول مكالمه
ناصر:اقول عن الهذرى وخلنا نلحق ع الصلاه
صلوا وجلس سعود واخوياه يتقهون ويسولفون وسعود يفكر وش يسولف عنه_
المهم بعدصلاةالمغرب اتصلت حنان على سعود وطبعا عطاهامشغول واتصل هو عليها
حنان:الو
سعود:هلاوالله حنو كيفك
حنان:الحمدلله بخير أخبارك إنت
سعود:دامك بخيرانابخير
حنان:هاه شنو سويت اليوم
سعود:مثل امس يعني مافيه اي شي جديد سوى حاجه وحده
حنان:وش هي
سعود:اني بديت ارتاح لك ياحنان صدق اني ماكلمتك الا امس بس والله العظيم وربي شاهدعلى كلامي اني من جد ارتحت لك ونفسي نتم مع بعض
حنان:ان شالله
في هالحظه دخلت دلال مرت سالم على حنان وهي بغرفتها
دلال:حنان حبيبتي من قاعده تكلمين
حنان:هاجر
دلال:خلاص اذاخلصتي اطلعي علينابالمجلس من زمان عنك ويمكن نوره تجي بعد
حنان:ان شا الله
طلعت دلال وسكرت الباب

**&لسعه شقاوه&** · 20-07-2010, 11:22 PM

يعطيك العافيه متابعتك

بس ليتك تكبرييييين الخط

**انثى من الخيال** · 20-07-2010, 11:25 PM

يعطيك العافيه استمري
مري على القوانين
https://v.3bir.net/128316/

**ـأنآطبعي تسذآ{♥}** · 21-07-2010, 12:17 AM

حنان:هلاسعود
سعود:اهلين من هذي
حنان:مرت اخوي سالم
سعود:توقعتها الوالده
حنان:لامي وابوي متوفين
سعود:الله يرحمهم انا اسف والله ماكان قصدي
حنان:لا عادي صار لهم 9سنين سعودحس بغصه كان وده يصيح بس مسك نفسه وقال:هاذي الدنياعادي
حنان:ايه صح
سكتوا الاثنين كلهم بعدين قالت حنان:سعود انت وش تشجع؟
سعود مومستوعب السؤال:
هاه وش اشجع؟
حنان:يعني اي نادي مثل الهلال والانديه الثانيه_
سعود عرف ان حنان هلاليه لانهاقالت اسمه بس وقال: اكيدهلالي
حنان:من جد اناهلاليه
سعود:انا احب الهلال واحب اللي يحبونه
حنان:طيب وش اللاعب اللي يعجبك لعبه؟
سعودتورط لان ماله في الكوره اصلانعمه انه يعرف اسماء الانديه
بس اسعفته الذاكره وتذكر مقال مكتوب في وحده من الجرايد عن صفقة نواف التمياط ومقال عن مقارنه بين ماجدعبدالله وسامي الجابر
وقال:اكيدسامي الجابر وبعدين نواف التمياط
حنان:انامت قهر يوم أخذ الشباب الكأس قهروالله انت تابعت المباراه
سعود:ايه تابعتهافيهاظلم الشبابين كسروا سامي الجابر
حنان استغربت لان سامي اصلا ماشارك عشان كذا قالت: طيب وش رايك بلعب مالك معاذ؟
سعود:يوووه هذا لاعب نادر شي لعبه خصوصا لالعب مع ياسرالقحطاني احس انهم ثنائي قوي ماشا الله على الهلال عرفت تختارلاعبينها
حنان:سعود
سعود:سمي
حنان:سمى الله عدوك بسم الله عليك فيك شي اصلا مالك معاذ مو في الهلال في الاهلي وسامي الجابر مالعب في المباراه النهائيه
سعودكأن احد معطيه كف على وجهه:هاه إيه حنان والله احرجتيني الحقيقه انامالي في الكوره
حنان:إيه قول كذامن زمان هههههههههههاي
سعود:هههه ماشا الله عليك مايفوتك شي ههاي
حنان:سعود
سعود:هلا امري
حنان:انت طيب والله قلبي مرتاح لك
سعود:حتى انا والله ياحنان اني من جد احس انك البنت اللي ادورعليها
حنان:___ ساكته
سعود:انابموت من سكوتك تكلمي واللي يرحم والديك
حنان:تكلم إنت قول اي حاجه
سعود:اي حاجه هههههاي
حنان:هههاي
سعود:فديت الضحكه وراعيتها
سعود:حنان ابكلمك بكره ان شا الله الشباب جو
حنان:طيب ان شالله
سعود:تامريني شي حنو
حنان:سلامتك
سعود:تسلمين مع السلامه
حنان:مع السلامه
_الفصل الخامس_
مرت الشهور وحنان تزداد علاقتهابسعود وكل يوم يزود حبهاله وحبه لها
في يوم من الايام تقابلت هاجر وحنان عند المدرسه الخصوصيه وطبعا هاجر على علم بكل شي من المكالمه الاولى
حنان:سعود يقول انه كان يعرف بنات قبلي بس كلهم قطعهم والحين مايكلم الا انا
هاجر:انتي مصدقته يابنت الحلال مافيه ولد الا وله اكثرمن بنت
حنان:لاماظن بس عندي فكره
هاجر:وشي
حنان: اتصلي عليه من جوالك بشوف هو بيعطيك وجه ولا لا
هاجر:هاه لالا خايفه
حنان:تكفين
هاجر:خلاص كم رقمه
المهم اتصلوا عليه مارد
وحنان قلبهايرقص لان سعودفعلأ ماكان يكذب
بس قلبهاوقف يوم شافت سعود يتصل على هاجر
هاجر:اتصل اتصل
حنان:ردي
هاجر:ألو
فهد:هلاوالله
هاجر:معليش شكلي غلطانه
فهد:لاياقلبي مو غلطانه
هاجرمنصدمه وحنان ماتدري ايش يقول لانهم مايقدرون يحطون ع المايك لان فيه بنات في الغرفه الثانيه
هاجر:قلنا لك غلطانه خلصناعاد
وسكرت بوجهه
حنان لاحظت وجهه هاجر المتغير وقالت:هاجروش قال؟

