السحاب يستنجد بشعراء وشاعرات منتدى عبير

تقليص
X
تقليص
 
  • الصفحة لـ 1
  • الوقت
  • عرض
إلغاء تحديد الكل
مشاركات جديدة
السابق template التالي
  • السحاااااااااااب
    V - I - P
    • May 2008
    • 5254
    •
    #1

    السحاب يستنجد بشعراء وشاعرات منتدى عبير

    اخواني واخواتي من شعراء وشاعرات من اسبوع نزلت قصيده باحدى المنتديات. والمنتدى فيه اصحاب تربطني بهم علاقه قويه. ويعدون من اقاربي.وبيننا أخذوعطاء وجمايل.وبعد نزول هذه القصيده
    الكل بدأ يشك انه هو المقصود بها. وبدأت الإتصالات على الجوال وعلى البيت. ويش سوينا معك يابو سليمان حتى تنزل هذه القصيده.طبعا القصيده عنوانها(ياناكرالمعروف)يعني أسائوا الظن فيني لأنهم لايفهمون بالشعر والمثل يقول اللي ببطنه ريح مايستريح.فقط وحده من بينهم قد تكون تفهم بالشعر لأنها
    تكتب خواطر.وصارت بصف زوجها وحذفت القصيده.قبل ان يفهمونها. وخرجت انا من المنتدى نهاءيا.
    اللي ابيه منكم تحليل القصيده ولو بشئ بسيط بالتلميح لأدلهم على المنتدى ويقرؤا التحليل.صحيح
    انا إذا عتبت على صديق اتعامل معه بالشعر.اليكم القصيده

    (ياناكر المعروف)

    اليوم ماينفع المعروف

    ...................لوباقرب الناس سويته

    مريت انا بقاسيات اظروف

    ......................غلطت انا يوم حكيته

    سمعت بإذني وعيني تشوف

    ...................وشفت الإحراج في بيته

    اليوم بينتم على المكشوف

    .......................نسيتوا كل شي حطيته

    طلع علينا لابس المعطوف

    ...................يقول انا أطعمته وأسقيته

    أحلام بنومي وبوسط الجوف

    .....................إشترت لها إبضاعة ميته

    صارت تشكى من المصروف

    ...........................عجب كل شي خبيته

    العيب فيك يانابيات إردوف

    .................كل ماشفتي واحد قلتي حبيته

    الله رزقك بواحد ملقوف

    ................من يوم إستلمت صكه وضميته

    من ذمتي طلع وماعليه خوف

    .........................وقعت له صكه ومشيته

    هذه القصيده المراد تحليلها ولو بشئ بسيط

    ..........................................................................................................

    وهذه القصيد ردا على إسائتهم بالظن

    أسأتوا الظن فيني وانتم ماعرفتوا ويش هو المضمون

    .........................قصيده قلتها عن واحد يشكي من أصحابه

    إذا قصدك تشوه شعري على هامان يافرعون

    .......................ولا تسألني عن شعري وتقول ماهي أسبابه

    على هونك على هونك ولا تزيد الضنون إضنون

    ................................انا قلبي به إهمومه ولكن الله أدرابه

    الا ياللي تراقبني وشايف مشيتك بالهون

    ....................ترا صعب عليك إتصيد لك أسد من وسط غابه
    الكلمات الدلالية (Tags): لا يوجد
    • [سمتني غلآهآ]
      عـضـو
      • Mar 2010
      • 1
      • [ يمه يايمه وش أسوي أبرضيك //// ودي أسوي شي ماهو بعادي
        برضيك أكثر والعفو كيف أجازيك/// تدللي شوفي سوايا الرمادي
        قولي ونا بالحال أقول لبيك /// قبل الرجل/ يجيك يركض فؤادي         ]
      #2
      الا ياللي تراقبني وشايف مشيتك بالهون


      ....................ترا صعب عليك إتصيد لك أسد من وسط غابه


      روعه البيت هذي عجبني صح لسانك يالسحاب وتقبل مروري

        تعليق

        • السحاااااااااااب
          V - I - P
          • May 2008
          • 5254
          •
          #3
          المشاركة الأصلية بواسطة [سمتني غلاها]
          الا ياللي تراقبني وشايف مشيتك بالهون


          ....................ترا صعب عليك إتصيد لك أسد من وسط غابه


          روعه البيت هذي عجبني صح لسانك يالسحاب وتقبل مروري
          صح بدنك عزيزي الغالي والأروع مرورك بصفحتي تقبل خالص تحياتي وتقديري

            تعليق

            • بيت القصيد
              عـضـو فعال
              • May 2008
              • 65
              •
              #4
              السحاب

              قرات ماذكرته وانا ماني شاعر احلل ماقلته ولكن عندي اخوي شاعر وابعرض عليه القصيده لتحليلها

              وسأوافيك بالتحليل عن قريب لك ودي

                تعليق

                • بيت القصيد
                  عـضـو فعال
                  • May 2008
                  • 65
                  •
                  #5
                  أهلا وسهلا أخوي السحاب

                  انا عرضت القصيد على اخوي وأفادني عن التحليل التالي وهو يقول لي المعنى ببطن الشاعر

                  اخوي السحاب

                  على ماتبين لي من الأبيات الثلاثة الأولى انه وقع حب بين إثنين وبداية الحب لها علاقة بالمعروف او الجميل بين الأثنين على وصف

                  الشاعر، ويرمز الشاعر بالبيت الثاني انه ندم على مافات من حب بعد ماعلم بوجود طرف ثالث بينهما،الى ان ذكر بالبيت الرابع عن

                  إكتشافه للحقيقه ، وربك بالشطر الثاني من البيت الرابع بنكران المعروف،اما البيت الخامس ذكر به الشاعر خروج من كان السبب

                  بابتعادهما عن بعض، وذكر بالبيت السادس أحلامه وما اختارته من حبيب سابق وصفها بالبضاعه الميته، الى ان قال بالبيت السابع

                  شكواها من مصروف الحب وهو الأخلاق وتبادل المشاعر وتعاتبه انه تم تخبئة كل مشاعر الحب، فيرجع الشاعر بالبيت الثامن ويضع

                  اللوم والعتب فيها وانها ضاعت من يده واتجهت الى شخص اخر يصف هذا الشخص بالملقوف في وقت إستلام صك حبه لها،هذا

                  ماورد بالبيت التاسع، ويرجع الشاعر في البيت العاشر والأخير بأنها خرجت من ذمة حبه وان ماعليه خوف حين توقيع صك نهاية الحب

                  السابق والإقلاع عن حبها نهائيا،

                  وكما تعلمون ان الحب له صكوك عند بعض الشعراء أمثال الشاعر الكبير(راشد بن جعيثن) الذي قال في قصيدته عن صكوك الحب.....

                  يامدعي عطني صكوكك واداعيك ،، وش تدعي به وانت خائن وغدار
                  خنت العهد اول وأنا واثق فيك ،، مانيب قانع لاتكثر بالأعذار
                  هذا زمان زل يومني اغليك ،، افرح الى جتني لك علوم وأخبار
                  لا تدعي ماعاد لي رادة فيك ،، عطني صكوك الحب اولع بها نار
                  يومك تلاعب في هوانا بجازيك ،، وأخش ماضينا عن الذكر بستار
                  دور صديق غير يائس يسليك ،، تلقا على طبعك من الناس مكار
                  رح للذي ياصاحب العام مغويك ،، يا مضيع العشرة عرفنك بوار
                  حق على راع الهوى مايحاكيك ،، البعد عن خاين عهود الهوى كار
                  صحيح والله من حكالك حكا فيك ،، وليما بني حب على اساس ينهار

                  وتقبل أخي الشاعر السحاب تحليلي وأخيرا اقول لك المعنى ببطن الشاعر

                  تحياتي للجميع

                    تعليق

                    • طير القوافي
                      V - I - P



                      • Apr 2009
                      • 9205
                      #6
                      السلام عليكم ورحمة الله وبركاته

                      اولا: صح لسانك على القصيدتين الجميلتين
                      ثانيا : المعنى يبرهن القصيده ولو هو مخفي
                      ثالثا : القصيده الاولى متدرجه حول معنى الحب والوفا والخفايا وربما بالانصدام بشخص ما ..

                      والقصيده الثانيه تبين ان سوء الظن حولك وايضا تبين ان هناك من يريد انشار شي يسي لك

                      والاخ بيت القصيد حلل القصيد تحليل جميل لاباس به

                      انا بصراحه يكفيني هذا :..
                      إذا قصدك تشوه شعري على هامان يافرعون

                      .......................ولا تسألني عن شعري وتقول ماهي أسبابه

                      على هونك على هونك ولا تزيد الضنون إضنون

                      ................................انا قلبي به إهمومه ولكن الله أدرابه


                      يوضح ان هناك من يريد اسائة الظن ويحاول يشعل نار بينك وبين الاخرين وذلك بتتبع قصائدك وتفسيرها تفاسير اخرى


                      صح لسانك مدد وبلا عدد
                      والله يسعدك ويقوبك

                      امين


                      خالص ودي ومحبتي
                      تلميذك
                      طير القوافي

                        تعليق

                        • السحاااااااااااب
                          V - I - P
                          • May 2008
                          • 5254
                          •
                          #7
                          أخوي بيت القصيد

                          ماقصرت على التحليل وعرفت تحلل القصيده

                          بيتا تلو الاخر والله يعطيك العافيه تقبل تحياتي

                            تعليق

                            • السحاااااااااااب
                              V - I - P
                              • May 2008
                              • 5254
                              •
                              #8
                              أخوي طير القوافي

                              ماقصرت يالغالي عرفت تجيب

                              مضمون القصيده باختصار وخير

                              الكلام ماقل ودل تقبل تحياتي وتقديري

                                تعليق

                                السابق template التالي

                                google Ad Widget

                                تقليص
                                يعمل...