تويت
اخاف احبك واعشقك ثم ترحل
واعيش بعدك بالندم والحسافه
واخاف احطك في عيوني وتزعل
قبلك سكن بالقلب غيرك وعافه
إجتاحني حبك للاعماق وإحتل
مثل إحتلال الاجنبي للرصافه
إن قلت أسافر ؟ يالغلا قلت لك ضل
لازم نخاف البعد،، لازم نخافه
قالو لي انسى من يعافك.. ترى ذل
قلت المصيبه خاطري مايعافه
حاولت نسيانه ولا طاعني حل
وعزيت حزني في قصيدي وقافه
سألتهم ماجاوبوني عن الخل؟
قالوا سكن ليل الجفاء وإنتصافه
قلت اسمعوا ،، والدمع قدامهم هل
منساه لين الدمع يعلن جفافه
احبه اكثر من حياتي واسأل
وارجع واقول إشجابني في ضفافه
هو ملني .. والجرح حبه ولا مل
يفرح اليا جاء في ضميري وشافه
مهما يعيش الورد لابد يذبل
والغصن يلقى هيبته بإرتجافه
غيمه ومرت ديرتي غاوية ظل
جتني وانا بين الضما والصلافه
اشتاق كثر موادعه يوم يرحل
وانساه كثر مواصله واعترافه
يرضى ويزعل ثم اراضيه وازعل
مليت افسر رغبته وإختلافه
ان قلت قرب موعده هو تمهل
وعمري بسلك العنكبوت إلتفافه
هذي حقيقة من تمنى تأمل
في هالزمن كثر التمني سخافه
بين الرجاء والياس حلمي تأجل
مليت اعيشك يا حياة الكلافه
شفت الوفاء قدام عيني تبدل
حتى ترك طبعه وخلا عفافه
منقووووووووووله
تحياتي
اختكم \ الماسه كويتيه
تعليق