**ـأنآطبعي تسذآ{♥}** · 21-07-2010, 12:20 AM

هاجرقالت كل شي لحنان
حنان تجمعت دموعهافي عيونهالان سعودكان يلعب عليها
بس من قال كذاإللي ردعلى هاجرفهد خوي سعود
سعودكان مخلي جواله يشحن بالصاله ونازل تحت يشتري اغراض للشقه
بعدالمغرب يتصل سعودعلى حنان بس حنان ماترد عليه
بعدين ارسل رساله:حنو وش فيك ردي علي
حنان وهي تقرا هالرساله قلبهايحترق وأرسلت له:
سعود ليه كذا ليه تكذب علي اناكنت صادقه معك ليش تكذب سعود تكفى ارحمني ولا تتصل
سعود قرا الرساله بغى ينجن اتصل كم مره ولا ردت وارسل لها:حنان ردي وفهميني السالفه والله مدري
اتصل بعد كذا وردت عليك
سعود:الوحنان شفيك
حنان وهي تبكي:سعود حرام عليك تعذبني وتلعب علي
سعود:وش السالفه
حنان وصوتهاماعاد يسمع من البكا:ليه تقهرني ليه تسوي كذا سعود انا احبك واغارعليك ليه ماوعدنابعض نكون صادقين في كل شي
سعود:حنان لاترفعين ضغطي وش السالفه
حنان:قالت كل شي لسعود
سعود:قسم بالله ياحنان اني مادري عن السالفه
حنان:سعودتكفى كفايه تعذب قلبي
سعود:حنان بكلمك بعد شوي
حنان على طول سكرت لانها تضايقت منه وحطت في بالها انه يتهرب
طلع سعود على ربعه في الصاله وقال:شباب من اللي كان بالشقه العصر
قالوا فهد لحاله_
نادا فهدللغرفه الثانيه وسأله:فهدانت متصل على احد من جوالي قول الصدق؟
فهدقال كل شي
سعود طيب تعال معي وراحوا لغرفةسعود وناصر
اتصل سعود على حنو
وردت حنان وصوتهاواضح البكا عليه المهم سعود بين لها السالفه وخلى فهد يتكلم معها واعتذر لها بس حنان ما اقتنعت_طلع فهد برا الغرفه
سعود:حنان راضيه علي
حنان مابغت تكبرالسالفه أويمكن انهاحست بصدق سعود وقالت:إيه
سعود:حنان انت تغارين علي
حنان:لو ما أغارعليك مابكيت
سعود:حنان
حنان:عيونها
سعود:دمعك غالي علي ياحنان
حنان:___
سعود:___
مرت لحظةصمت رهيبه
سعود:أحبك ياحنان
غاص قلب حنان بين ضلوعها بدا ينبض بقوه
سعود:وربي ياحنان ان حبك وغلاك يزيد كل لحظه ياحنان
أناأحبك وأموت فيك
حنان قلبهاكل ماله يدخل بين ضلوعها
سعود:حنان انتي تحبيني
بعدفتره قالت حنان:إيه
سعود:قوليهاياحنان
حنان:احبك
سعود:حنان
حنان مستغربه من نطقة سعود لأسمها لان سعود قالها بحزن
سعود:تكفين تكفين الدنيا لاتفرقناياحنان
حنان تجمعت دموعها وحست بحب سعودلهاوجلست تبكي
سعود:حنان
حنان:____تبكي
سعود:تكفين ياحنان لاتعذبيني
حنان:سعودانا احبك ياسعود أحبك تكفى لاتقول هالكلام
سعود:طيب ممكن
حنان:وشو
سعود:ممكن امسح دمعتك
حنان:كيف انت بالاحسا
سعود:هههاعارف ياحنو بس بمسحهاوانا بالاحسا
حنان:طيب ممكن تمسحها
سعود:قربي السماعه من دمعتك
حنان:قربتها
سعود:يالله انا الحين جالس جنبك وحاط ايدي عند دمعتك وجالس امسحها بس خلاص لاعاد اشوف هالدمعه عند عينك
ياحنو يالله عاد اضحكي
حنان:سعودالله لايحرمني منك
سعود:انامن لي غيرك ياحنان
ضحك سعود لانه حس ان حنان ابتسمت واستحت
جت مشاعل وخربت الجو الرومنسي ودخلت على حنان وقالت:حنان وش تبين تعشين
حنان:لامو مشتهيه اكل
مشاعل:اصلا انا الغبيه اللي جايه اسألك انتي من متى تشتهين تاكلين وطلعت بعد ماصكت الباب بقوه
حنان:هلامعليش هذي شعوله
سعود:حنان انتي ليش ماتاكلين
حنان:يوه منك لقطت الكلام وانا اللي احسبك ماتسمع
سعود:حنان لاتغيرين الموضوع انا قلت ليه ماتاكلين
حنان:والله ما اشتهي اكل كثير يعني اكل العصر بس واحس اني شبعانه وماله داعي اتعشى
سعود:طيب لي خاطرعندك
حنان:اكيد
سعود:روحي اكلي حاجه عشان خاطري
حنان:___
سعود:مالي خاطر عندك
حنان:الابس والله مالي نفس
بس خلاص باكل عشان خاطرك بس ياويلك اذا سمنت زين
سعود:لامالي دخل اذا سمنتي حنان:هذي أولها
سعود:ههههه لا انتي اكلي بس
حنان:طيب من عيوني
سعود:تاكلين لي ولك زين
حنان:حرام عليك يالله اكل لي بعداكل لك يوه على هالطريقه ماراح يتم اسبوع الا وانا كبر الباب
سعود:هههههاي
حنان:خلاص اكلمك بعدين تامر على شي قلبي
سعود:من جد اناقلبك
حنان وهي منحرجه:انت مو قلبي بس انت دنيتي كلها
سعود:اذاكنت انابالنسبه لك دنيتك كلها اجل انتي بالنسبه لي شنو_انتي قلبي وعيوني وروحي حياتي وانتي امي وابوي واهلي وزوجتي
أحم أحم ان شالله
حنان:سعود انت احرجتني
سعود:فديتك والله يام عيالي
حنان:سعود وبعدين احرجتني سعود:طيب خلاص اكلمك بعدين يا أم عزوز"اسم ابو سعود"هههه
حنان:اقول مع السلامه
سكرت حنان السماعه ونزلت من سريرهاعشان تطلع بس مرت التسريحه وانهبلت يوم شافت خدودهالهدرجه مستحيه كانت خدودهاحمرامررره
أماسعود كان حاط ايده على قلبه ويشوف كيف ينبض ويقول:يالله ليش قلبي للحين ماهدا اه ياحنان ليتك تشوفين اللي في قلبي لك ليتك تحسين فيه اذاسمعك تضحكين يطيرمن الفرحه وكأن الدنيا إضحكت له_

