شخبط شخبيط ..

*** الوسمي *** · 23-01-2012, 10:19 AM

تعال ... تجي نبعد ..
تجي نترك امانينا ورانا ونخلف الموعد
تجي نبسط بساط الدرب
باميال الجفى ونحسب..
كم مره تباعدنا ..وكم مره تواعدنا
وكم مره بدون احساس خدعنا بعضنا وخنا
تعال نعد ..!!
تجي نرحل ..
تجي نرعى البعد ينمو ونترك قربنا ينحل
تجي نسقي الجفى بشعور
ونترك هالوصل يذبل
تجي نقطف ثمار التوت من غصون الحياه ونموت
تجي نقتل
تجي نكذب ..
تجي نصدق مع الكذبه اذا كان الكذب اعذب
وتجي نلعب ..!!
تجي نبني امانينا والاسرع بالهدم يكسب
تجي نرسم حلم هالعمر
سجن وقيود بيدينا
وتجي نهرب
بعدنا للاسف اقسى ..
بعدنا بالهوى مركب ..يدور بالامل مرسى ..
جبرنا الريح لمواكب طريق البعد والتجريح
خدعنا الموج في غفله من الذكرى وسط هالريح
بعدنا للاسف قصه ..
نهايتها بدت لحظه خذت من عمرنا نصه ..
ولسى ..تجي ننسى "(

*** الوسمي *** · 24-01-2012, 10:14 AM

الله يعدي ها اليومين وافتك اوم واشكال
النفسيه الغلط !

كل ما اقول هانت تجي سالفه
تعكر اوم المزاج

لا في الكوره ولا في اي شئ
تدرون احسن مافيها اني صرت عم لعروسه زي القمر

اما الباقي ##### لخبطه

*** الوسمي *** · 24-01-2012, 10:33 AM

صدفه !

مدري وش بلاي اليوم قاعد اتذكر ايام اول
واعيشها بكل دلاختها وحلاوتها !

تو اتذكر اني جيت لها المنتدى صدفه وقادتني الخطوه
على قولتهم ها الكلام يمكن قبل اكثر من خمس سنين

كنت تو اعرف النت والمنتديات كنت ادخل لها
بس اذا بغيت لي موضوع او شئ ع الطاير

ولا عمر جا في بالي اسجل في منتدى عشان اشارك
يعني بجد بجد كنت عابر سبيل

اصلا ساعات اضحك ع العالم اللي مشاركاتهم كثيره
اقول وربي ناس فاضيه لا بدين بها المنتديات

المهم مالكم بطول السالفه اتذكر اول دخول
لي للمنتدى كان في رمضان تخبرون في رمضان الواحد

في الليل يكون فاضي اغلب الوقت دخلت مره
قسم الالعاب قلت ها العالب وش فيها متزاحمه هنا

ايام كانت المشاهدين للقسم يتعدون الميه ساعات
دخلت ولقيت العاب صراحه عجبتني السالفه

تطش لك هرجه عشره يعلقون عليها او يتكلمون فيها
شدتني الهرجه معهم وقمت اخذ وادي

بالكلام بعد كم يوم صرت اشتاق متى ادخل المنتدى

عاد تبون تعرفون الباقي تابعوني
صح لخبطه بس الفاضي يتابع

لي عوده

*** الوسمي *** · 24-01-2012, 01:38 PM

صدفه 2

تعرفت على عالم من جد ينحطون على الجروح
تبرى وربي ساعات يوم كنت ادخل

الضيقه واصل لين باب الشارع حدي
ادخل معهم جو وشوي سوالف بالقسم انسى

وتتغير اموري للاحسن

بس المشكله مو كل الوقت ساعات العكس
تجي وانت فايق لو يطلب منك واحد مليون عطيته وانت تضحك

بكلمتين في نفس المكان تقفل اوم النفسيه
وتصير ودك تكسر الجهاز وتلعن اوم الساعه اللي

خلتك تدخل للنت بذاك اليوم

بس مع كذا والشخبطه اللي تصير تعلقت بالمنتدى
اكثر وكثر !

