ونقول يــ صباح الخير وسلام عليكم
بدايه صفحه جديده من زمان ماجيت هنا انشغلت او نسيت او تعبت
اختارو لكم اي وحده فيهم لكن عدت ولله الحمد
اليوم ياعندنا ملحمه وقمه من كثر ماهي شاغلتني كل شي ما اردي عنه
ولا اطعم له طعم ابدا
ياخوان نصيحه لحد يتعصب للكوره ترا ماوراها الى التعب
صحيح كل المتعه فيها وفي انتظار المباريات بس لها اوقات وربي تندم انك تتابع كوره
خاصه في المباريات الكبيره منها !!

زي مباراه اليوم مع الطواقي ياويل حالي ويلاه
وبنص نهائي اسيا يعني مباراتين وتاخذ الكاس
وتروح لكاس العالم للانديه
يمين ياهي مباااااراااااه

ياحظ الاتحاديه مريحين رووسهم هالكم سنه من ذا الوشات

الاهلاويه طبعا ما لهم دخل بالسالفه بس لو مهند لعبها عرضيه ذاك اليوم
كان الطواقي برا

وبس

صحيح قبل انسى فيه ضغط على خويكم صاحب ذا المكان
انه يرجع يكتب في المكان الاول ضغط له فتره ومستمر
للان قادر امسك نفسي بس ما اعرف لين متى
دعواتكم اكون قدها واصمل بس كم شهر
لان في راسي شي وودي اسويه
وبس والله سلامتكم

سلام

ونقول صبحكم الله بكل خير .. قبل نهايه الاسبوع
وايوا خلونا نفرح لنا شوي بعد ماعكرت الكوره مزاجنا من فتره
قايل من زمان لحدن يتعصب مع الكوره ماوراها غير القلقان

خلونا نبارك لشيخنا ابو عبدالله الف مبرووك يااحمد اللافي
والله يصلحه ويخليه لكم ويفرح فيه اهله الف مبروك
وربي يجعله من مواليد السعاده يارب ويرزقكم بره وصلاحه

الف مبرووك ياجد جددو شبابك شوي العيال

وعقبال مانبارك للاتحاد الدوري مع انها بعيده شوي
يالله فتكم بعافيه على قولتهم

دعواتكم لنصرنا يرجع نصر هرمنا من اجله الصراحه وما لحقنا شي
سلام

وابتدى اسبوووع الظاهر والله العالم بيكون افضل
بدايته تبشر بالخير من يوم صحيت الصباح والامور كلها تقول صباح الخير
ف السناب ف الواتس وتويتر والان يوم دخلت هنا
الكرم والطيب يستمر ويتمدد الله لا يغير علينا يارب
من اجمل والطف واحلى الاشياء معرفه الناس الطيبين امثالكم
بجد شكر ملاييين

ختامها مسك على قولتهم هنا اسعدني جدا مروركم
دعواتكم وتفائلكم بان بكره بيكون افضل
ويارب اكون عند حسن ظن الكثير وماخيب ظن احد بيوم
وسلامتكم وودت الدخول والشكر فقط هذا اليوم لا اكثر
شكر لاصحاب التقييم والاعجاب هنا اسعدني جدا مروركم
وحمد لله على سلامتكم

ســـــلآم

مسهم بالخير ..
ياخوان البرد يازين بوادره ويازين طاريه ويازين اجوائهم ويازين الليل فيه
الليل من طوله تحس انه يومين مو يوم اللي حنا فيه
الجلسات لها طعم غير بالليل شبه النار السوالف كل شي
فلا تفوتكم جلسات وطلعات هالايام بيندم اللي يفوتها كثير

خلونا نغير القاف

لي يوم وعليها انتظر شي وللان ماجاني خبر .. لحد يقراها باللحن
اليوم ثاني يوم انتظر وللان بجد ماجاني خبر
زاد القلق وزاد التوتر وزادت قله الحيله اي والله

يارب تكون الامور طيبه والاحوال اطيب ذا المهم الباقي يهون
والشرهات تموت بعد مايوصل للواحد خبر

لقافتي ماتنتهي وعجلتي نفس لقافتي ياهي كبيره واحيان متعبه
وتثقل على الناس وانت ماتدري او ما تنتبه هذا اسواء شي يمكن
يصير للواحد في بعض الاحيان !!

على قول واحد فشله

يالله دعواتكم وان الله يطمن بالي ويريحني برد يسر وكذا
سلام

ولرب نازلة يضيق لها الفتى ... وعند الله لها المخرج
ضاقت ولم استحكمها حلقاتها ... فرجت وكنت اظنها لن تفرج

اي والله فرجت او خلونا نقول الشئ الصعب عدى على خير
بقى الاصعب وباذن الله ينتهي على خير !!

هي تقريبا ثلاث مراحل لاي مشكله يمكن تواجهه وكذا

الكشف عنها
الاخبار بها وانتشار خبرها
حلها او علاجها

صدمه في الاولى ورعب في الثانيه تعايش ومعايشه في الاخيره

تدرون المشكله بالضبط !!
احسها فينا نتوقع اشياء سيئة جدا ونرسم في بالنا سناريوات كثيره
للاسف اغلبها ماهو زين مدري ليه دايم نتوقع الاسواء

مانقدم الشي الجيد ونعطي الامور اكثر مما تتحمل ونعرف اننا في الاخير
كلنا تحت مشيئة الله سبحانه وانا نمشي بقضائه وقدره
ليه نعصب الامور ونشيل الهم بزياده والله ما ادري
بس يمكن طبع فينا يالبشر نخاف اكثر من اللازم

ندور شي نلطم عليه اكثر من اننا ندور له حلول وكذا

ادري اتلكم بكلام الغالبيه لو يقرون لين بكره ماراح يفهمون شيء ابد
الخلاصه !

لا تخلون خوفكم يطغى عليكم ولا تنسون اننا مهما نسوي ماراح نكون
ارحم بالله من عباده ف خلونا نوكلها على الله

ونقول يارب كن رحيما بعبادك وانت ارحم الراحمين
وبس والله سلام

حاجه في نفسي وودت ان اكتبها هنا

لاني اكتب وانسى زي ماقلت لكم من زمان واصلا مسمي مدونتي على ذا الشئ
وايوه جاني طقطقه على اسم المدونه من فتره

سلام ..

شاركونا الاجر هناك