ديوان الشاعره نوض ...

تقليص
X
تقليص
 
  • الصفحة لـ 8
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 template التالي
  • *مزون شمر*
    عضو مؤسس
    • Nov 2006
    • 18994
    #51
    قصيدة / قلوب

    قلوب الناس تملاها مشاعر صادقه وإحساس
    وانا قلبي ملاه الدمع يومه سال من عيني

    على خدي يسيل الدمع ياصل قلبي الحساس
    الا يا بعد خدك ياحبيبي وينك وويني؟!؟

    بكيت وعشت في جو القهر والظيم والهوجاس
    ابولع عبرتي وامسح دموع العين بيديني

    سهرت بليلي الحالك وانا بين الشقا والياس
    أجر الصوت واغني على المسحوب وأهجيني

    تعبت امن الشقا ياصاحبي وضاقت بي الانفاس
    من غيابك تجيني ضيقتي والقلب مشقيني

    تجي ذكراك لاهب النسيم وذعذع النسناس
    إلا مني ذكرت أحداث صارت بينك وبيني

    أقول اهواك يالغالي واعشقك ياعريب الساس
    احبك لا تعذبني طلبتك لا تخليني

    عسى ربي يحفظك لي وتسلم لي وعاش الراس
    انا مجنونه ابحبك وجمر الشوق يكويني

    احبك ايه احبك والغلا عندي بدون اقياس
    أهيض اليا سمعتك قلت ياعمري وحشتيني

      تعليق

      • *مزون شمر*
        عضو مؤسس
        • Nov 2006
        • 18994
        #52
        قصيدة / العيون

        يا غايتي ياسلوتي يافرحة القلب الحزين
        ياراحتي يامنوتي ي حلى شعور الهايمه

        جيتك أدور فرحتي واثر الفرح غايب سنيين
        وأنته طوال الوقت عندي مير عيني نايمه

        حتى صحت عيني وانا من صحوها واقول وين؟
        قالت:تعالي وابشريبه يالعيون الصايمه

        تكحلى وأروي عطش موقك وشوفي من تبين
        شوفي حبيبك وابشري صارت حظوظك قايمه

        لو قلت ي عيوني كفاك من التعب والله يعين
        كافي ترى والله تعبت وعاد نفسي شايمه

        يكفي تعب..يكفي شقا..يكفيك ياعيني حنين
        تعبت ياعيني وانا اشقى بالظروف الظايمه

        تعبت اجاوب حرقت(ن) في ظامري هم وانين
        تعبت اناظر بالسما بعد الطيور الحايمه

        قالت عيوني:اسمعي يا (نوض) عادك تفهمين
        شوفي حبيبك قد وصل .. ماني لمثلك لايمه

        قولي هلا بعد الغياب وعانقي بالعين عين
        الله يا طعم اللقاء من بعد غيبه دايمه

        كيف أنت .. يابعد الغلا عسا زمانك مايشين
        ابطيت عني في غيابك والمشاعر عايمه

        كن المشاعر بحر..وأمواج البحر شوق وأنين
        صنته ولاني مثل غيري بالمشاعر سايمه

        حفظت حبك ياحبيبي حفظ كن الحب دين
        يامرحبا يأول طريق وياشعور...الهايمه

          تعليق

          • *مزون شمر*
            عضو مؤسس
            • Nov 2006
            • 18994
            #53
            قصيدة / مليت

            مليت أجامل وأراعي وأترزز له
            وأنطر وصوله وأعاتب لحظة اغيابه

            إن كان هالوضع هذا حيل جايزله
            وصلي وفرقاي عنده صار متشابه

            بعيش في دنيتي مانيب منعزله
            مادمت حره ولي بالمجتمع لابه

            ومن هاجس العاطفه والعشق معتزله
            والحب والشوق عنه شدة اركابه

            من يوم صارت حياتي بالهوى هزله
            يوم انتصافا وعشر أيام بطلابه

            نويت اسافر بقلبي عنه واحجزله
            واروح في رحلة(ن) والبعد يصلابه

            إمن اول(ن) قلبي المسكين يرمزله
            والحين أقول اه ليت الحظ ماجابه

            خلوه يقرا بيوتي دامها جزله
            وخلوه يعرف عن الخفاق وش صابه

              تعليق

              • *مزون شمر*
                عضو مؤسس
                • Nov 2006
                • 18994
                #54
                قصيدة / خمسة

