يبيلي قلب لامنك جرحته حيل يتحمل
يبيلي امن الصبر ديره/عساني اغفر اهبالك

يبيلي اعتق اسماعي سواليفك من الأول
كفاية تكذب و كذبك اشوفه؟ ايش في بالك

تظن ان الكذب يمرق ، عشاني منك ما ازعل
و تظن ان الطريق اللي خطيته للأسف سالك

تراني اشعر اف/بعدك ؟ و ادري فيك ما تسأل
و تراني اعرفك لامن بديت .. اتحوس في إحبالك

حسافة كثر ما حبيت قلبك في انا تجهل
حسافة ما دريت اني احاول بس اتمالك

و حسافة ان الألم مبطي من عيوني بدا ينهل
وهواي اللي تمنيته غدا في خافقي هالك

و حسافة الجرح بي يكبر و ماعاد السكوت اسهل
بكيد الصمت في نحره ..و اخونك/ حد إذلالك

تظن تجي لنا أيام .. و ننسى الشوق .. و أوقاته
تظن يمر فينا الوقت .. و نلقى مثله و زيه

نواري نفسنا .. بخيبه .. و منا تهل .. عبراته
حسايف يا زمن عدى .. على قلب خفت ضيه

تقول إني غريبة حال .. أسيرة في متاهاته
و اني قاسية بالحيل .. و لا ارفق به اشويه

انا يا من تجرحني .. اذوب بصمت نظراته
و يوم إن البعد نادى .. خفوقي للهجر عيه

اموت و لا يفارقني .. و لا تهجرني لحظاته
مكانه دنيتي .. فيني .. قريب امن الهوى ليه

و لكن قادني الخافي .. لبحر غلق سكراته
بليد و لا شعور فيه .. و ارضه .. ميته حيه

اتوه من الوله و اعشق .. كلامه و اعشق سكاته
و احب العالم بعينه .. و شوقه ساكن فيه

جبرني وقتي الظالم .. اساير موج .. حالاته
و ادمر حلمي بيدي .. كأني كنت معميه

ابيه يرد لي و المس .. غرام ينبض بذاته
عسى لو كان طيف مر .. بعيني بان و تهيه

اسرني عالم جارح .. صعيب في ملذاته
و انا مثل البشر اخطي .. و لاني منه معفيه

و لكن لي أمل بالله .. بعد اسمه و اياته
يجردني من ذنوبي .. و اطوي محنتي .. طيه

طقوس العالم الثاني بأفكاره و نزعاته
ابد ما عاد تغريني .. و لا تترك أثر .. بيه

ابي ارجع و اتغير .. و احس بكل نبضاته
و اعيش بعالمي طفله لها احلام ورديه

يجيني يلمس كفوفي .. يلملمني بضحكاته
و ياخذني معه لشوق و يملاني بحنيه

حياتي مذهله فيني .. بكلماته .. و نبراته
و اكثر ما يحليها بأنا نصدق .. النيه

و لو غرر بنا هالكون .. و بعثر فينا اشتاته
مراسي شوقنا تبقى .. ضلوع الود محميه

شف خفوقي ماله/ الا سيرتك
وكل نبضه/ في بعادك جارحه

هدت الأشواق حالي و غربتك
زادت جروحي جروح مالحه

كيف بعت ارخيص روح امحبتك؟
و كل ذكرى حب امست بارحه]!

أي غلطة تهون إلا غلطتك
يا كثر ما اخطيت .. و قلت اسامحه

طينتك غير البشر وش طينتك ؟
خلنا نقلب هوانا... امصارحه!

كم وفيتك يوم تجحد كلمتك
و التمست : الوقت ماهو ابصالحه ،

وتهتوي همي .. كأني لعبتك!
مهمل أشواقي و انا بك سارحه!

