تويت
قصيدة حب مجنونك
قصيدة حب مجنونك تعال إفهم معانيها
تعال ولاحظ الروعه برسمي روعة فنونك
تعال لعاشق عانى وهو ينظم قوافيها
كتب قصه وسماها قصيدة حب مجنونك
أبعلن حبك العذري على الدنيا وما فيها
أبي من لا يعرفونك هنا فيني يعرفونك
أبي ارسم صورتك لكن ابي اقصر عند تاليها
أبي من دون لا توضح تقاسيمك يشوفونك
وإذا عاجز تسويها لك الله غير أسويها
وأبي العن خامس أسلاف العواذل لو يعذلونك
وأبيك تناظر بعينك على عين تراعيها
أبي من لا مني لأجلك يشوف الموت بعيونك
عيون جيت أكحلها ولكن خايف أعميها
أخاف أزيد في مدحك يغارون ويذمونك
ما دامي معلن حبك أجل لا غرت وشفيها
أغار ونص يا عمري .. أجل وشلون مفتونك
تبي غيري يجي يمك وأنا داري وأعديها
عجزت أتخيل العالم بعد موتي يواسونك
أخاف تتعب لحالك من الدنيا وبلاويها
وأخافك تضعف وتقوى عظام اللي يعادونك
حبيبي .. يا بعد راسي هنا لا بد ننهيها
أبي لامن قروا فكرة حبيبك ما يملونك
تبي بالمسك نختمها .. تبسملي بتاليها
تبسم دامها تمت قصيدة حب مجنونك
قصيدة حب مجنونك تعال إفهم معانيها
منقوووووووووووووووووووول
تعليق