                ياليت لي خمسة ملايين فالبنك
                (ومجمع العربيد) ليه الحالي

                (تطريز) مع (نمنم) و(قيبير) مع شك
                والبس عليه إمن الحلي الغوالي

                والله لأبدع بالنفانيف والفنك
                وحتى الجواتي مشتري غير (بالي)

                وإمجمع (الاوقاف) لي واملكه ملك
                (والصالحيه) (والمثنى) حلالي

                لأمشي دلع مثل الحمامه على السلك
                وسيارتي (BM) من حر مالي

                واشري عماره واكتب الاسم بالصك
                للي خذا عمري وروحي وبالي

                  تعليق

                  • *مزون شمر*
                    عضو مؤسس
                    • Nov 2006
                    • 18994
                    #55
                    قصيدة / راجع

                    اقفى ويوم إلتفت لي قالي (راجع)!!
                    واليوم ليه ( ثمان ) شهور ماشفته !!

                    سهرت ليلي وجفنه نايم وهاجع
                    حفظة سر(ن) لعينه كنت حالفته

                    فرقاه ياغثها وسط الحشا تاجع
                    ولو يصبر شوي قلبي كان نتفته

                    أصبح غيابه على قلبي خبر فاجع
                    محد(ن) بعد غيبته جاني ووالفته

                    وينه حبيبي يجيب إعلاجه الناجع؟!!؟
                    تعبت أغني قصيد(ن) فيه ألفته

                    وتعبت أكرر كتاب الحب واراجع
                    اللي بوسط الظلوع الحدب غلفته

                    ماودي انه يجي ويقول نتراجع
                    حيثي أحبه وأحب اللي مخلفته

                    وينه ووينه ووينه قالي (راجع)؟!!؟
                    وينه تراني بموت إن كان ماشفته !!

                      تعليق

                      • *مزون شمر*
                        عضو مؤسس
                        • Nov 2006
                        • 18994
                        #56
                        قصيدة / صفحه

                        فكرت أبكتب لي قصيده فريده
                        وإحترت مدري بدهن ويش أبدي؟

                        هذي إسبقوني بنشرها بالجريده
                        وهذي الا من قلتهاإنباح سدي؟

                        وهذي اعجزت تشرح عن اللي أريده
                        وهذي مصيبه موت وإن جات ضدي؟

                        وهذي معانيها لحقك عنيده
                        وصارت هواجيسي تجيب وتودي؟

                        حبك مقيدني ثمانين قيده
                        وقلبك حبيبي صاير(ن) مستبدي

                        عجزت اراجع في كتابك واعيده
                        وأنا بقوالشوق وصلت حدي؟

                        ماني بعد لاماك بنت(ن) سعيده
                        لا بالله الا ضعت من وسط يدي؟

                        كنت احسب(ن)فعلتك هذي مكيده
                        وأثورباعصابي وأصارخ وأهدي؟

                        ويومي عرفت إن المشاكل شديده
                        وعرفت بان الظرف ما عنه صدي؟

                        نويت أبفتح معك صفحة(جديده)
                        يا ليت تمسح دمعة(ن)فوق خدي؟

                          تعليق

                          • *مزون شمر*
                            عضو مؤسس
                            • Nov 2006
                            • 18994
                            #57
                            قصيدة / الفصول

                            كل ما شفت المعاني وقربت الحلول
                            شفت في قلبي حقايق وهم شايله

                            وكل ماجات المشاكل تبا حبك يزول
                            مالقيت الا المدامع لخدي سايله

                            كيف بفرح وانت دايم من اطباعي زعول ؟؟
                            ياموريني نجومك بعز القايله

                            انت لك عدت معاني ولك عدة فصول
                            كل مافصلك تغير جلست احايله

                            ماعلي إمن الليالي لو العتمه تطول
                            بنتظر برق المحبه يجي واخايله

                            صرت لي اقرب من الناس من ذولا وذول
                            صرت لي اقرب من اسمي وأسم العايله

                            ايه اشوفك عاقل احيان واحيان امهبول
                            لكن انت اللي بقلبي خذيت الطايله

                            انت وينك لاعدمتك ترى جاني ذهول
                            والمشاكل ياحبيبي تراها زايله

                              تعليق

                              • *مزون شمر*
                                عضو مؤسس
                                • Nov 2006
                                • 18994
                                #58
                                قصيدة / القطاعة

                                شيشتك والمقهى وأهلك وجماعتك
                                وأشغالك اللي ماتخليك ساعه

                                قدرت توفيهم بقدر استطاعتك
                                وانا على فرقاي عندك مناعه

                                لاصرت انا وياك طالعت ساعتك
                                واليا تكلمنا كلامك لكاعه !!

