ابيك تفهم شي واحد وترتاح ...
أبيك تفهم شي واحد..
وترتاح

أنا فؤادي..
ما يعرف الخيانة

أنا ..عشقتك صدق..
ماني بمّزاح

لا قلت احبك..
حب.. يجهر بيانه

تبعد..
وتدري خنجر الشوق..
ذبّاح
وأهم شي ..
انك تصون الأمانة

لا تقطع المشتاق...
من عطر
فّواح
صوتك ..
وهمسك..والغلا..
زعفرانه

ترى الوفاء طبعي
مثل برق لا لاح
يمطر عشق سيله..
ويغرق حنانه

أنا رسمتك ..
في مزاهير الألواح
بدرٌ تعلى فوق..
مرفوع شانه

ياللي جبينك في أظلم الليل ..
وضّاح
ممزوج طبعك ..
بالدلع..والميانة

حبك بقلبي ثابت..
ما بعد راح
مزروع في قلبٍ ..
عسير عنانه

يحتاج في وقته مع الهم..
جّراح
ينزع شرايين الحزن..
من كيانه

وجه السعادة
عن سما ارضنا
شاح

لا صرت غايب..
ماللأفراح خانه


مع أطيب تمنياتي لكم
فارسة بجواد أصيل