تويت
ياقرة العين ردي قلب مجنونك
امانة الله معاك القلب منهوبي
احس أنا السحر مخلوق من عيونك
واحس وجدي لشوفك صاير ثوبي
واحس جوفي به الوقاد من دونك
واشوف نفسي بلاك اعيوب باعيوبي
ليا بعدهم ورحت بسحر مكنونك
اليا انتثر قلت هذا عز مطلوبي
يشدني لين اهيم بجوك وكونك
واقرب واصور جنوني بك بمكتوبي
اشد خيل القوافي لجل مضمونك
يومه عطاني بصدق لابملعوبي
تعالي اجنون وافي هايم اجنونك
تعالي لهايم في سحر الاسلوبي
اخذي مشاعر نبضها قلب مرهونك
مشاعر اتقول والله لا ولا اتوبي
مشاعر المن حلف والله ماخونك
يامهجة الروح يالمنوه ومرغوبي
ياعاشر ابيوت مجنون الهوى دونك
اصدق احاسيس واوصلها لمحبوبي
قله تراني طوال العمر ممنونك
لو قلت مابا الجميع وقرب لصوبي
.
أورنس
تعليق