                                أول تحسسني ب أني اوداعتك
                                الله يستر لاتضيع الوداعه

                                علمتني وشلون حبك وطاعتك
                                ووريتني مر الجفا والقطاعه

                                لكن اذا ودك تطول قطاعتك
                                جرب على كيفك بحسب إقتناعه

                                وإن شفتها ماعاد تقدر مناعتك
                                عود على قلبي وبالحب راعه

                                وإن شفتها دنياك خانت وباعتك
                                تعال يامرحب وسمع(ن) وطاعه

                                لاعتني إظروف الليالي ولاعتك
                                واليا تفرقنا نعود جماعه

                                  تعليق

                                  • *مزون شمر*
                                    عضو مؤسس
                                    • Nov 2006
                                    • 18994
                                    #59
                                    قصيدة / الدمع

                                    لو جمعت الشوق في لحظة لقاك
                                    مايساوي شوق هالكون الكبير

                                    من غرامك ضعت في لذت هواك
                                    ودي ابقى معك لو عمري قصير

                                    قلبي اللي يذكرك ماقد نساك
                                    وخاطري من سبة الفرقا كسير

                                    لو طلبت العمر فدوه قلت جاك
                                    دام لك قلبن على قلبي أمير

                                    ماحدن بالكون يستاهل غلاك
                                    أنت في قلبي ولا غيرك خشير

                                    وماحدن يقدر على قلبي سواك
                                    أنت أول حب يالحب الأخير

                                    ياعسى قلبي وروحي من فداك
                                    ياغلا نفسي بهالوضع الخطير

                                    ليت باق العمر اعيشه معاك
                                    داو جرحي وإمسح الدمع الغزير

                                    ياحبيب الروح قلبي ماعصاك
                                    لو طلبت الصعب مع حبك يصير

                                    أفرح بلقياك وأتمنى نداك
                                    وأعشقك وأهواك وأحبك وأغير

                                    ياعزيز النفس عالي مستواك
                                    أنت غير وباقي العشاق غير

                                      تعليق

                                      • *مزون شمر*
                                        عضو مؤسس
                                        • Nov 2006
                                        • 18994
                                        #60
                                        قصيدة / قيد

                                        (هذي قصيده توها قيد الإنشاء
                                        في بدعها ياليت ربي يعيني)

                                        حبك مضيعني من الحاء .. للباء
                                        إجمع حروف الحب بينك وبيني

                                        أنته حبيب الروح ماقلت لك لاء
                                        اي والله إني اعشقك ياضنيني

                                        لاغبت عني ياغلا نفسي استاء
                                        وتضيق نفسي والقهر يبتليني

                                        أذكر وجودك كل ماشفت الأشياء
                                        وأزهق اذا شفت الحزن يحتويني

                                        والشعر احساس ومشاعر وإيحاء
                                        يوصلك يغلا الناس من نون عيني

                                        أصبحت زهره وأنت لي يالغلا ماء
                                        وإليا ضميت اتقول لي اشربيني

                                        تروى الضما لو كنت لي بالهوى داء
                                        وإن مت ياقصة غلاه ادفنيني

                                        ماهمني ياصاحبي كثر الأعداء
                                        وماهمني وش قالوا الناس فيني

                                        إن جيتني فزيت بالزول لاجاء
                                        وإن غبت عني أدري انك تبيني

                                        ومن الألف يالين ماتاصل الياء
                                        قصة غرامك قصة العاشقيني

                                        الله فعل والله قدر وماشاء
                                        إن الضروف اتكون بينك وبيني

                                          تعليق

                                          السابق 1 2 3 4 5 6 7 8 template التالي

                                          google Ad Widget

                                          تقليص
                                          يعمل...