انستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلى محد عارف راح ترسوا على ايش ؟؟.. إلى مثواه الأخير في قفص النسانيس.. اقصد قفص الزوجية السعيد..

أجمل ما في الخطوبة العزايم الرومانسية.. على أفخم المطاعم و الكافيهات .. واللي عمرك ما راح تشوفيها بعد الزواج .. المهم نصائحي لك عند أي خرجه مع خطيبك .. قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مو من الوسط ولا من الراس زي الخنجر ولا من فوق طبعًا

2- الخبز انتبهيي تفضحينا وتقطعيه بأسنانك.. ولا الرغيف نصين بأيدك وكل نص لقمة وتحشري.. أنتبهي.. الخبز بيتقطع بالسكينة في الصحن.. وبعدين تاخذي لقمة.. لقمة.. بالقوه.. قال يعني نفسك مسدودة.. اضغطي على أعصابك جدا وبعدين لما تروَّحي.. يصير كلي زي ماتبغي ....

3- الشوووربة.. أبوس رجلك.. بند الشوربة هذا مهم جدًا.. الشوربة تتشرب من غير صوت مررررررره.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًا ابغاك تنسى تمامًا.. صحن الشوربه اللي بتشربي منها على طول على فمك في البيت.. وتوسخي نفسك زي العيال الصغار ..
خخخخخخخخخخخخخخخخخخخخخخخخخخخخخخخخخخخخخخخخ
<<<<<<<<<<<<<<<<<<تفكر كل اناس زيها
ههههههههههههههههههههههههههههههههههههه
بالمعلقه وبدون صوت.. حاره و مولعة بعد بدون صوت.. وتسيبي ثلث الصحن على الأقل.. مو تمليه.. عشان تلهطيها لاخر نقطة.....

4- الرز طبعاً .. بيتاكل بالشوكة.. أنتبهي إيدك تتمد على المعلقة.. وتغرفي من صحن الرز وتعبي.. إنتبهي .. الرز بالشوكة.. وكأنك بتبوسيه مو بتاكليه..

5- المكرونة.. الاسباكتي.. بعد بالشوكة.. تتلف على طرف الشوكة.. الى ان تخلص وبعدين تحطيها في فمك من سكات.. مو تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. كيف ..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. ما تقلبي السمكة.. بلا فلح.. شيلي السلسلة بالشوكة والسكينة وحطيها في جنب الصحن وكملي أكل النص الثاني.. وبدل الفيلم الهندي هذا .. نصيحة.. لا تاكلي السمك مررره.. قولي ما احب السمك و ريحي نفسك..

7- الجمبري.. -إذا كنتي عارفاه.. أول ماصحن الجمبري ينزل.. طلي فيه بقرف واحتقار شديدين.. يعني انك طفشانة من كثر أكل الجمبري في بيت ببا.. وأتنهدي بقوه وقولي.. كمان..؟؟؟ وتروحي قاطعة راس الجمبريياية.. بالشوكة.. أنا في عرضك إنسي المصمصة الحين ..

8- البطاطس سواء مسلوقة أو محمرة.. انتبهي تهرسيها وتحطيها ع الرز ..لا..لا...لا...بالشوكة قطعه قطعه وإنت زي ما تكوني راح تبكي من كثر ما البطاطس محزنتك ..

9- الفاكهة.. لو الفاكهة فيها بذر.. طلعيه من فمك بهدووووووء وحطيه في إيدك وهي مقفولة.. وبعدين في طفاية السجاير اللي على الطاوله. أنتبهي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي اكلتيها.. وتقولي له مو معقول.. أنا عمري ما اتفجعت كدا.. أنا يبغالي أسبوع.. ما راح أكل فيه.....

وبعدين تمسكي المنديل اللي دايمًا موجود على الطاوله من غير لزمة.. وتبوسيه.. يعني انك بتمسحي فمك..
وبعدين تستأذني منه لدخول التوليت لإصلاح ماكياجك.. وتدخلي التواليت وتطلعي من شنطة إيديك.. لفة الساندوتشات اللي جايباها معك.. وبالهنا والشفا
هههههههههههههههههههههههههههه
هاه ايش رايكم في الاتكيت ..؟؟؟؟