تويت
احبك يالغلا حبن تعدى عالم المعقول
ومن زود الموده صرت اشك بحبي لذاتي
احبك حب فوق الحب وحتى الشرح معه ايطول
ومن زود الغلا الفت بك اجمل رواياتي
انا لامن ذكرتك صرت ضايع مدر وش اقول
نسيت الناس والدنيا وروحاتي وجياتي
انا من كثر ماحبك اضيع بعالم المجهول
وصرت اول نهاياتي وصرت اول بداياتي
انا دونك بقايا انسان عاش بعالمه مجهول
انادونك غريق اصرخ ومحد سمع استغاثاتي
انا صحراء ومحتاج لسحابك لا بدى بهطول
صدوق الغيث وصلك وانت لي كل اتجاهاتي
احبك حب فوق الوصف وفوق الحب والمعقول
حبيبي انت اجمل حب في شعري وابياتي
تعليق