تويت
السلام عليكم ورحمة الله وبركاته
متواضعه وأتمنى أن تصل ل ذائقتكم الجميلة
يا صغير من على القلب .. ولاك؟
.......... القلب ما يحتاج له حكم وملوك
قلبي وأعرفه زين ماأبغاك ما أبغاك
.......... خلك مع اللي هم يبونك وحبوك
ناس أبد مافكرت يوم وياك
.......... وشلون تبغاهم إذا رحت طروك
ناس تبي منك غرض ثم تنساك
.......... ناس بحسن أخلاقها بحلم غروك
كنت أحسبك صادق بشوقك ومعناك
.......... ودرب الكذب ياصاحبي هم مشوك
ماهي محبه فيك وأن كان شرواك
.......... شمعه تضئ الدرب بالوهم طفوك
بانت لي أعذارك وبانت خطاياك
.......... وإن كان خصك ضر بالشر عموك
نسيت من هو عاش بالحلم رجواك
.......... واللي تبيهم .. ما بيوم ترجوك
علم يصيغ إذنك وفهمه تعداك
.......... أفهم كلامي زين يا فلان سموك
قلب طعنته غدر يا فلان خلاك
.......... أصبر وتسمع علمهم يوم خلوك
وسلامت عيونكم
أخوكم
سعد العتيبي
تعليق