**ـأنآطبعي تسذآ{♥}** · 21-07-2010, 12:24 AM

الفصل السادس
طلعت حنان من الغرفه ودخلت علامشاعل ودلال وقالت:ابي اكل
مشاعل:اما قبل شوي ما اشتهيتي تاكلين
حنان:طيب غيرت رايي وابي اكل
دلال:طيب امري وش مشتهيه
حنان:اي شي اهم شي اكل
كلت حنان وقعدت معهم الا الساعه10ورجعت لغرفتهالان بكره مدرسه وحصلت رساله من سعود مكتوب فيها:
عمري لو أهديته لك ما أظن تعرف غلاك
والله إني أحبك وأشتري بروحي رضاك
__وأرسلت له:
سعود أوعدني ماتخليني_وارفقت معهاصوت أغنية_أوعدني عني ماتغيب تبقى هناجنبي قريب..الخ الاغنيه
رد سعود عليها:
أوعدك ماتخلى عنك ابد
وببقى احبك للأبد
وإن غبت عنك لاتظن نسيت حبك
وان جا يوم وما سألت
لاتتقول خانني وخان العهد
قول مات وماحبني كثره أحد
أرسلت له:
جاوب بصراحه
1/إذا مت وش راح تسوي؟
2/وش الشي اللي بتندم عليه؟
3/وش الشي اللي بتقوله لي وماقدرت؟
4/وش الموقف الحلو اللي راح تذكره معي؟
__بس سعود ماقراها لانه قفل جواله لان البطاريه فضت
وطلع يشحنه بس لقى الشاحن مع ناصر
انتظرت حنان بس مارد اتصلت لقته مقفل خافت عليه بس طمنهابرساله من جوال ناصر كتب
قلبي يابعد هالناس كلهم ترا جوالي فاضي شحنه وارسلت لك من جوال ناصر
حنان طارت من الفرحه لانها حست ان سعود حاس فيها وعارف انهاتخاف عليه وبينشغل بالهاعليه_نامت وهي تفكر في سعود_
يوم الأحدبالمدرسه تقابلت حنان وهاجر وقالت لهاكل شي ومر اليوم الدراسي زي غيره_
تمت سبعه شهور على علاقة سعود و حنان وهم ماشافوا بعض لانهم مو في نفس المدينه يعني بس صوت إلا إن جا يوم الاربعاءالظهر واتصل سعود على حنان
حنان:هلا
سعود:هلاوالله بأهلي كلهم
اناعندي لك بشاره
حنان:قول وشي
سعود:أول شي وش تعطيني بعدين اقول لك
حنان:امر وش تبي
سعود:ابي بوسه
حنان حمروجها:هاه ليه وش له
سعود:ههههههاي ياعمري عليك تفاجأتي لاياحنو بقولك من غير بوسه ادري فيك منحرجه اناليوم إن شالله بجي للرياض ازور اهلي
حنان:والله من جد
سعود:وأبي أقابلك
حنان:هاه لامدري خايفه
سعود:وش خايفه منه عادي روحي لاي مجمع وارسلي لي رساله تعلميني وينك فيه واجي ونتقابل في مطاعم المجمع ونشوف بعض ونتكلم مع بعض شوي وخلاص وليه تخافين
حنان:مدري ياسعود على العموم بفكر
اتصلت على هاجر وخبرتها
هاجر:لالاصعبه
حنان:صح انهاصعبه بس والله ودي اقابله شرايك بس اقابله بالمجمع ماراح اطلع معه ولا حتى اركب بسيارته
هاجر:بكيفك
سكرت منهاوقررت تقابله
بعد المغرب اتصل عليها وخبرها انه بالرياض بس هي ماقالت له شي بعد ربع ساعه من المكالمه راحت حنان لمجمع____واتصلت على سعود
حنان:سعودممكن اطلب طلب
سعود:جلس يغني اغنية يوسف الشافي(اطلب حياتي وانا بعطيك تستاهل الروح واهديها)_شبيك لبيك سعيدان بين يديك
حنان:صوتك حلو ياسعود
سعود:انتي احلا
حنان:ممكن تجي لمجمع___
سعود:اذا انتي هناك جيت
حنان:ايه اناموجوده
سعود:الحين بس طيران عندك
سكر منها ومر محل هدايا وأخذ لحنان هديه_سلسله فضيه تاخذ العقل وعطر كوكو شانيل ورده حمره مغلفه بشكل جنان وفضيع
أما حنان فماجابت هديه لان سواقهم نمام فماتقدر تمر تشتري هديه بعدين تنزل بها للمجمع
اتصل عليها اول مادخل وعلمته مكانها
هويمشي للمكان وقلبه يدق بسرعه وده انه يركض بسرعه لين يوصل بسرعه
وحنان كانت تحس بخطوات سعود وهو يمشي لها
وصل سعود للمكان_
بس كان فيه بنات كثيرماعرف حنان بأي طاوله وعلى دخلته دخلوا شباب بعد يعني لاهي عرفته ولاهوعرفها

