تويت
لاتعتذر ماللهجر منك تبرير
بسم الله الرحمن الرحيم000
مساكم؟ورد وصباحكم سكر؛ 000
لا تعتذر ما للهجر منك تبرير
صدك بليا ذنب والله ظليمه
ما صار لي بعدك يفوق أي تصوير
تجددت كل الجروح السليمه
بعدك لعبي هاجسي والتفاكير
وقلب جريح وروح صب مهيمه
ماغير أسلي خاطري بالمشاوير
وأروح وارجع والهواجس مقيمه
يا حبي اللي بين بيض الغنادير
لك في عروش القلب قدر وقيمه
إن كان صدك ماخذك عني الغير
روح لو إن الخساير وخيمه
وإن كانها عني خذتك المقادير
فالعفو عند المقدره فيه شيمه
يا مرحبا والحب كله معاذير
تشفع لك أيام الغرام القديمه
يوم الهوى لا زارني منك عصير
أضم في صدري من أجلك نسيمه
واليوم أصبر خاطر الوجد تصبير
وأقول صدك عقب وصلك جريمه
ولا جاك مني يا هوى البال تقصير
مواقفي وياك والله عظيمه
صخرت لك مشاعر الشوق تصخير
وأمطرتك بحب تقفاه ديمه
وظللتك برمشي وصارت مسافير
يوم الغلا بين النديم ونديمه
واليوم ما تنفع كثير المحاذير
تفاقمت بين النفوس الحشيمه
عسى سنينك روض عشب ونواوير
محد لنفسه يرتضي بالهزيمه
أما تخاويني على الشر والخير
وإلا السلامه منك راس الغنيمه
----------------------------------
ت-ح-ي-ا-ت-ي
منقووول
تعليق