تفقد اوجودي ! و تندم خيرتك
خيبتك اكبر و نفسي رابحه

صرت ادري في عذابي متعتك
ومنتهى ردي .. غرامك طارحه

وبصراحة ما بقى من يمتك
خير ارجى و نفسي منك جامحه

ولا تظن اني بناظر ردتك
غلطتك ياهي بحقي .. فادحه

ودام نثر الشوك/ امسى مهرتك
و الخيانة سنتك/ ف { إمسامحه}

كنت بالغربة .. و تهنى بغربتك
ما تعديت بحياتي البارحه

أطمح{ك} أرض وفيرة بالهوى و العاطفة
و ألمسك غيم بياضه { .. يمنح الدنيا ربيع



و أطمع بإحساس حصري إنت وحدك تعرفه
لالقيت ال كثر همي حضن من وسعه اضيع

كثر ما هيجن بذكره كثر ما كان ينساني
كثر ما ارخص بقلبي .. كثر ما قلبه اغليته

عطيته ؟ عمري بحاله .. خذا عمري و خلاني
لو اني ادري اف/بخله .. فلا زليت و اعطيته

حسبته مات ، و اهملته .. رجع لي بورد من ثاني
و انا من طيبتي اغفر و فوق الناس عليته

رفعت اقديره و اكثر .. رجع كلي تناساني
خطاي ان طيبتي ضعفي ، و قدري الشوك اجنيته

حبيبي بصدقك قولي .. مدام ان الكذب خيبه
ليامن قلت ما ودي بشوفك .. أقصد أحيا بك


و كل ما شحت عن وجهك .. تمعن قلبي بطيبه
احب اتمنعك .. و الود ودي اغمر اثيابك

حبست الدمع في جفن .. رحيقه راحة الأوراق/
يبللها بكلماته.. و يمسحها بمنديله

و يبكي كثر ما قلنا .. بكى من شوقه الحراق/
متى يا ناكر العشره.. بتفهم بس و تجي له

تذوق من عنا أيامه .. ترى حتى العنا أذواق/
و حظه كان متخاذل .. يذللني و يعطي له

تعلم إنني أعطي .. كريمه أمنح الأشواق/
خذا روحي و لا همه.. يموتني بكل ليله

أنا حبه تملكني .. هواجس هم ما ينطاق/
و لا حسيت بضلوعي و هي تصدح مواويله

فقدت احساسي الجارف و لا عاود بي الإشراق/
اشوفه معتم ذاوي .. كلام تم تأويله

فرحت و زادت الفرحه .. بعد ما ضاقت الافاق/
و افنيت الهوى مني .. و ميلته بكل ميله

بعيني غابت الدمعة .. و ذابت نظرة الإشفاق/
تعلم قلبي القسوة .. يحط الحب و يشيله

يعلي به مثل نجمة ..و ينهر لونها البراق/
و يسحقها بلا رحمة .. بعد ما صابها سيله

تغير كل ما فيني .. و حتى الخير مني ضاق/
"اسيرة بعالم حالك" .. حروف جرها ذيله

نسجها فوق منظاري .. بعدها لي حروفه ساق/
يحاول ياخذ بيدي .. يبي كلي أنا أشكي له

خلاص اليوم أنا حره ..و لا لي شي بالعشاق/
و لا لي عاشق حالم .. اسولف له .. و اغني له

و لا ظن الهوى يصحى .. و أحس بلهفة المشتاق/
يناديني تعالي لي .. و أنا بروحي أنادي له

و إذا حسيت باللهفة ترى هم للهوى أسواق/
و بدفع مثل كل واحد .. غرامه زاد من ويله

حبست الدمع في جفن .. رحيقه راحة الأوراق/
يبللها بكلماته.. و يمسحها بمنديله

و يبكي كثر ما قلنا .. بكى من شوقه الحراق/
همايل هلها قلبه خفاها العشق في ليله

سوالف خطها قلبي .. على متن الزمن بسكات
بعد .. ما شاف هرجاته تبح النبض من صوته

زمان في الحكي .. ماله تردت في مداه أصوات
شكت من ضيقته / حظه .. كبيرة محنة اسكوته

تجمد ما بقى من نثر روحي .. ما بقى [زخات]
وهن .. لا من دموع الود .. حواها جوف تابوته

حبسها .. شربة .. تروي .. شقوق الهم و الونات
جبرها .. تنطوي بينه .. صراخ ارواح مكبوته

بشدة نزفها ثارت .. عبث .. و تلونت حالات
حرمها ذوق رمانه .. حرمها من شفا توته

عطش و الجوع ينهشها بأقسى و أحلك اللحظات
ترجت ليت رجواها .. منحها .. الفرح فتفوته

ظلام .. و مسكن الغربة .. تمثل في لهب دمعات
على خد الورق تسري .. عباير دم .. موقوته

جفاف سادها .. و احرق نداها .. في غضى جمرات
حدت بعض الأمل .. يعلن غيابه .. يهجر بيوته

مرار .. بخنجر صامت .. تودع موطن الزفرات
تعب .. من حلكة أحواله .. و ضيقة نفسه و قوته

عذوقي .. حلمها تنهي .. ماسي من حياة أموات
تلملم .. جرحها .. بدري .. قبل لا يسبقه فوته

سكون .. و وقتنا ينظر سكوته مثلما دانات
لزوم نتبع اخطاها .. نخلدها .. ب/ منحوته

ابحكي من شفاه / الحب .. و انسى ما جرى بالذات
و كل اللي مضى .. علقم .. و حانت لحظته/موته

كسرت الهاجس و جوعي ..تسده / سكبة الهمسات
و خبز .. العشق .. يكفيني .. لجل ابدا .. بأنبوته

غرامي أرضها .. و الحلم .. اسقيها .. معا الدقات
و نبضات الهوى نسمة .. بدت في داخلي نوته

زوايا عاشقه .. و الفكر غامض .. اكثره شطحات
و حسي رد لي ثاني ..بعد ما كنت مكبوته

ابيض صفحتي و ابدا .. بعمري .. للهنا ..صفحات
سوالف خطها قلبي .. تجرح للزمن .. صوته

ليت قلبي من سموه / لا يحن و لا يذوب
لا يدغدني شعوري لي شفوف الهاويه

لا يهمني شروقه .. لا يهمني ، غروب
ع الفراق اليوم كلي عن هواهم ناويه

يا قليبي لا ترخي / هدنتك امست حروب
يكفي اني كم كبته كم حزوني طاويه

ما بقى فيني مكان يحتمل منه ضروب
للعنا ما عدت اقوى/ للجنون امخاويه

اه يا عمرن يعاني و الهوى فيه امغلوب
و الجراح ابكل نوع في ضلوعك حاويه

كم تجرعتك حسافة كم تجرعتك حبوب
ريتها تسكن ملامح من لهيبه / ضاويه

لا فوايد من كلامي و الرضا في امعطوب
و الألم ينهش حروف ... للماسي ، راويه

قلب ما بيده يغير من معالمها اللعوب
و الوجوه اليوم امست فالأذى متساويه

ما اقول الا سلامي / من بعد عذري وجوب
أحمل احلامي و أرحل / قبل أهوي ذاويه

ما بقى للقول معنى ما بقى الا الهروب
يوم مالي بالأماني .. لا دموعي / قاويه

ليت قلبي من سموه / لا يحن و لا يذوب
لا يدغدغني شعوري لي شفوف الهاويه

لا يهمني شروقه .. لا يهمني ، غروب
بعد ما زاد اغترابي .. في دروبن غاويه

يا عنا قلب المسافر واعذب شعوره عناه
لا بدا عمره محبة و انتهى عمره رحيل

وصارت دروبه هواجس بعدما ضحكات اه
توه بدرب المشاعر مالقى ال فرحه سبيل

وما كمل مشوار حبه ولا طريق ابتداه
كل ذنبه كان وافي و كل ذنبه حب حيل

[لفت الدنيا بثواني و قررت تهدم بناه]
ومثلما الكثبان لامن واجهت طوفان سيل

ما قوى طغيان دنيا ردت اخطاه ال وراه
انتكس عزمه تراجع قال : أنا حظي قليل

ولف اوراقه وشعوره ومابقى منه خذاه
وبأقصى الامه تنهد كنما الدنيا .. يشيل

والشنط بيده و ظهره منحني سبة هواه
سار والخطوة تعاند و ان جبر رجله تميل

يدري ان البعد حره و يدري ان قربه جواه
و يدري ان ما بيه راحه درب للعتمه يسيل

و يدري ان القلب باقي ما تبع عزمه و خطاه
مدرك ان الموت ارحم من هجر دار الخليل

و ارتحل و الشوق يحكي حال واصل منتهاه
و اقصر دروبه تحول درب أوجاع طويل

و انتهى من دون روحه و الهوى يسكن سواه
مغترب عن دار وجده/ لحده بأرض الرحيل