الفصل السابع
اتصل سعود على حنان
سعود:حنو وينك فيه بنات كثير انتي بأي طاوله
حنان:بعدانت اي واحدشوف انا بوقف وارجع اجلس زين
سعود:خلاص يالله وقفي عشان اعرفك
_حنان ماتدري سعود اي واحد منهم المشكله ان الكل معه جواله واكثرمن شخص كان يكلم_
المهم سعود كان قاعديطالع ينتظر حنان توقف
وقفت حنان وقف قلبه معها عرفها رجعت جلست جا سعود يمشي وعينه عليهاوجلس
كانت لابسه عبايةراس بس مخصره وبرقع ومطلعه عيونها
كانت منزله عيونهاوماناظرته
سعود:حنان كيفك
حنان:بخيركيفك انت_ومارفعت عيونها
سعود:حنان ارفعي عيونك طالعيني
رفعت حنان عيونها
سعود فتحت فمه تخبل يوم شاف عيونهاورجعت نزلتها جلس يطالعهاويطالع رموشها قال:فديت العيون
سعود:حنان
حنان:لبيه
سعود:لبى قلبك_طالعيني تكلمي
رفعت حنان عيونها وانهبلت يوم شافته كان أسمر وجهه نحيف مو نحيف مره وعيونه كبيره وخشمه وشفايفه عاديه وشعره شوي طويل كان مشخص وطالع شعره على ياقته سعود ابتسم حنان فتحت فمها انهبلت زياده بعد ماوضحت غمازاته كانت ابتسامته جذابه مره كان مملوح مره بس ماكان جمحنان:ماشالله تجنن
سعود:والله انتي اللي تجنين
سعود إلتفت عشان ياخذ الهديه بس مالقاها
سعود:حنان
حنان:عيونها
سعود:ممكن طلب
حنان:امر
سعود:عازمك على العشا
حنان:لاياسعود
سعود:شوفي نطلع من المجمع وكل واحد بسيارته ونتواعدعند اي مطعم ونتعشى وبعد كذا كل واحديرجع بسيارته
حنان:خلاص بس مانتأخر
طلعوامن المطعم وسعود يمشي بجنب حنان وقلبه طاير من الفرحه وحنان تحس انهابحلم ومصيرمشاعل تجي تصحيهانزلوا وتفرقوا عند البوابه وتواعدوا في احد المطاعم
و صلوا المطعم ونزل سعود معه الهديه بعد ماشاف حنان دخلت ودخلوا في قسم العوائل حنان انتبهت للهديه واسكتت لانهاماجابت له شي

