تويت
يوم حظرت زواج خويي
السلام عليكم..
اول شي قبل نبدأ اللي مايبي يرد ويبي يتفرج حياه الله
ثاني شي اللي بيرد يقول يسلمو يعطيك العافيه اقوله تكفى لاترد وخلك متابع
أنا اليوم بقولكم قصتي...في زواج خويي عبود..
مرة كنت جالس أشوف قناة بسمة مع أخوي يوم جت أنشودتي المفضلة اللي هي: بسمة بسمه كلمه ورسمه..
ما دريت إلا جوالي يزقح...ناظرت جوالي (شبيه الريح) اثر خويي يدق..
- الو..
رديت أنا:
- هلا عبود..غريبة داق وش عندك؟؟
قال:
- افا وش دعوى..
قلت له وأنا اتحلطم عليه لأنك فوت علي أنشودتي المفضلة..
- اخلص وش بغيت؟؟
- اسمع يابراد بسراحه أنا أبي أتزوج..
- طيب أنت وشوله داق؟؟ يعني تبي تخطبني؟؟
- لا يا الدلخ مو هذا قصدي..
- طيب تزوج..
- يا براد أنت إلا الان ما فهمت..أنا أبيك تحظر زواجي..
- خلاص وين هو به؟؟
وصف لي المكان وقبل ما يصك قال:
- يا براد ما لاحظت أنك ما باركت لي؟؟
أنا أختبصت لأني ما عندي ما عند جدتي بالأمور هذي
..بس تذكرت وحده..
- مبروك منها المال ومنك العيال..
صكيته وقلبت على قناتي المفضلة روضه..
وفي اليوم المنشود يوم عرس عبود..
لبست وطقيت زيني ومشيت أنا و خويي عصقول..
كان عصقول كاشخ كشخة ما وراه كشخة تقول عرسه على أخت عبود..موب عرس عبود..
وبالسيارة كان عصقول يلقي لي محاضره عن الذوق و الأتكيت..تقول أنا العريسه
وهو أميوقاعد يقول لي أنه لازم تختار المكان المناسب للجلوس..
ويوم وصلنا ودخلنا القاعة قعدت أدور على المكان المناسب للجلوس..لقيت ضالتي>
>مسوي حكيموجلست..
تفاجئت عصقول يدخل وجهه منقلب احمر و جاي لمي..
قومني من الكرسي وقال:
- قم يا ولد فشلتنا..
الحين صرت ولد هاه هين- لا تحاول تاخذ المكان المناسب مني..
قالي وهو صاير طماطه من الحياء(وش تصير العريسه اجل؟؟)
قال:
- قم الله ياخذك ذا كرسي العريس..
أنا ما حركت ساكن:
- يمون عبود يمون..
- قم الله ياخذك وسحبني لما أخر القاعة(تقول أم تسحب ولده كاسر المزهرية)
وقعدن بمكان نائي>
>أحلى يا لغة عربيه..المهم قال:
- أنسى المكان المناسب أنسى أنت يبيلك تربيط..
قررت أصير مؤدب ولا تحركت من مكاني..
قعد جنبي وأخذتنا السوالف..
ما درينا ألا وهم يدخلون عبود..
كاشخ وطاق ذاك البشت ما تصدق أن الفراش اللي على اليسار بالأستراحه له..
رحنا وسلمنا عليه وقعدت أسولف عليه..المهم أنه قال نكته وأنا عاد قلتله دقه...
تغير وجهه وطردني ذيك الطردة اللي ما تسر لا عدو ولا صديق..
رحت لمكاني وأنا أجر أذيال الفشيله>
>أشوى تعرف الفشيله..ما دريت وعبود قايم من مكانه و رايح للباب أنا قمت وراه..
- على وين..
- خلاص أبروح..
عاد أنا مسوي شهم:
- لا حالف ما تطلع..طيب فنجان بس واحد..
قال:
- أقول أذلف أبروح لمرتي..
قلت:
- إيه قل كذا من أول..
جاء عصقول وسحبن مع ثوبي..
قال:
- الله يفشلك أقعد..
قعدت بمكاني وأنا أرتجف..
عصقول
مسوي لي فلم رعب..شوي اللا الأنوار مطفيه..
أنا قمت أصرخ..
قال:
- أركد يا براد الله يقلعك أركد..
وشوي إلا نور مربع من الجدار..
قلت:
- عصقول وشو ذا؟؟
قال:
- ذا عرض بروجكتر..يعرضون لنا زفة عبود عند الحريم..
عاد أنا استحيت:
- يعرضون لنا الحريم يا خزياه..
ما دريت ألا طلع عبود وبجنبه مره مغطيه..
قلت لعصقول:
- وش هالحركه الجديد بالعرس وأخزياه أنا أذكر أن أعراس الرجال كله عقل وثقل..
قال:
- ذاك زمان راح وهذا زماننا..
قلت:
- لا وراه ما تدعو لقيادة المراءه أزين..
قال:
- أنثبر أقول..
قعد أناظر ذا المعروض ما أدري وش أسمه..
ما دريت إلا عبود يقعد بجنب عريسته..
أنا استحيت وغمضت..
فتحت شوي شوي..
أثر عصقول بعد مغمض..
ناديته:
- عصقول..
قال:
- ها؟
قلت
- خلاص فتح راح..ولعوا الأنوار..
قال:
- أصلن عيوني توجعن مب عشان شي مغمض..
قلت:
- واضح مغمض عيونه توجعه..
قال وهو شكله فشل:
- تمون براد تمون..
يوم ذا قالوا ادخلوا العشاء..
قمت أنا أما عصقول قعد شوي عشان الأتكيت..
يوم دخلت..وأشوف ذيك الطاولة الطوييييييييييييييييييييلة..
مجوع نفسي من الغدىوعليه أنواع البلع..بس استغربت ما حطوا كراسي..
قمت أخذت لي كرسي وحطيته عند الرز..وفسرت كمومي وقمت أكل..
ما دريت إلا الناس يناظرونن تقل ذابح أبوهم..
وأشوف ذيك الناس اللي تدور ومعهم صحون..
ما اهتميت وكملت أكلي..يوم ما بقى إلا حبتين رز بالصحن..سمعت ذيك الشهقة..
التفت أثره عصقول عند الباب..
جاء لمي وقومن..قال:
- قم الله يفشلك هذا بوفيه..
قلت:
- وشلون بوفيه؟؟
قال:
- قم قم الله ياخذك..
قلت:
- لحظه بخلص الصحن.
قال:
- وأنت بقيت فيه شي؟؟
ركبنا بسيارته ومشى..وطول الطريق وهو يهاوش..
بس أنا ما فهت شي إلا أنه حرم يروح عرس معي..
والله ورجعت للبيت وقعدت عند بسمه
مايستفاد,,,
اذا رحت عرس ولا شي خلك عاقل ومؤدب بس مو لذيك الدرجه
اما اذا كان زواج خويك او اخوك فلها وخل الباقيين ع جنب
وسسسسسسسلامتكم
اخوكم//براد بيت
تعليق