لين وصلت لمرحله حسيت اني ادمنت
نت ومنتدى عبير !

وقسم الالعاب وشلتي اللي هناك
ولي وقفه طويله شوي مع الشلل اللي تعرفت عليهم

بذيك الفتره بوقف معها شوي
بس مو اليوم يعني تابعوني

لي عوده

v
v

*** الوسمي *** · 25-01-2012, 10:11 AM

! اعلآن !

ح كايه مسويه مسابقه وحركات فوق لا يفوتكم
ترى الشغله فيها جوائز واوسمه

لا ومفاجات هأإأإأإأإذا كبرإأإأإأإأها

يعني لحقو عليهم
واللي لسى ما لحق ترى الباب لسى مفتوح

مسابقة حزر فزر المدونة لمين ؟؟

وناسه لو يقبلون اشارك كان شارك
بس قهر مالنا بالجوائز نصيب مغير

نوزعها

*** الوسمي *** · 28-01-2012, 09:14 AM

صباح الخير لكل العرب
لكل الناس اللي قاعده تتابع ها الشخبطه

تصدقون عاد امس من كثر الهلوسه والنوم
ع الجوع تحلمت ان ها المنتدى

تهكر

بس اشوى ان طلع حلم ولا كان انهبلت

عاد من الفضاوه قعدت اقول لو

الهرجه من جد وربي نكبه وين اشخبط
هنا ع الاقل العالم يعرفوني

يعني محد شارهن علي لو اخبص
واجيب العيد

المهم لاسباب امنيه وازعاجات مالها
داعي ترى قفلت استقبال الرسائل

الخاصه حتى اشعار اخر !

تخبرون الشهره ساعات ماهي زينه
الكل يدور ينشهر على حسابك

واذا ماقدر حط حرته فيك فقلت ليه
اتعب راسي الباب الي يجيك منه ريح سده

وسلامتكم

*** الوسمي *** · 28-01-2012, 09:29 AM

صدفه 3

برجع لايام اول ويازين ايام اول بس نتذكرها
ندخل بجو صراحه حلو الله يذكر العالم اللي عرفتهم

بكل خير ويسعدهم وين ما كانو
المهم تصدقون مدري وين وصلت ذاك اليوم لحظه

بروح اشوف وين وصلت عشان اعرف اكمل
<<<<<< جاري التذكر

تم اكمال استرجاع البيانات بنجاح

المهم مالكم في طولت الهرجه انا بتكلم عن العالم اللي
عرفت اول ما دخلت المنتدى ببدا بواحد وربي

اكثر من اخو تصدقون قبل اعرفه كنت اعرف
المسنجر باسمه بس لكن من عرفته عرفت طريق المسنجر

طاب الخاطر

ها الاسم او النك مستحيل انساه مهما صار الولد
كان اكثر من اخو عرفته بقسم الالعاب على طول دخلت معاه عرض

كنت اذا شفته متصل على طول اسجل دخول
وسوالف الولد خفيف دم يحب التريقه بشكل مو طبيعي مهبل

بنص العالم في المنتدى ماهو مخلي احد في حاله
صدره وسيع ومو اي شئ يزعله

المشكله بعد فتره قصيره مدري وش صار معاه
وصكوه بباند وذيك اول مره كمان اعرف

الباند او ايقاف العضويه من المشاركه
تحمست تخبرون خووي لقيت موضوع زعلان انهم طردوه

منزله واحد رديت وقعدت احش تخبرون كنت
احب المشاكل اول وادور عليها بس ابشركم عقلت ذحين

المهم في ذاك الوقت كانت قوانين المنتدى تمنع
مثل ذيك المواضيع وعاقبونا بخصم عدد

ماهو بسيط من مشاركاتنا وشوي عقلنا المهم بعد فتره رجع
طاب الخاطر بنك ثاني فرحت وربي انه رجع