**ـأنآطبعي تسذآ{♥}** · 21-07-2010, 12:25 AM

سعود:هلاحنان تصدقين اني في السياره قاعد احسد سواقكم ياليتني مكانه والله لأحط المرايه عليك واقعد اطالع فيك
حنان:يوه بنسوي حادث
سعود:حنان_شيلي الطرحه عن الوجه الصبوح
حنان:طيب بس اطلع برا
عشان ازين شعري تلقاه الحين محيوس من الطرحه
سعود:خلاص بطلع وستنى تتصلين بس لاتأخرين
طلع سعود وجلست حنان تعدل شكلهابعدين اتصلت على سعود
سعودشاف اسمها(قلبي)على شاشة جواله الاطيران عندها دخل وجلس قدامها
إنصدم يوم شافهاكان متوقعهاحلوه بس مو لهدرجه كانت حلوه مره
جلس يطالعهاوهي منزله راسهاطالع شفايفهاوغمازاتها وبشرتهالبيضا الصافيه وشعرهالاسودالناعم والورده الحمرا اللي فيه سعود تخبل عليها
قال:حنان إنتي حلوة
حنان رفعت راسهاوطالعت سعودوخدودها حمرا:شكرا
سعود:يالله وش تبين تعشين؟
حنان:اي شي
سعود:يعني اقوله عطناإثنين اي شي
حنان:هههههه
سعود:لبى هالضحكه وراعيتها
حنان:___استحت
سعود: فديتك والله
حنان:___خدودهاحمرا بقوه
سعود:خلاص ابطلب انا على ذوقي بس اذاما اعجبك لاتقولين وع مابي بتاكلين غصب
حنان:___
سعود:السكوت علامة الرضا
اطلبوا وتعشوا واخذ سعود الهديه وقدمهالحنان
سعود:هذي هديه مني لك اقبليهاعاد
حنان:ليش ماكان له داعي والله كلفت عليك
سعود:لاوالله وش دعوه
حنان ماكان معهاشي تقدمه لسعودخذت جوالهاوفكت التعليقه حقته اللي كانت عباره عن قلب فضي ياخذالعقل وقالت:سعود اناماجبت شي بس اتمنى انك تقبل هالهديه المتواضعه
سعود:حنان اكبرهديه اني شفتك
حنان:طيب ممكن تاخذهاللذكرى
سعود:طيب
ناظرت سعود نظره غريبه عجز سعود يفسرهانظرتها كانت بريئه وحزينه بس ماعرف شنوسببها
مريوم الخميس والجمعه ورجع سعودللاحساوطبعا حنان مانامت يوم الاربعا الابعد ماقالت لهاجر كل شي
الفصل الثامن_
مر شهرين على أول لقا بينهم
أتصل سعودبعدالعشا على حنان
حنان:نعم
سعود:هلا
حنان:خيروش تبي
سعودخاف انهاتكون مشاعل
وقال:أنتي مين
حنان:اناحنان
سعود:طيب عرفتيني
حنان:إيه عارفتك سعود
سعود:حنان وش فيك
حنان:لاماتدري شوف سعود إللي سويته شي ماقدر اتحمله
سعود:وشو
سكرت بوجهه
رجع يتصل بس ماردت عليه
ارسل رسايل كلها:ردي فهميني وش السالفه
نامت وهي ماردت عليه
أماسعودفكان منشغل باله انا وش سويت_قال بصوت مرتفع:حنان ليش تسوين كذا ليه اناوالله ماسويت شي اه ياقلبي
دخل عليه ناصر إللي لاحظ شكل سعود
ناصر:عسى ماشر شفيك شوي بتبكي
سعودقال كل شي لناصر وجلس يبكي من الالم والقهر
الصبح:صحت حنان ولقت35مس كول من سعودو4رسايل:
1/حنان ردي علي_2/حنان فهميني الموضوع_3/حنان امانه وش فيه
أما الرابعه:
حنان أناتعبان تكفين أنتي وش فيك هنت عليك ياحنان_
قرت الرسايل وطبعامسحتها
وعورها قلبهاكان ودهاتتصل بس تأخرت على المدرسه
المهم مر الوقت بسرعه وحنان طول الحصص تفكر بسعود
سعود مانام طول ليله جالس
يتعذب
طلعت من المدرسه وعلى طول اتصلت على سعود
بس مارد
