وقفت بالغرفه على سبت الدين **وكم واحد طلابته ساجنينه
قد وقف به ناس لطيب ضارين**تحملت قبلي مبالغ ثمينه
أحد عليه اميات وأحد عليه ملايين**ومن طاب حظه خلص الله دينه
ام العفون اموالها لشياطين ** اليا بغى يعطى العطاء ماسكينه
ملابسه شينه وراع الرداء شين**والعفن مهما كان طرياه شينه
ولاله وجاه مع الرجال السخيين**كل اهل العازات متجنبينه
ومن شاف زوله قال ماتشوفك العين**لعل مالك بوسط الاجواد عينه
ومدامي اقوى اصبر على العسر واللين**قومي بحزنك يالنفوس الحزينه
واليا انتهى صبري وحزنت تحزين**الرب رزق الأدمي في يدينه
لكن لي شرهه على ناس شرهين**مافات غير الطيب بيني وبينه
حيين لكن مير ماتقل حيين **صدو سجني كلهم خابرينه
واهل الوفا جوني من البعد عانين**ومن زارني حبيت خشمه وعينه
اما هل الترمس مع اهل البسيتين** مافيهم اللي صافحتني يمينه
دارين عني مير ماتقل دارين**حطو بذن طينه والاخرى عجينه
وانا لو اسمع عن حديهم خبر شين**لو هوعلى رجلي جيته بحينه
لو هو ورى شط البحر من ورى الصين**ان طرت له ولا ركبت السفينه
واثر ماني غالي مثل ماهم غالين **وانا احسبني زين مع ناس زينه


عبدالله باتل


منقول