شخبط شخبيط ..

*** الوسمي *** · 22-03-2011, 10:49 AM

ديليت لاغلب اللي مايعجبك هذا احلى شئ
في النت تسوي له ديليت وتريح دماغك

المشكله لا تورطت مع واحد برا النت
كيف تسوي له ديليت مايمديك الى انك تتهور وتذبحه

شكلي بسويها واللي يصير يصير
بس مين يكفلني اذا دخلت التوقيف هاه يالله ترى له
مليون من الديه اللي بدفعها لاهل اللي بذبحه بالمختصر
مافيه شئ بلوشي

واللي بيخدمني من جده بديه صوره للرجال ويذبحه
بدالي والديه من مليون لين خمسه من عندي لا يشيل هم

*** الوسمي *** · 22-03-2011, 10:58 AM

!!

شوف اقرب تكروني مسجل بالمنتدى ويسويها

تعجبني العالم اللي تتفاعل بسرعه

بس المشكله اخاف يقلب علي مالهم امان ها التكرن

*** الوسمي *** · 22-03-2011, 11:05 AM

وانا قاعد احوس بالمدونات لطشت هذه من
مدونه قريبه من هنا لقيت الباب مفتوح ودخلت
العالم مافيه احد صاحي اخذت راحتي ع الاخر

النساء:

أكثر المخلوقات ثرثرة، ومع

ذلك فهن يكتمن نصف ما يعرفن.

انا معاك في الجزء الاول وابصم لك بالعشره

الجزء الثاني لا وربي
فهن نصف ثرثرتهن يتحدثن بما لايعرفن اصلا

*** الوسمي *** · 23-03-2011, 09:28 AM

صباحكم فله اليوم ربوع ونهايه اسبوع كان قصير
واول مره من شهور يعدي اسبوع واحسه عدى بسرعه

بس ياشين الربوع والخميس بدون كوره انعن شكلهم
حقين الدوري السعودي ليه موقفين احس مالها داعي الاجازه بدون

كوره شكلي برص بزراين الحاره واسوي لهم مباره واحكم
واقعد اطق طق عليهم

تدرون شباب مدري التقييم وش فيه صاير عندي يزيد
حبه حبه تقول واحد راص بطريقه حجر حتى المشرفين يوم يقيمون

يادوب يزيد شباب تكفون اللي شايف نفسه فاضي
يقوم يشيل الحجر من الطريق العالم لحقوني وانا تو باول الطريق

*** الوسمي *** · 23-03-2011, 09:47 AM

اكره يوم تخدم العالم في شغلك وتتعب معهم ويوم
يجيك واحد تعرفه معرفه شخصيه يبغى منك خدمه تسعى معاه
بس ماتخلص له شغله وتجرب التمغيط اللي يسويه الموظفين في العالم

هذا ماتخلص اليوم يبيلها مراجعه او جيب باقي الاوراق من
مكتب هندسي او بتروح التوقيع عند المدير
<< هذا عاد عذر يضحكون فيه على المراجعين

ويمغطون فيهم ثلاث اربع ايام

المشكله هذا وانت زميل لاغلبهم يلطعونك زي كذا كيف لو كنت بس مراجع
ماتعرف احد وربي ان يمشي شغلك بطلعة الروح

تدرون عاد لحد يراجع ادارة حكوميه يوم ربوع وربي ماوراه الى التعب
محد يديك وجهه << مجرب وربي

وتوبه اني امغط بمراجع مين ماكان يكون

*** الوسمي *** · 23-03-2011, 09:50 AM

هع اعجبك الحين قيمناك استانس ^ ^[/

قمر القصيم تقول التقييم بفلوس تراه بلوشي يابت

<< امزح وربي مشكوره ويعطيك الف عافيه
ومرورك بحد ذاته يكفي

يالله هذه قمر شالت كم طوبه ساعدوها

*** الوسمي *** · 23-03-2011, 09:56 AM

!! كسره !!

اللي تغلى وعني صد0000ماحنا على رضاه ملزومين
ان كان ماله في ودي ود0000عساه يزعل ليوم الدين

وش رايكم في الذي قلبه0000عصفور مع طفل يلعب فيه
الطفل فرحان يلعبه0000والعصفور خايف انه يشويه

كتبت ذكرى على الساحل0000 بأسم الحبيب الذي قد كان
اكتب واقول يستاهل0000والموج يمسح ويقولي خان

ياعين كفي البكا ياعين0000ماينفع الدمع ياعيني
الدمع لو ينفع الباكين0000كان الملا دوم باكيني

*** الوسمي *** · 23-03-2011, 10:01 AM

ياسيدي شفتك مع غيري000كيف الفرح ينقلب لي هم
ان كنت ناوي بتدميري000مبغى الدواء هات ليا السم

ما عادلي فالهواء والحب000طالع من الحب وش جاني
جيب الدواء ياطبيب وصب000خليني اعيش وحداني

شوف الهوى كيف سوابي000يوم الاماني معي خانت
أشكي على الناس مما بي000والنفس من سبته عانت

*** الوسمي *** · 23-03-2011, 10:08 AM

حبينا بعض ولينا سنين
والحب ياناس ماهو عار

ويوم قلتله ياكحيل العين
طريقنا الشوك والأخطار

وحولنا النار على الجنبين
(انت) بكيفك وش تختار؟

قال لي حنصبر على النارين
نصبر على الشوك والأخطار
حتى نعدي العاصفتين
ونوصل لبر الأمان أحرار

لما أصبحنا في أيدي البين
وصار بيني وبينه أشبار

قطع وادي وخالفني الزين
وحط بيني وبينه ((أسوار))

ودموعي سألت على الخدين
وأصبحت ضحيه لزمن غدار

*** الوسمي *** · 23-03-2011, 10:19 AM

يصعب افكر في غيرك يوم *** مادام في القلب حطيتك
والله لولا الحيا واللوم *** لأظل حارس على بيتك

القلب مصنوع من شاشه *** وكل دقه تأثر فيه
اخاف من ناس غشاشه *** تاخذ حبيبي وتلعب فيه

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget