ربي خلقني - على النيه اضحك بۈجيه عذالي ..

**لاشي يستحق** · 03-04-2017, 10:28 AM

رد: ربي خلقني - على النيه اضحك بۈجيه عذالي ..

mood

يقولكم من حده زمانه على البوح.

قولو الي حده زمانه على الصمت
يخليه يقول ويتجرا على الزمان والبوح
,,,

**لاشي يستحق** · 03-04-2017, 10:41 AM

رد: ربي خلقني - على النيه اضحك بۈجيه عذالي ..

اثاري كلهم ما يسون طلع كل خير ما فيهم
ليلي ما أنمه اليوم بس مهموم
وحيلي بزود السهر والونات ابشرك راح حيلي
,,

**لاشي يستحق** · 03-04-2017, 10:51 AM

رد: ربي خلقني - على النيه اضحك بۈجيه عذالي ..

المهم انا ودي ادون أي شي
بس حبيت اهذري واقول أي شي
علشانهم يقولو هذوليك الي لهم
في علاج النفسيه يقولون
اذ ودك تفرغ الي بخاطرك خذلك قلم ورق
وشخبط وقل الي بنفسك بهذي الورقه
الين ترتاح اهم شي تدندن في الورقه
وتفرغ الي بنفسك,
وانا الحين ادندن على الكيبورد
وقول الي مادري ايش اقوله
اهم شي اطقطق واقول للمدونة
انتي بدال الورقة الي قالو عنها مختصين النفسيين
وعاد بحط حرية مصابعي على الكيبورد
بس اتوقع انهم كذبو علينا لا تغير من النفسيه ولا تعدل المود
شكلها يبيلها فره خارج اسوار الدوام هي الي ترد الروح
ولا اشوف اليوتيوب وركضة الشلهوب ودفاع النصر ينتظرونه
يمرر للمهاجمين

يلا عاد سيذا وخلاص وقف يا عز
والحين
قوووووود بااااااااااي

**لاشي يستحق** · 03-04-2017, 01:20 PM

رد: ربي خلقني - على النيه اضحك بۈجيه عذالي ..

يلا عاد فكرنا وفكرنا ثم نفذنا
ويلا طلعو الي ماقدرتو تطلعونه بالعام

http://sayfrankly.com/@Azooz1405

**لاشي يستحق** · 05-04-2017, 11:07 AM

رد: ربي خلقني - على النيه اضحك بۈجيه عذالي ..

الحين ممكن ينقلب الحب لصداقة,
انا اعرف ان ممكن تكون الصداقة حب
بس ان الحب ينقلب لصداقة

ــــــــــــــــــــــــــــــــــــــــــــــــــــــ

سؤال تم طرحه والردود فيه من الي شاركو
واتحفوني بردودهم بأخذها حبه حبه
وان شالله استفدنا منها جميعا قبل انا استنتجها لنفسي
ابدا من الاخت
تنهيدة
قالت كلام جميل والي طلع معي من نهاية كلامها
انا من صعب تنقلب وتصير المحبة صداقة والاجمل نقلت لنا صورة من تجربه لها
,,
ولقيت أن الحب مبني بقوة على العاطفة ولما انكسر أحد مقومات الحب
لسبب ما وكان السبب مؤثر .. وكان الخدش مؤلم .. استصعبت تحويلها
لصداقة ..
قد نقول هذا راي شخصي لها ولكن مقنع من واقع تجربه لها
ولكن لا تعمم أي كانت لسبب ان الاشخاص قد يكون هناك تفرقه
بين المواقف ولا مانع ان تحول الحب لصداقه ولنفرض ان شخصين بعد فشل
الحب بينهم اجتمعوا بعمل ما او مهما تجبرهم القرب من بعض
هنا هل يتعاملون كا اثنين بينهم علاقة حب او كا زملا عمل او صداقة مكان.
فمن هذا قلت التفرقة بين المواقف والظروف شي جميل جدا..
نشكر اختنا تنهيدة على المشاركة,
نجي للمشارك الثاني بسؤال
حبيبي الزين كله .
(تفر كويس)
الكلام الي يطلع منه على قولتهم يقووطر عسل
ماشالله عليه
بس ما اتوقع وفي الغالب ان نهاية الحب عندنا
كاشعب عربي تنتهي بسلام الا ماشالله
دايم نهاية الحب افلام وحزن وخيانات وقصص من تسمع راويها
وانت تتحسب على الطرف الثاني ,
ولكن الجميل في الكلام والي مقنع ان الحب يكون صداقة
يكون حب من طرف واحد فيرضى ان يكون صديق افضل من يقطع مره
يعني انا احبك بس تعتبرني صديق
هنا اشوف انا أن مافيه حب كامل لن وش فايدة حب من طرف واحد والثاني
معتبرك صديق غير انك تتحسر على نفسك تحت رحمة يارب يحبني ونصير احباب)
اشكرك كل شكر على مشاركة بسؤالي
المشاركة الثالثة من الاخت شهرزاد
والي بقول لكم اذ تبون تشوفون مشاركة روحو لمدونتها وشوفوها
اكثر اجابة دقة حرفيا بسوال
كانت اجابتها بارك الله فيها مختصرة ويمكن هي صادقة فيها وقالت

لذلك كيف الحب يقلب صداقه؟!
الحب

يقلب دقيق يا إخوان بس إنتو تحبون تعقدون الإجابات وكذا

ايه يقلب دقيق بس مثل ماقلتلك على الاجابه هذي
ما اتمنى الا سعادة المديرة تتصل عليك تقول حضري من الاجازه
علشان تعرفين كيف الحب اذ انقلب دقيق يصير خبز يابس

,’

ربي يسعدكم جميعا وان شالله عودا قويه للمشاركة بنقاشات المدونات
ونحرك شي من السكنانا الي حاصله اليوم هنيا
كل التقدير للجميع

**لاشي يستحق** · 06-04-2017, 09:17 AM

رد: ربي خلقني - على النيه اضحك بۈجيه عذالي ..

يؤلمك ضميرك عندما تعترف لها
انك تجاوزت حدودك اتجاهها
,’
ولصبر حدود
!

**لاشي يستحق** · 06-04-2017, 11:38 AM

رد: ربي خلقني - على النيه اضحك بۈجيه عذالي ..

مدخل
ـــــــــــــ
الا يعزي لعيني و عزي لي مية مره.

يتعب المجامل كثير ويتعب الشخص اذ مرر كثير تجاوزات
لي كان السبب عشره او محبه وتقدير للحياة الي بينهم
لكن للانسان حدود مهما طال الصبر لتجاوزات واذ كان ردت الموقف
قويه ولها مردود قوي على الشخص وقتها معاد ينفع الترجي ولا الغفران

.....
تعودت الرضا منه ولا قصر معي مره
وهالمره غلط غلطه ولكني عجزت اغفر
يحز بخاطري اني عطيته قلبي و ضره
على اني ودي اغفر له ولكني عجزت اقدر
تعبت من الجفاء لأني ابيه بخيره و شره
ولكن عزتي ضدي تشوف افعاله بمجهر
رضيت استسلم لعقلي وقلبي ما رضخ مره
يقول ان فازت العزه ترى الفرقاء بعد تقهر
تعودت الرضا منه ولا قصر معي مره
وهالمره غلط غلطه ولكني عجزت اغفر
يحز بخاطري اني عطيته قلبي و ضره
على اني ودي اغفر له ولكني عجزت اقدر
احس اني من الحيرة صغير ماسك جمره
بأكابر و لكني لقيت ان حرقتي اكبر
الا يعزي لعيني و عزي لي مية مره
ما بين احساسي و عقلي كتب لي ربي اتعثر
,,,,

مخرج..........................
رضيت استسلم لعقلي وقلبي مارضخ مره
يقول ان فازت العزه ترى الفرقا بعد تقهر

**لاشي يستحق** · 09-04-2017, 02:57 PM

رد: ربي خلقني - على النيه اضحك بۈجيه عذالي ..

السلام عليكم

وقبل الخروج
من الدوام

اقول ياحلو الكلام وياكثر الاقوال وقلت الافعال,

وان شالله موعدنا بكرا,’
تعليقا

على كثير احداث بالمدونات,’

**لاشي يستحق** · 12-04-2017, 11:05 AM

رد: ربي خلقني - على النيه اضحك بۈجيه عذالي ..

السلام عليكم
واهلا وسهلا بالجميع
الف حمدالله على سلامة اخونا الاطخم الوسمي
الي برجعته له الخافق يهلي
وان شالله معاد يتعودها ويسحب ويغيب
مثل هيك غيبه
تذكرني بغياب فريقه 15 سنه عن بطولات .,

الف حمدالله على السلامه ومنور المنتدى برجعتك يالغالي
وعقبال الجميع المتخفين والمنحاشين ان شالله
,,,
والمهم اجل الحب وما ادراك عن الحب
ياهو أي حب الحين نتكلم عنه
بلا عليكم اجل في احد يحب بسبب ها البيت الشعر الي
قاله اخونا السوداني بيض الله وجهه
ونقله لها واحد من الشهبان لي ام كشة
واخرتها يوم سحب عليها بسبب ماردت عليه

زاتي انا ما قادير اقيف عن حبك ...
....وزاتك انت ما داير تهتم بيهو وزاتي انا برسم ليك خطه بدربك ..
. وزاتك انت لازم تمشي عليهو عليك الله ما تحلف بربك ..
. حبيبك كيف ما ترفق عليهو آآآآآآآآآآآآآي

المهم يقولون ان المسكينه جالسه تحفظ البيت
ناويه تخليها زفة في يوم زواجها
تحسب ان الرجال ضايع في هواها
وهو جالس يكلم موظفة
الاستقبال في مستوصف الاسنان
يقول انها تحبني علشان من تكلمني
تقولي هلا مرحبا كيف اخدمك
شفتو وشلون وصل الحب عندنا
حنا شعب حتى اغنية اصاله
ياحبيبه صباح الخير

صارت مثل اغاني فيروز مع كل صباح
بس مودها تنكس
مو جلسه على شاطي وادي حنيفة

( بحكم اني من الرياض)

مالنا الا وادي حنيفة عاد بكيفكم اذ ماصدقتو
ان عندنا كورنيش بالرياض ادخلو قوقل
وشوفو صوره ,’

بس بدون مطعم البيك الي منبرشه عليه محامية الجنس الطيف
تنهيدة

هي شكلها ماشفت نص شباب القصيم
صافين على مدخل الرياض

البيك البيك

صارت من معالم الرياض تشوف
مثل الصور الي فوق
خصوصا وانت داخل من شمال الرياض
وانت جاي من القصيم.
.,

المهم مالكم بالطويلة.
حياكم كلكم اليوم بزواج ولد عمتي واخوي الي ما جبته امي
الدعوة عامه ويسمح بالمغاتير ويمنع تشقير الحواجب
واصطحاب الجوالات
وعاد الي يبي الوصف وبجي يشوفني وانا زافين معرسنا للحريم
يدخل خاص واعطيه الوصف .

يلا ذلحينا أقولكم معسلامه
وبالانجلش
قووووود باااي

**لاشي يستحق** · 19-04-2017, 04:49 PM

رد: ربي خلقني - على النيه اضحك بۈجيه عذالي ..

ماعندهم ذمه ولا ذوق
اللي يعرفونك ولا يعشقونك..
يحق لك اطالع الناس من فوق
والناس المفروض أنهم يعذرونك..
لا رآق جوك كل من حولك يروق
الجلسه ماتحلى حبيبي بدونك..
اللي يقولو كل مطرود ملحوق
اقطع يدي أذا اقدرو يوصلونك..
النور كنه من محياك مسروق
الزين واجد بس مايشبهونك..
من عاملك برفوق عاملته برفوق
وياويلهم لو فكروا يزعلونك ..

ربي خلقني - على النيه اضحك بۈجيه عذالي ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget