ح الدمعه ارت



يايمه حارت الدمعه ابكيها وتبكيني

تنسيني ولاتنسى .. الين ابكي انا فيها

يتوه الدمع بجروحي الين ارخي هدب عيني

يسابق نظرتي يجري ولا ادري كيف اخفيها

يجي ظميان للدنيا يجي وده يواسيني

على صوت الونين يضم اهاتي يواسيها

لقيت بضمته جروحي تجدد عمره الشيني

كذا طب الدموع يكون لاضمتك اياديها

الي ياشين طبه ليت طبه مارسى فيني

تزيد القلب اه ثم تشكي قبل انا اشكيها

حنان الدمع يايمه قتلني واتعب سنيني

صديق بغربتي يجرح جروحي مايداويها

حنانك يابعد حالي زرع امال ترويني

تنور جرحي المظلم تعيشني بمانيها

ابسمع صوتك الدافي .. دعا ينبت رياحيني

ابي كفك الى منه لمس روحي يدفيها

يايمه من ورى طول المسافه هاك ضميني

حنانك ياصل لقلبي ورى الدنيا وبلاويها

اله الكون من وصفه وهب لك ازين الزيني

يارحمة صاغها الرحمن وبالاخلاق كاسيها

انا فدو هدب عين فديتك يابعدعيني

فداك الكون والدنيا من اولها لتاليها

عجز حرفي يوصف للبشر شوقي ومافيني

ولكن ربنا عالم بكل نيه وناويها

الى منه سرح بالي معا صوتك يناديني

سمعت الناس من حولي .. عشق مسكين هاويها

يحسبون الهوى صيدي وانا الاهات تكويني

قطعها من نوايا يقطع الامطار طاريها

اناقلبي ينادي امي درى في قربها سنيني

تعيش وتزهر وتحيا وتنور كل لياليها



ان شاء الله تعجبكم
اختكم / المميزه