بعدأقل من20ثانيه اتصل
سعود:الوحنان شفيك ياعمري أناوش خطاي
حنان:للحين ماعرفت
سعود:وشو
حنان:لا والله إحلف انك ماتدري
وش مسوي
سعود:قسم بالله اني مدري
حنان:طيب بقولك
سعود:قولي
حنان:ماخذ قلبي
سعود:حنان هذا مقلب
حنان:مقلب وأنت أكلته هههههههاه
سعود:حنان والله ماطرا على بالي مقلب بس انتي طولتي
حنان:سعود امانه وش سويت
سعودقال كيف كان حاله ليلةأمس
سعود:لاعاد تسوين مقالبك إلاتعذب القلب
حنان:___
سعود:حنان
حنان:هلا
سعود:لا قولي لبيه
حنان:لبيه
سعود:لبى قلبك الله لايحرمني منك ياحياتي
حنان:سعود
سعود:عيونه
حنان:لاتخليني
سعود:سكت شوي_بعدين قال:حنان مادامني حي وعايش فماخليك إلين ربي ياخذ روحي
حنان وهي شوي بتبكي:
لا يومي قبل يومك ان شالله
سعود:جعلني ماجرب فرقاك ياحنان
حنان:يالله إنت امس مانمت يالله اخليك تنام تامر على شي
سعود:حنان
حنان:لبيه
سعود:أحبك موت
حنان قلبهانبض بسرعه
وقالت:حتى أنا
سعود:يالله اكلمك بعدين زين
نامت حنان وصحت الساعه خمس وجلست تذاكرeواتصل سعود وردت عليه بس ماطول معهالانهاقالت له ان عليهاإمتحان طبعا ماسكر الابعد توصيات منهالاتجهدين نفسك لاتشغلين بالك وانتي تذاكرين
مر الليل وسعود ما إتصل ولاحتى ارسل لانه مايبي يشغل حنان_
الفصل التاسع
صحت حنان الصبح وراحت للمدرسه وإمتحنت وحلت زين ومر اليوم الدراسي مثل امس
رجعت وبدلت واول ماحطت راسهاعلى المخده الاوتسمع صياح بالصاله وعجزت تطلع تشوف شاسالفه لان مصير
مشاعل تجيب الخبرلها
دخلت مشاعل على حنان
وهي تبكي
حنان:مشاعل وشفيك تبكين
مشاعل:___تبكي
حنان:مشاعل وشفيك تكفين
مشاعل:سالم ياحنان سالم اخوي مات مات ياحنان
حنان:هاه لاوين يموت انتي صاحيه الحمدلله والشكر
مشاعل:سالم راح ياحنان_وتبكي
حنان عرفت ان الخبر حقيقي وتجمعت دموعهاوسط عيونها
بس مانزلت كأنهامصدومه
قالت:وين دلال
مشاعل:في غرفتها
راحت حنان لغرفةدلال وطقت الباب بس الظاهران دلال ماسمعت صوت الباب يطق
دخلت حنان في شقةدلال وشافت منظرها تقطع قلبها عليها
شافت دلال جالسه وحواليها ملابس سالم تشمهاوتضمها وتبكي وتقول:اه ياسالم ليه رحت وخليتني ياسالم والله بفقدك وراح اشتاق لك ليش رحت ليش من للجين بعدك_هنادموع حنان شلال_
دلال:سالم ليش رحت ليش انامن لي غيرك والله مانساك ياسالم لين ربي ياخذني اه ياسالم بنفقد صوتك وزولك
_ماقدرت حنان تصبر اكثر طلعت من الشقه وقابلتهالجين وهي بوسط المشايه حقتها وبيدهالعبه صغيره تضربها في المشايه يوم شافت عمتهاحنان رفعت يدينها وجلست تضحك حنان ضمت بنت اخوها وجلست تبكي وتقول:لايالجين بتصيرين مثل عمتك يالجين الناس بيطالعونك نظرة يتيمه ناقصه دخل عبدالهادي وطلال ميت من البكا قرب عبدالهادي من حنان وضمهاوجلس يهدي فيها وقال:الصلاه عليه العصر
حنان:لاتكفى ياعبدالهادي لاتدفنونه خلوه عندنا
عشان كل ما إشتقناله نشوفه والله ياعبدالهادي صعبه انا نفقده يعني ماراح نسمع صوته ابدا
عبدالهادي:حنان هذا قدر وخلاص_وين مشاعل؟
حنان:بالغرفه
راح عبدالهادي لمشاعل وهداها وقال ان خاتمته زينه
__سعودكان يتصل على حنان بس ماترد_خاف عليها وجلس يتصل بس ماترد_
صلوا على سالم ناس كثير صغاروكبار وعمال وحريم لان سالم ماكان يأذي احد الكل يحبه_الله يرحمه_
إجتمعوا الناس يعزون وحنان جالسه تبكي دخلت عليهاهاجر رفعت حنان عيونهاوشافت هاجر اللي كانت تركض لحنان وضمتها وجلست تهديها_المهم بعدماخفوا الناس ومابقى الا الاقارب
دخلت عليهم لجين في المشايه وكل وجها تمر لان جمانه بنت نوره مأكلتهاتمر والدبه لجين ماصدقت كان شكلهابرئ مره وهي تضحك كانت تستنى أحد يضحك بوجهابس تلاشت ضحكتهاوعبست وجلست تمسح التمر بملابسها قامت حنان واخذتهاعشان تبدل لهاملابسهاوتغسل وجها
المهم نظفت وجهاودخلت الشقه عشان تبدل ملابس لجين بدلت لهاملابسهاوهي تبكي لانهاتشوف براءة وجه بنت اخوها وضحكتهاوتقول في نفسها:يارب انك ترحمها ولاتعاني اللي عانيته_
جت تطلع التفت على غرفة سالم_دخلتهاوجلست تطالع فيهاوذكرت على بالهاأغنية:الأماكن كلهامشتاقه لك وجلست تشهق وتبكي بقوه
وتقول:ليه ياسالم ليه
(حطوا نفسكم مكانها)
نوره كانت قريبه من شقة سعود فسمعت صياح اختها ودخلت عليهاوجلست تهدي فيها
طلعوا من غرفةسالم وجلست بالمجلس مر الوقت بطيئ_
الساعه9ليلا_دخلت حنان غرفتهاوانسدحت على سريرها
تبكي ماكان احد عندهاكانت تبكي بصوت كانه طالع من بير كان انينهايقطع القلب ويبكي الحجر_وجلست نصف ساعه وهي على هالحال_
خذت جوالهاوشافت57مس كول من سعود أول مامسحت السجل الاوسعود يتصل
كانت حنان الدنياضايقه فيها
ماكان ودهاترد بس شي صاح فيهامن داخل وخلاهاترد
حنان:الو(وهي تبكي)
سعود:حنان وش فيك
حنان:سالم اخوي مات ياسعود مات
سعود:سكت فجأه_انالله واناليه راجعون_عظم الله اجرك
حنان:جزاك الله وماتمت جملتها الاوجلست تصيح
سعود:خلاص ياحنان هذا قدر بسم الله عليك نامي الحين
حنان:والله ماقدرت انام بس جالسه اتذكر سوالفه معي وضحكه وأموت لاتذكرت اني خلاص ماراح اسمع صوته مره ثانيه
سعود:طيب حنان انتي عندك سماعات لجوالك
حنان:ايه ليش
سعود:خلاص حطيها باذانك واسكتي
حنان:طيب_وهي تشهق وتبكي
ركبت حنان السماعه وحطتها باذانيها
سعود:ركبتيها
حنان:ايه
سعود:خلاص حطي الجوال تحت مخدتك وغمضي
حنان:ليش
سعود:سوي اللي قلت لك عليه
سوت حنان اللي طلبه سعود
سعود:أعوذ بالله من الشيطان الرجيم_وبدا يقرأ قران على حنان وحنان ساكته تسمع جلسوا مده طويله
سعود:حنان
حنان نايمه
سعود:نمتي يابعدي
سكر سعود وارسل لها رساله كتب فيها:قلبي اناماسكرت الابعد مانمتي
المهم مرت الايام وسعود على هالحاله يتصل على حنان بس في الليل ويقرا قران ويدعي لسالم وهي بس :امين
مرت سالم خذت اولادها وراحت لأهلهاوحنان كل مالها تعلق بسعود مر شهر على وفاةسالم_كانت حنان جالسه مع طلال ومشاعل بالصاله
كانت حنان معهاكتاب النحو تذاكر فجأه بدت تبكي

**ـأنآطبعي تسذآ{♥}** · 21-07-2010, 12:28 AM

طلال ومشاعل:حنان وشفيك
حنان ضمت الكتاب وجلست تبكي وتقول:اه ياسالم
خذا طلال الكتاب منها ولقا سالم كاتب:حنو حبيبتي ليش ناسيه كتابك بالصاله انالقيته على الطاوله وكتبت فيه واحمدي ربك ان لجين مو عندي ولاكان عطيته اياه وتغرقه لك بالسعابيل
_أخوك ولد أمك وابوك:سلومي_وموقع_
طلال ودموعه على خده: الله يرحمه_تصدقون يابنات انه الوحيد اللي كان يقرا اشعاري ويشجعني بس راح خلاص وش الفايده_جلس يبكي
مشاعل:اه وينك ياسالم ليش رحت وخليتنا ليه ياسالم
طلال:والله مشتاق له موت
والله العظيم نفسي اجلس مع بس دقيقه بس دقيقه_وجلس يبكي_
حنان:كلنافاقدينه ومشتاقين له الله يرحمك ياسالم
مشاعل:الله يرحمه
خيم سكون فضيع عليهم_دق جوال طلال وكان المتصل
عبدالمجيد صديقه يعزمه على عشا _طلع طلال برا البيت
حنان كانت تعبانه ودخلت تنام أمامشاعل فلبست عباتها وطارت لبنات خالتهالانها كلهم متخرجات وبعمرها
صحت حنان بعد المغرب وصلت أتصلت على مشاعل وعرفت انهاعندبنات خالتها
إتصل سعود على حنان
حنان:الو
سعود:هلاوغلاأخبارك
حنان:الحمدلله بخير
سعود:حنو
حنان:لبيه
سعود:لبى قلبك_أنانقلت شغلي للرياض
حنان:والله ياسعود
سعود:والله ياحنان
سكتوا شوي_قال سعود:
حنان قسم بالله اني ماسويت كذا الاعشانك
حنان:ليه
سعود:ابي اصير قريب منك ابي اقابل بيتكم ابي اشوفك وانتي داخله المدرسه ابي تكون عيني عليك دايم ياحياتي
حنان:سعود
سعود:عيونه
حنان:أحبك
سعودوقلبه يدق بقوه:عوديهابصوت اعلى
حنان:أحبك
سعود:اناما أحبك انا والله من حبك احب حتى ثرى الارض اللي تمشين عليه حنان وربي أحبك أحبك ما اقوى فراقك لودقيقه
حنان ساكته
سعود:حنان معي
حنان:لاتخليني ياسعود
سعود:أوعدك ان ابقى معك مستحيل أتخلى عنك
حنان ساكته
سعود:حنان تكفين ياحنان خليني اتكلم يا الله طيب عطيني فرصه اقول كلمه ما عورك حلقك من اول ما اتصلت وانت تتكلمين خلاص عاد
حنان:ههههه
سعود:فديت الضحكه_حنان انتي من جد تراك تذبحيني بسكوتك تكلمي قولي اي كلمه
حنان:اي كلمه
سعود مات من الضحك:حنان انا احبك احبك احبك
وبكره ان شا الله بجي الرياض
حنان:يالله مابي اطول عليك بكره وراك مشوار وابيك تنام زين_وانابعد علي امتحان بكره
سعود:الله يوفقك ياقلبي تامرين شي
حنان:سلامتك
سعود:الله يسلمك مع السلامه
حنان:مع السلامه
الفصل العاشر_
صحت حنان على دق جوالها ارفعته لقت سعود يتصل ردت
حنان:الو
سعود:قوووووووومي يا حنان قوووومي المدددرررسسسه تأخخخرتي قووووومي
حنان تصدع راسهالان صوت سعودكان عالي:سعيدان وعله فقعت اذاني وبعدين تو الساعه
سعود:احسن عشان تقومين_
أمانه حنان ما انفع ساعة خراش
حنان ماتت من الضحك
سعودقلبه يرقص لانه سمعها تضحك من قلب قال:الله لايخليني من هالضحكه

يا هوى البال وينك ليتك تجاوب صرخة الميت الحي؟

يا هوى البال وينك ليتك تجاوب صرخة الميت الحي؟

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget