أولا اشكر اخوي ( Twix ) يوم سأل و حسسني انه فيه احد مهتم و يبي يعرف
شلون تتصنع الاكواب اللي يششرب منها
وهذا دليل على حرصه و حبه للتعلم ~ امحق من جنبها

بسم الله نبدأ
زي ما قلت لكم العمليه هذه اسمها التشكيل بالحراره .. و ك مثال بسيط عليهأ ( العاب الرمال حقت الأطفال )

الشئ الرئيسي و الاساسي اللي هو ( القالب = Mold ) و هنا يتخذ البلاستيك الشكل المراد انتاجه
طبعا نستخدم في هالعمليه صفائح بلاستيك عاليه الجوده .. تمر على ( Heater ) عشان تصير ناعمه و قابله للتشكيل بسهوله

اول شئ نبدأ ب القالب




القالب هذا ب cycle ينتج لنا 21 كوب .. و تختلف انواع و احجام القوالب
cycle .. تعني لما يتقفل و ينفتح القالب .. و زي ما انتو شايفين وقت ال cycle في هذا القالب
من 3 الى 4 ثواني .. يتضمن التشكيل و شفط الهواء و التبريد ( شفط الهواء عشان يأخذ المنتج الشكل الصحيح و الكامل للقالب )

و الاهواز اللي باللون الازرق هذه تبع التبريد .. و يتم استخدام ماء لتبريد المنتج ل ياخذ الشكل النهائي



و نجي الحين ل عزل المنتجات اللي فيها عيب مصنعي



هنا اي كوب حجمه غير الحجم القياسي المعروف او فيه عيب مصنعي .. ينزل من هالفتحات
و يرجع و يسوى له اعاده تصنيع ( بتكلم عنها بعدين )


الترتيب



هذه الريش تساعد في ترتيب الاكواب

و بعد كذا ترتب الاكواب تلقائيا و تروح لقسم التغليف اللي يتم يدويا في هذه الماكينه



Skelton or Scrape




هذه صفيحه البلاستيك بعد ما يتم استخدامها في الانتاج
تسمى ( سكيلتون او سكراب )
بعد ما ينتهي البروسس ناخذ السكيلتون و نسوي له اعاده تصنيع ( recycle )

و يتم استخدامه مره اخرى ك مواد خام
و لكن نضيف له 50 % من الماده الخام الاصليه .. ل يعطينا جوده طيبه



اتمنىا انكم استفدتو مو تدربون روسكم و بس :/


الشرح شرحي و حقوقه كامله لي
و اللي يبي يسأل عن اي شئ في البلاستيك احنا حاضرين

موفقين خير