تويت
قصيده اعجبتني
وحبيت انكم تستمتعون بكلماتها
يا هلي هذي وصاتي
يا هلي لا تتركوني ..........في لحد قبري وحيد
زوروا قبري واذكروني...........اذكروا ذاك الوليد
لي خذاه الموت فجأة..........في صبا عمره السعيد
يا هلي وين المحاجر ........لي بكتني بالسهيد؟
جاورت بعدي المراود..........ومالفرح تبغي مزيد
يا هلي وين الحبايب..........لي هواهم ما يبيد؟
لي عطوني مالرغايب..........وامنحوني ما أريد؟
واسهرو عيني غصايب...........واوصفوني بالوحيد
لأجلهم ديني ظلمته...........وشوفهم سميته عيد
والعمر لهم رهنته...........وكل قطره في الوريد
يا هلي نسيو ودادي............وانتهى الحب العتيد
وابدلوا حبي سوايه............قبل ما لحمي يبيد
يا هلي سمعو وصاتي.............قبل ما يأتي الوعيد
احذروا يوم المماتي ............واحذروا هوله الشديد
احذروا ترك الفرايض............واحذروا ظلم العبيد
ما نفعني عند ربي.............غير توبة من بعيد
ادمعت عيني بسجدة.............صادقه, والله شهيد
بت ليلي في صلاتي..............أدعو الله المجيد
وانفعتني دعوة أمي.............كل لحظه منها استفيد
وانفعتني بعض الدراهم.............لليتامى بيوم عيد
خففت عني عذابي.............ورحمة المولى تزيد
يا هلي هذي وصاتي............من قراها يستفيد
انشروها في النوادي............ورددوها كالنشيد
منقووله
تحياتي
اختكم \ الماسه كويتيه
تعليق