ياوقت وش ذنبي وانا اللي مديت لك ماقلت هات = خسرتني رحلة عمر مارتاح من يتعبها
تعبت واحلامي على باب الامل والامنيات = وأرضى بها وقت الرضى واذا زعلت اذنبها

احيان ياخذني الحزن وتضيق بي لربع جهات = واعاتب حظوظ الزمن واذمها واسبها

ياليل وش حدك على صدري وانا صدري شتات = كنك تناول ضل وع الشقى وتشبها

خليتني ماعاد اميز شالحياة من الممات = ياجعل نفسي ماتحوش الا الرضى من ربها

يابري حالي كل مادنقت وازراني السكات = اجمع هجوس الشعر واشمل بها واجنبها

كثرة سكاكين الجمل وانا اسئل الله الثبات = تخالف أضلوعي سكاكين الجفا وتجبها

ماعادني بياي لامني بغيت النايفات = من عقب مانا لابغيت النايفات اذبها

قولولها قولولها وان عودت مافات فات = اربها لاشافت ديار الحبيب تنبها

وان كانها بطول الغيبه وانا مالي غناة = في ذمتي ان أموت ويمكن موتتي من حبها

كن الزمان يشب في صدري وانا مالي سواة = الا اني اشرع ضلوعي للهبوب تهبها

والغيبه اللي خلت عروقي مثل جف النبات = ياليتها ماتحرق اعصابي ولاتلعبها


اسرح مع نفسي وانادي باسمها وأقول جات = واقول ياقلبي اذا دعت قم لبها

والله لولا الخوف من ربي ومن هرج الشمات = لاحط صورتها على راحت يدي واحبها

واذا بغيت أرجع أيام العمر والذكريات = ابطيت ولساني على عل وعسى واربها

عزي لقلب لابغى يرتاح ماحصل مبات = وعزي لعين لابغت حلوى الكرى ماطبها

كله سبايب جادل ماهي مثل باقي البنات = نذر علي إن أحيا وأموت وأنا أحبها