روحي فمان الله ورعايه الله
مع السلامه رافقتك السلامه

وانا ليا غنا المغني لليلاه
جريت صوتي في طويل العدامه

وغنيت لك ياتل قلبي من اقصاه
ولاحيت مع وجه العصير الحمامه

وضحكت من (دور حبيبك وتلقاه)
القاه عند العرض يوم القيامه

روحي وخلي من نثرني بقاياه
يمضي عليه العمر عامه بعامه

يوم بقايا دمعته في مصلاه
يبقى لها لادور يومه علامه

ويوم بهامه بين راحة شفاياه
من لوعة الفرقا يعضه ندامه

ويوم يفضفض للمكان وزواياه
عن كل شي ولايكمل كلامه

يصيح صيحة من غوالي دناياه
مامنهم اللي جبر الله عظامه

حزنه من اقصى طعنة في حناياه
ماجابته سبابته من بهامه

تمره اغلى الذكريات وتعداه
ويموت بين الكبر والانهزامه

ما في الضلوع الا متاهه ومضماه
ومافي العيون الا زراقة غمامه

رعاه همك لين بيح خفاياه
واصخوخفت روحه وزاد احتدامه

ادنا مايزعل منه وادنات مرضاه
مثل الغرير اللي على اول فطامه

وان هب نسناس الهبوب وتمثناه
في ليل اغوى العاشقين بظلامه

يسري ولا يدري على وين مسراه
ويسرح ورقاد الضحى في منامه

كم لي وانا الوم الزمان بسواياه
ولاحر من جمر العتب والملامه

الا ضروف ترخي امتون و اجباه
تختار معها الذل والا الكرامه

لو انها بالمال والوجه والجاه
كم من سنافي مقامي مقامه

لكنها رحلة ضياع ومعاناه
يقضي بها المغرم بقية غرامه

اللي على ربه مماته ومحياه
وعلى رقبة غاليه ذنبه واثامه

من كثر مايبدي على الناس شكواه
ماعاد ياجد هيبته وحترامه

بحاول انسى ماحصل واتناساه
واظهر من الدنيا برجل العمامه

احتاج وجه بسمته في محياه
حاجة فقير راس ماله حزامه

يقول ياويلي على المال ويلاه
واقول ياويلي على الابتسامه

القصيدة بصوت الشاعر

للاستماع و التحميل

7
7
7

زملائي في بوظبي تبحث عن المليون
وانا ابحث في شط الحزن عن نصفي الثاني

ياكم يومن اروح متعني ولا القى لون
واعود بعد ماتعبني البحث وأضناني

أدور على موطأ قدم فوق هذا الكون
لاجيته وأنا الطفل اليتيم يتبناني

ياربي مدام الناس بالناس مايدرون
لاتتكلني لجهدي وضعفي وحرماني

أحاسيسي بكف المواجع غصن زيتون
ماداني يطرون المفارق ولا أداني

دموع الفقير اللي منع عنه الماعون
وبشاعة يد الإنسان في أخوه الإنساني

وأنا مالي إلا مال حرية المسجون
تحت رحمة الله بين قاضي وسجاني

ضريرن يقديني ضريرن بدون عيون
أضيع الضحى واللي معه كنه إياني

غفيت وتداركني سبات الجفا المجنون
ولافقت من غيبوبتي .. لين صحاني

على فاجعة يوم 12 من شهر كانون
نهارن يحفظ اسمي رباعي وعنواني

على أول طريقن سار به ركبه الميمون
تركني حزين ..وينتظرني من أحزاني

مسايير وضيوفن متى مايجون يجون
وأنا خير من مرني ماتعداني

وهو خنجره راعي مكان ويديه تمون
يقوم ايتخير بين ضلعي وشرياني

عذابي من الدنيا خذيت اوله عربون
وعذاب القبر والاخره مابعد جاني

لكن رحمة الله واسعة ..والحياة ديون
ماتعطي البنادم ضحكة السن مجاني

لاعزت علي بشوف غالي وش المليون
لو يدبلونه عشر مرات ماأغناني

لاصار خلك رفقته ماهي بدوم
ولا يحكم في المحبه ضميره

يقاطعك يومين ويواصلك يوم
من وين مارفرف على الغصن طيره

اركن غلاه وحب غيره من القوم
يمكن ليا حبيت غيره تثييره

مثلا :فكر يجيك النوم تبعد عن النوم
ولايجيك الا تفكر بغيره

يالله ادبر خير ياوالي الخير
يارب الارض ويابديع السماوات

انا قوي وقوتي منك لاغير
لاهي من العزى ولاهي من اللات

عني وزدني من بليغ التعابير
مالا خطر في بال شاعر ولافات