المشكله ما طول بعد فتره كتب موضوع وودعنا
وهذيك اول مره اعرف واحد ويصير زي اخوي هنا

ويتركنا بموضوع وربي قمه الروعه دورتها بس مالقيتها
كنت ناوي انزله في المدونه اوريكم كيف كان

الله يذكرك بالخير ياطاب الخاطر وين ماكنت
واذا كنت تقرا ها السطور ياليت اسمع عنك شئ

هذا اول شخص عرفته عشان كذا كثرت الهرج عنه

v

v

لي عوده

v

v

*** الوسمي *** · 28-01-2012, 11:51 AM

صدفه 4

بكمل لكم شلتي اول ماعرفت
العبير هم كثار بس يارب منسى احد مع اني

متاكد في ذي الفتره اللي بقى منهم ينعدون ع الاصابع
بعضهم كمل نص دينه وتزوج وبعضهم

شغلتهم الدنيا والدراسه والعالم عن النت وريح
راسه وبعضهم دخل بنكات جديده وما وده الجحلط اللي عرفهم

زمان يعرفونه ههههههههه

المهم طاب الخاطر انتهنا منه لانه الاول ودايم البدايه غير
ذحين بدخل على النصراوي

سطان شمر

هذا كان مشرف قسم الالعاب بذاك الوقت كنت ما اقدر اكلمه
او اتداخل في هرجه هو يتكلم فيها

بس بعد فتره انبرشت معاه تخبرون محدثكم متهور
يعني يومين جس نبض وشهرين انبراشات

سلطان عاد كان غير اخلاق ورومنسي ونصراوي
وراعي سوالف ماتنمل وحبوب

امير الشوق

هذا كمان من المشرفين بذاك الوقت ومن الشله ذيك الايام
اسلوبه زي انكسار نفس الثقه وخفه الدم ومايزعل من احد

الله يذكره بكل خير سمعت انه سوى له منتدى جاتني دعوه
اشارك معهم بس جربت كم يوم ماقدرت افارق

منتدى عبير ورجعت له تخبروني مدمن

فراوله او ستروبري بالانقليش

كان اسمها يعقدني قعد فتره عشان عرفت معنا
كانت بذاك الوقت ثقافتي فرنسيه ماعرف انقليزي هع
هذه بعد من المشرفات بقسم الالعاب بذاك الوقت

عصبيه تزعل بسرعه رسميه ثقيله كاني لا يق
عليها الاشراف لا ومصممه بعد من الدرجه الممتازه

امممم ايه صح

ندووش بالانقليش كمان

هذه مشرفتنا بذاك الوقت بعد ومصممه كمان وخفيفه دم
دايم اذا حبت العيد مع احد من المشرفين القاها تفزع معي

خلصنا من المشرفين باقي الاعضاء
بس على فكره نسيت اقول لكم ترى كل هذولي

شله (2007) يعني الجيل الاول
وحكايتي لسى مطوله

v
v

كالعاده لي عوده

*** الوسمي *** · 28-01-2012, 01:22 PM

صراحه في عالم مدري وش بلاها
مسوين زحمه بخطوط فاضيه يدورون الهوشات

بشموع مصديه انحرقت اصايعهم وهم يدورون
المشكله على بالهم بيخربون

ياخي اذ كنت متعقد من شئ لا تحاول
تكره العالم فيك وعلى بالك الناس زي بعض

لا وانا اخوك العالم مي زي بعض دايم في وجهين
لكل شئ !

يعني البطال فيه وكمان الزين موجود بس انت
لا تطل من جهه وحده وتترك الجه الثانيه

وتصير احول وانت مفتح او تستحول
وترى العبط ساعات ما يوصلك لشئ مغير تدوخ راسك

*** الوسمي *** · 29-01-2012, 09:02 AM

هذي مواسم حصادي .. وشوفني ذابل
ما قلت لك: راح تخسر لا تتاجر بي ؟!
عزتني اغلى السنابل في جفا الوابل
واول عجاف السنين / اللي تعذر بي !!

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget