تويت
رد: ديوان الشاعر حمود جلوي
شكرا
الله يعطيك العافية
شكرا
الله يعطيك العافية
-
-
رد: ديوان الشاعر حمود جلوي
الله يعافيكتعليق
-
رد: ديوان الشاعر حمود جلوي
يعطيك الف عافيه
ديوان جميله وقصائد ممتعه
اعجبتني (المقهى الجنوبي , غلا واعجاب , الليل عطري , يوم ميلادي)
وجميعها زينه وعذبه
اهنيك على الطرح الراقي والديوان الممتع والجزل
وبنتظار كل جديد في الديوان الرائع
تقبلي وجودي
طير القوافيتعليق
-
رد: ديوان الشاعر حمود جلوي
قبلك وقلبي ما عرف طاري الخوف
ولا دقت الأحزان في يوم بابي
عايش حياتي لا مشاكل ولا ظروف
مرتاح تمشي دنيتي كيف مابي
واليوم كل هموم خلق الله ضيوف
في داخلي واللي سرابك سرابي
أحسني فوق المعاناة مكتوف
لا قادر أوصل أو أوصل كتابي
ياللي تطالعني بطرف عين وتطوف
للحين عطرك عالق في ثيابي
لا صرت ماتحسب حسابي وانا اشوف
في غيبتي وشلون تحسب حسابي
سنتين وعيون الشعر تنزف حروف
سنتين واللي ما جرابي جرابي
سنتين حتى الشوف ما عاده الشوف
طاغي على سيد حضوري غيابي
ياكثر ما سويت بالناس معروف
وفي طيحتي ماشفت واحد درابي
طوفتها لكنها عيت تطوف
عاتبت لكن منهو يسمع عتابي
أقدر اجيب اقصاه لكن يابو نوف
ما أعرف أحابي كان غيري يحابي
يا صاحب الجرح الجديد الجفا سيوف
ولا ظنتي مثلك يحس بعذابي
لا صرت عايش لا مشاكل ولا ظروف
شاللي يضرك لو يطول غيابي؟؟
تعليق
-
رد: ديوان الشاعر حمود جلوي
من طيب حظك طحتي بأيد رجال
لا شاف عيب انسان غمض عيونه
رجال ماغنى على كل موال
لوخيبت سود الليالي ظنونه
الله عطاه من الخصال أجمل خصال
يبطون فيك الناس مايلحقونه
مايلتفت للشك والقيل والقال
دون الكلام الشين سكر أذونه
رجال لكن عن ثمانين رجال
يضحك وتضحك عالخلايق جنونه
اليا وقف لك وقفته وقفت جبال
واليا قعد شال السما في متونه
واليا تعزوا معرب العم والخال
سالت على روس القبايل مزونه
يابنت ياللي كل مافيك يختال
شوفي مواريه وشوفي طعونه
عزت عليه الحال مايشكي الحال
بكى سواد الليل واضحك سنونه
العام كان بحال واليوم في حال
روس تقوم وروس تطيح دونه
وتأكدي ماكل رجال لاقال
غاب أو حضر بالكايده يذكرونه
غاليك شمس وباقي العالم ظلال
لو غاب لحظه كلهم يذكرونه
ناس رفعها للسما وصارت ابطال
وصاروا على كل اتجاه يجونه
مالوا ولكن الزمن فيه مامال
يعني بصريح القول ناس يبونه
لو خانته نفسه على كسر الانذال
وقت الشدايد عزته ماتخونه
ماعنده أي اشكال لو بعض الاشكال
تاكل معاه وبالظهر يطعنونه
لان الجبال جبال في وجه الاهوال
والحر يبقى حر.. لو يسجنونه
روحي ولو ليل الشقا بناظرك طال
تأكدي انك وحيده بدونه
وياعين عزي دمعك الخير بقبال
وش خانت الرجال تبكي عيونهتعليق
-
رد: ديوان الشاعر حمود جلوي
وجه الشمال
الوقت يركض والليالي برق ولسان المحال
كنا يقول لصاحبك: ماتلحق الحظ لو تطير
والعمر خانته السنين الماضيه قبل الزوال
والخير ماعود على من كان ينتظره بخير
يا ضحكة العمر الشقي وشفيه ليل الهم طال
نامت عيون الناس.. ما نامت عيونك يالخفير
ليه الاجابه كل مانسأل تجي عكس السؤال؟
ليه الكراسي غيرت أهل المبادئ والضمير
يا صاحبي - في هالزمان - المستحى ماله مجال
طالع حواليك وتشوف الناس لو أنك ضرير
تلقى الغني حق الغني وقت الشدايد راس مال
وما يحس في جرح الفقير من البشر غير الفقير
واليا تردى كم واحد واجد اعيال الحلال
ما تاقف الدنيا بجمايلها على كلمة حقير
لا تتهم بعض الرجال ومن حكم بعض الرجال
المسألة يدخل بها حسد وعداوات وضمير
والعاقل اللي ياخذ ويعطي على كل احتمال
والجاهل يروح ويجي داخل قناعاته أسير
لو دارت الدنيا على شرواك ياوجه الشمال
يبقى الكبير بعين صكات الزمن دايم كبير
ذكر يسولف به لسان الصيت كان ولايزال
جاه (الفرزدق) ماهزم بالصوت فقرك (ياجرير)
القمة بعين القوي لو دربها صعب المنال
يشوف عسر دروبها ورد وبساتين وحرير
ولا الضعيف اليا طريت اهوالها بالحال قال
خل الحمول الكايدة ياصاحبي حق البعير
ما يشبه (.....) بعين اللي عشقها أي جمال
غير بعينه وباقي جمال الكون غير (…..)
رجل لو أنك تطلبه يجيب لك راس الثقال
ورجل أبد ماعنده الا كل شي ما يصير
ورجل الا منه حضر ماتشبهه غير الجبال
ورجل الا منك بخنته خاف من صوت الصفير
ورجل يسولف للمبادئ.. للعدالة ..للجمال
ويشعر بتأنيب الضمير وهو ما عنده ضمير
لا تنظر لمنهو وصل للعاليه كل شي نال
(الكاولي) مهما كبر بعيوننا يبقى صغير
ماله ومال أهل المكارم والمضايف والدلال
كلن يعرف أصله الا من ودع السيف الجفير
ما جيت أدور في كمال الخلق لله الكمال
لكني ما أرضى أكون الا على القمة أمير
اما أجي بالصف الاول والا ما فيها مجال
والمركز الثاني بعيني يا زمن مثل الأخير
ناس سوالفها تعدت بالبطولات الخيال
وان جيتهم بالكايدة أطلقهم بهمه كسير
نوخ أركابك كلمة (الصديق) مافيها جدال
يالكذب لو طالت سوالف رحلتك حبلك قصير
سريت رجلي للصعب والحر لا من قال طال
وما اشوف أحد ياقف بعيني غير وجهك ياكبير
سريتها وهالراس مايقبل سوا القمة
اما أصير الكل والا يا عساني ما أصيرتعليق
-
رد: ديوان الشاعر حمود جلوي
الدرب ممشي والهموم إن قاله الله ماتدوم
والناس يابن الناس تعرف منهو حمود جلوي
أطيب من الطيبه مع الطيب بحزات اللزوم
وأقوى من القوة مع اللي يعتقد إنه قوي
ماطاح من راس النصيب إلا قويين العزوم
وإلا الرخوم تشوفهم مانجمهم يوم يهوي
وأنا أعرف اللي يجيبون ويودون العلوم
وأقرا من عيون الأوادم هالقلوب اشتحتوي
أنا خوي اللي إذا ضاقت علي جاب النجوم
وإلا خوي المصلحة والجيب أعده خوي
البارحة يابو علي عيت عيوني لا تنوم
البارحة ذيب الهواجيس يتناخى ويعوي
جتني من علوم الردى من ناس أحشمهم علوم
سويتها لكنها عيت براسي تستوي
البارحة ماطحت لكن حظي عيا لايقوم
البارحة كن الصدر ديوان والضيق بدوي
أرمي ورا ظهري سوالفهم وأعديها وأشوم
ربعي ومن مثلي مع ربعه زللهم يحتوي
بس الزمن يجبرك غير هدومك تفصل هدوم
والفهلوي ودك معاه تصير شخص فهلوي
اللي إلا منه عرض نفسه يلاقي من يسوم
اللي قضى عمره وماله بالطريق الملتوي
اللي على عيوب البشر دايم سواليفه تحوم
واللي تشوفه من معاميل الرزايل مرتوي
وإلا أنا يابو علي ماني من الشر معدوم
وإن كبرت براسي وراسك لأشوي أطلقهم شوي
الأمر لا وصل الكرامة صار عندي محسوم
ولا عاد ينفع بالخواطر لا حبيب ولا خوي
لا العذر ينفع وقتها فينا ولا حب الخشوم
دون الكرامة صاحبي نلوي شواربهم لوي
تتغير الناس وعلاقات المصالح ماتدوم
وابقى انا يابو علي نفسي اناحمود جلويتعليق
تعليق