تويت
..
قولي اخونك وخلي القلب يرتاح
قولي اخونك وخلي القلب يرتاح
قوليها مره ويالله ريحيني
قوليها عادي لوها بلهجة مزاح
خليها رادع يكسر اشواق عيني
ولا.. لا يهمك لو اشك كلي جراح!
مجروح خلقه ما جرحتني سنيني
الهم/ الهم اصبح في حناياي فلاح
يحصد فرح عمري ويروي انيني
والاه والله في وسط صدري رماح
منها اموت وهي بتموت فيني
يعني كذا مجروح مبطي ولاراح
دثر جروحك فيني لو تجرحيني
هذي الحقيقه واضحه كل الايضاح
بالمختصر مابيك ماتنفعيني
لأني انا شكيت والشك ذباح
وانا شكوكي تتفق مع يقيني
روحي وخلي القلب بالحزن سواح
وعني بعد هاليوم لاتسأليني
حبنا غدا ماضي وكل يوم الى راح
ماعاد يرجع ايه وانتي افهميني
بطلبك انا حاجه واكررها بإلحاح
قبل الفراق ارجوك بس اسمعيني
قولي اخونك وخلي القلب يرتاح
خلي شكوكي تنكسر في يقيني ..!
..
للشاعر/ حمود الخطيمي
خلي شكوكي تنكسر في يقيني ..!
..
للشاعر/ حمود الخطيمي
تعليق