قفر الكلام وغانيات التعابير
اللي تكرمها المسامع بالانصات

منضومة ماهي بصنقل ولا سير
مثل القلايد في رقاب الاميرات

تحطها مع العسل في القوارير
والا بمحفظتك مع الخمس ميات

تزعل جماهير وترضى جماهير
وتبعد مسافات وتدني مسافات

محمومة الافكار حمى الشواعير
اللي قصايدهم بضايع بقالات

اما تسريهم خلا تالي عصير
والا تصبحهم صباح الشريفات

الصدر روضه والصايد نواوير
عامين لاراحت قصيده ولاجات

لين الغلا طرا على الخفجي امير
وتتالت الابيات مع درب الابيات

من لامدح بيض الفعول المشاهير
اللي بطابور المراجل قداوات

حياته وشعر على الاقل تقدير
تحسب مع الحيين بحساب الاموات

لو ايتعذر ماتفيد المعاذير
العذر مره والخطا عشر مرات

فهد فهد وتوقع اسراب واطير
وتشرق صباحات بدال الصباحات

يمد يده المجد قدام ويشير
على شموخ الراسيات الطويلات

اسم ثبت ثقل ومكانة وتاثير
ماهو بلاسم اللي يسد الفراغات

لاولعت نار وزلازل واعاصير
ماهاب راس ينحدر من سلالات

اخوان وعله ناطيحين الطوابير
اللي بماضيهم تطول الشنابات

قومي ولا اكره طارفة حيهم مير
خواتم الامور عند النهايات

الاقشر اللي مايغني له الطير
يحطه الله في نحور العرينات

ترد التفاكير وتعود والتفاكير
على الامير اللي يشيل المهمات

تلمح حجاجينه وتلمح تباشير
حلم النبوه في النفوس الرضيات

الابو قطعان المدايح محادير
تارده ميراد الركاب المحيمات

والجد من فادة جميع التقارير
انه الوكيل المعتمد للبطولات

تلميذ جده ولولد قلبه صغير
والدته امه قبل يلد بسناوات

خافوا من الله يالوجيه المعاثير
لاتذبحوون اوليد ووليد مامات

البارحه والطابع الجملاني
يطغى على الي جالسين وزاني

وانا جنوبي الطباع وصدري
من ضيقته ضاقتبي الاوطاني

ان سقت نفسي يم رغبة غيري
تمردت من شدة العصياني

وان سقت نفسي يم رغبة نفسي
ضحكني من الوقت مابكاني

يبيعني في السوق من يذخرني
سيف متى محتاجني يلقاني

واشبه لشيخ غايرن به حاله
نواضره تقدح كما الصواني

نحرته من سبيع راهي سمعه
شيخ تقل بعصره الشيخاني

شيخ لو اني ماعرف الا وسمه
عن شبه سكان الخليج اغناني

سلمان ابن فراج وارفع صوتي
حتى صداه يخاطب الصقهاني

له فالكرم يمنن عسى يفداها
يمنا فلان الي من ال فلاني

عطيته كنه عطاك وخذها
قيمة نصاب من زكاة الضاني

يشبهله من البدو راعي ذودن
مقهوره من الفرد والحيراني

لاباعها ولاتبدوا منها
يحط الاول في مرقة الثاني

قولوله الدنيا نهار وليله
والحي يمشي مع طريق الفاني

والناس رغم اعدادها المختلفه
وعلى كثر تعدادها السكاني

احدن على مدحه يحايل نفسي
واحدن على مدحه اجر لساني

الدمع يغسلني من ذنوب الهوى يوم البروق
تبرق بقلبي والسحاب تهل عيني ماطره

ياوجد حالي لا انتحى الطاري وانا يمه شفوق
وعرفت كم له مبعدا عني وكم لي ناطره

جريت من حر التواسي والماسي والطروق
صوت ابدوي صاح لبله وجذبتها فاطره

ياقلبي اغرق في سبات الحلم عنه ولاتفوق
الا بعرقاته لياتعاقبت مخاطره

لك صاحب كيته ماتلهي وجرحه مايعوق
وقلبه حصاة من جبال ابها وكفه شاطره

انقدر الله ذات يوم وخانتك بعض الوفوق
واركبت نفسك في القطار وغايتك في القاطره

تقبل الدنيا بما جتبه تروق أو ماتروق
حظك ورزقك عند نشاي السحاب وفاطره

لو أن عيني دمعها مدرار وتحن وتتوق
في ذمتي ذمه ما ابادله الجفا واشاطره

حتى لو انه من يكون ومن سلالات وعروق
اللي ماقدر خاطري مانيب أقدر خاطره

سلام يافيصل وريث المجد من بعد وقبل
تسليمة ماقلتها للناس من بعد وقبل

الا على أمير الجنوب اللي رفع راس الجنوب
أقولها وأعيدها لرضاه وأدبلها دبل

شاعر ولي نضره وأعرف الشعر من يهدى عليه
ماني غبي أقطف من البستان وأزرع في عبل

من يوم بشرني سعد بمقابل الوجه الطليق
كنه يبشر بالفرج رجل رقبته في حبل

فيصل وفيصل كل مالدت عيونك ماتشوف
الا أربع يضفربها طيب ويخطيها خبل

يشيل اسم خالد ومسؤولية أماره عسير
ويحط للشعار مغتره وللخيل أسطبل

ومن غير كونه يحمل الأربع مع الأربع ثلاث
جذع متين وفرع يضلل وعرق ماذبل

حتى البشوت اللي لها هيبه ويكسوها والوقار
لبسه لها يزيدها هيبه ويكسوها نبل

مضفر الجدين محمود السجيه والصفاة
موسوعة تضيف للدنيا خيارات وسبل

اقولك جغرافيا تمشي على هية بشر
من وين ماقامت له العرضه على زير وطبل

يصير في الديره بحر لو كان مافيها بحر
ويصير في الديره جبل لو كان مافيه جبل

من قمح من مدة يديه اللي مثل جود السحاب
ماحط له في المدن بيت وحط له في البر أبل

على ماشفت في الدنيا ماشفت أعجب من الإنسان
مايدري ان العمر يومين والدنيا مهي يومين

خلقها الله على بطئ وتأني وخلقه عجلان
يحسب انه يبي يبقى عليها لين يوم الدين

وهي خيطين:خيط من سراب وخيط من دخان
ولايلحق مداها لو معه غير العمر عمرين

تموج بغيها والظفر منجا والكريم معان
والاحمق لاعطي رزقه كله بيدينه الثنتين

صديقي كن بما حاشت يدك من خيرها قنعان
ولاتنسيك حفظ القرش الابيض للنهار الشين

طليق في فضاها وانت من بين اربعة جدران
ليا صكت عليك الباب من برا تروح منين

تبي تاكل من عظامك وياكل سورها الشيطان
وتقلع جمجمة راسك وتزرعها على رمحين

اخذ من صبرك لنفسك عن اهواها رسن وعنان
واقف في وجهها كنك تخيرها مابين امرين

تجدد واحذف الماضي وراك ورزنم الازمان
وفكر كيف تبدأ مرحلة بعدين من ذالحين

تجد في داخلك زود تغطي به على النقصان
ترا لو زان وجه الادمي ماهوب كله زين

يزينه الحيا لان الحيا شعبه من الايمان
وتطفيه المعاصي والذنوب ورفقة الغاوين

فقيرينقل الكبر وملك كاذب واشيمط زان
ثلاثه مايعاين يمهم ربي بطرفة عين

عيال ادم خليط من الشيم والقبح مهما كان
تحاسنها وتبدو لك بوجه وهي لها وجهين

لو بوسعك تقوم برحلة استكشاف واستبيان
وتحصي من على الدنيا من الحيين والفانيين

لقيت نفوس من فيها حصاة في حدا الغدران
ولاتلقى حصاة فوقها الما الاتحتها الطين

ليا من خلقت انسان مايمنع تموت انسان
على اقل اعتبار يكون لك ميزه عن الباقيين

اشر الخلق خلق موتهم ووجودهم سيان
واخير الخلق خلق في مقابرهم وهم حيين

ياصاحبي بالوصل مبطاك مبطاك

ترا غيابك على غيرك كلافه

ياليتك اتشوفني يوم اتحراك

في موقف جف دمعي من جفافه

أمد كفي لحروة كف يمناك

واردها بالندامه والحسافه

يوم ان ربي عطاني خوف فرقاك

بالعون ماحط في قلبك مخافه

تبيني اموت انا ميت بلياك

العالم اغراب والعيشه كسافه

عليك ياكبر شرهة ضيف دنياك

يوم انك اخطيت في حق الضيافه

حتى عيوني عيوني مملكه ماك

ماخذك في دمعها رحمه ورافه

لو انها ساحل وهذي سواياك

جف البحر من ضفافه لا ضفافه

وش ذنب حلم على جرة مطاياك

شوهت وجهه وعريته عفافه

الشاهد الله وطعناتك هداياك

لاجت مسافه ولاراحت مسافه

هل (اشد الوصل )؟ ولاحاول انساك

محتار بيت الحقيقه والخرافه

لاوالله عسى النسيان يفداك

مابرني بالمرونه واللطافه

اول ضحاياك ايام انا واخر ضحاياك

تمثال عشق على جسر الرصافه

ان عافت الكبد تفاحه ثناياك

لاعلها لا عطوها الما تعافه